ಭಾನುವಾರ, ಏಪ್ರಿಲ್ 18, 2021
24 °C
ಅಮೆರಿಕನ್ನರು ಇಷ್ಟವಾಗದಿದ್ದನ್ನು ಸೋಲಿಸುತ್ತಾರೆ: ಬ್ರೂಸ್ ಕ್ಯಾಸ್ಟರ್

ಟ್ರಂಪ್ ಎಂದೂ ಒಪ್ಪದ್ದನ್ನು, ಅವರ ಪರ ವಕೀಲರು ಒಪ್ಪಿದ್ದಾರೆ: ಬ್ರೂಸ್ ಕ್ಯಾಸ್ಟರ್

ಎಪಿ Updated:

ಅಕ್ಷರ ಗಾತ್ರ : | |

Prajavani

ವಾಷಿಂಗ್ಟನ್: ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಚುನಾವಣೆಯಲ್ಲಿ ಸೋತಿದ್ದನ್ನು ಎಂದೂ ಒಪ್ಪಿಕೊಳ್ಳಲಿಲ್ಲ, ಆದರೆ ಅವರಿಗೆ ಎರಡನೇ ಬಾರಿಗೆ ವಾಗ್ದಂಡನೆ ವಿಧಿಸುವ ವೇಳೆ ಅವರ ಪರ ವಕಾಲತ್ತು ವಹಿಸಿದ್ದ ವಕೀಲರು, ಜೋ ಬೈಡನ್ ಗೆಲುವನ್ನು ಒಪ್ಪಿಕೊಂಡಿದ್ದಾರೆ.

ಈ ಕುರಿತು ಮಂಗಳವಾರ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿರುವ ವಕೀಲ ಬ್ರೂಸ್ ಕ್ಯಾಸ್ಟರ್ ‘ ಅಮೆರಿಕದ ಜನರು ಹಳೆಯದನ್ನು ಇಷ್ಟಪಡದಿದ್ದರೆ ಹೊಸ ಆಡಳಿತವನ್ನು ಆಯ್ಕೆಮಾಡುವಷ್ಟು ಚಾಣಾಕ್ಷರು ಮತ್ತು ಅವರು ಹಾಗೆಯೇ  ಮಾಡಿದ್ದಾರೆ‘ ಎಂದು ಜೋ ಬೈಡನ್ ಆಯ್ಕೆ ಉಲ್ಲೇಖಿಸದೇ ಹೇಳಿದರು.

ಪೆನ್ಸಿಲ್ವೇನಿಯಾದ ಮಾಜಿ ಪ್ರಾಸಿಕ್ಯೂಟರ್ ಆಗಿರುವ ಕ್ಯಾಸ್ಟರ್ ಅವರ ಈ ಟೀಕೆಗಳು ಆಶ್ಚರ್ಯ ಮೂಡಿಸಿದ್ದು, ಟ್ರಂಪ್ ಅವರ ನಿಲುವಿಗೆ ವ್ಯತಿರಿಕ್ತವಾಗಿದೆ. 

ಮಾಜಿ ಅಧ್ಯಕ್ಷ ಟ್ರಂಪ್ ತಮ್ಮ ಅಧಿಕಾರಾವಧಿಯ ಕೊನೆಯವರೆಗೂ ಚುನಾವಣೆಯ ಫಲಿತಾಂಶದ ವಿರುದ್ಧ ಮಾತನಾಡುತ್ತಾ, ಚುನಾವಣೆಯಲ್ಲಿ ಗೆದ್ದಿದ್ದೇನೆ ಎಂದು ಸಮರ್ಥಿಸಿಕೊಳ್ಳುತ್ತಿದ್ದರು. ಜನವರಿ 6ರಂದು ಕ್ಯಾಪಿಟಲ್‌ ಮೇಲೆ ನಡೆದ ದಾಳಿಯನ್ನು ಪ್ರಚೋದಿಸಿದ ಆರೋಪದ ಮೇಲೆ, ಅವರನ್ನು ವಾಗ್ದಂಡನೆಗೆ ಒಳಪಡಿಸುವ ಪ್ರಕ್ರಿಯೆ ಆರಂಭವಾಗಿದೆ.

ಇದನ್ನೂ ಓದಿ: 

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು