ನೋಡಿ: ಸ್ಕಾಟ್ಲೆಂಡ್‌ನ ಗ್ಲಾಸ್ಗೋದಲ್ಲಿ ಡ್ರಮ್ಸ್‌ ಬಾರಿಸಿದ ಪ್ರಧಾನಿ ಮೋದಿ
ಅಕ್ಷರ ಗಾತ್ರ :ಆ |ಆ |ಆ
ಗ್ಲಾಸ್ಗೋ: ವಿಶ್ವ ಸಂಸ್ಥೆಯ ಹವಾಮಾನ ವೈಪರೀತ್ಯ ತಡೆ ಸಮಾವೇಶದಲ್ಲಿ ಭಾಗಿಯಾಗಿದ್ದ ಪ್ರಧಾನಿ ನರೇಂದ್ರ ಮೋದಿ, ಸ್ಕಾಟ್ಲೆಂಡ್‌ನ ಗ್ಲಾಸ್ಗೋದಿಂದ ಹೊರಡುವ ಮುನ್ನ ಭಾರತೀಯ ಸಮುದಾಯದವರನ್ನು ಭೇಟಿಯಾದರು. ಈ ಸಂದರ್ಭದಲ್ಲಿ ಮೋದಿ ಡ್ರಮ್ಸ್‌ ಬಾರಿಸುತ್ತ ಸಂಗೀತ ಮೇಳದ ತಾಳದೊಂದಿಗೆ ಬೆರೆತರು.
ಮಂಗಳವಾರ ಪ್ರಧಾನಿ ಮೋದಿ ಭಾರತಕ್ಕೆ ಮರಳುವ ಮುನ್ನ ಭಾರತೀಯ ಸಮುದಾಯದವರನ್ನು ಭೇಟಿಯಾದರು. ಸಾಂಪ್ರದಾಯಿಕ ಶೈಲಿಯ ಕುರ್ತಾ ಪೈಜಾಮ, ಪೇಟ ಧರಿಸಿದ್ದ ಭಾರತೀಯ ಮೂಲದವರು ಪ್ರಧಾನಿಗೆ ಕೈಮುಗಿದು, ಕೈಕುಲಿಕೆ, ಸಂಗೀತ ವಾದ್ಯಗಳನ್ನು ನುಡಿಸಿ ಸಂಭ್ರಮಿಸಿದರು.
ಗ್ಲಾಸ್ಗೋದಲ್ಲಿ ಹೊಟೇಲ್‌ನಿಂದ ಹೊರಬರುವಾಗ ಪ್ರಧಾನಿಗೆ ಭಾರತೀಯರು ಎದುರಾದರು. ಹಲವು ಮಕ್ಕಳೊಂದಿಗೆ ಕೆಲವು ಕ್ಷಣ ಮೋದಿ ಮಾತನಾಡುತ್ತ, ಗಲ್ಲ ಸವರಿ ಹೆಸರು ಕೇಳುತ್ತ ನಿಂತರು. ಕೈಹಿಡಿದು, ಕೈಕುಲುಕಿ, ಹೈ–ಫೈವ್ ಸಹ ಕೊಟ್ಟರು. ಹಾಗೇ ಮುಂದೆ ಸಾಗುತ್ತ ಸಂಗೀತ ಮೇಳದೊಂದಿಗೆ ಸೇರಿ ತಾವೂ ಡ್ರಮ್ಸ್‌ ಬಾರಿಸಿದರು.
#WATCH PM Modi plays the drums along with members of the Indian community gathered to bid him goodbye before his departure for India from Glasgow, Scotland
(Source: Doordarshan) pic.twitter.com/J1zyqnJzBW
— ANI (@ANI) November 2, 2021
ಇಂದು ಬೆಳಿಗ್ಗೆ ಪ್ರಧಾನಿ ಭಾರತಕ್ಕೆ ವಾಪಸ್‌ ಆಗಿದ್ದಾರೆ. ಮೋದಿ ಅವರು ಇಟಲಿಯ ರೋಮ್‌, ವ್ಯಾಟಿಕನ್‌ ಸಿಟಿ ಹಾಗೂ ಗ್ಲಾಸ್ಗೋಗೆ ಭೇಟಿ ನೀಡಿದ್ದರು.
ಇದನ್ನೂ ಓದಿ–2070ಕ್ಕೆ ಭಾರತದಿಂದ ನೆಟ್‌ ಝೀರೋ ಗುರಿ: ಪ್ರಧಾನಿ ನರೇಂದ್ರ ಮೋದಿ
#WATCH | Delhi: Prime Minister Narendra Modi returns to the country after concluding his visit to Rome (Italy), Vatican City and Glasgow (Scotland). pic.twitter.com/COHyvgSjCX
— ANI (@ANI) November 3, 2021
‘ಜಾಗತಿಕ ತಾಪಮಾನ ಏರಿಕೆಯನ್ನು 1.5 ಡಿಗ್ರಿ ಸೆಲ್ಸಿಯಸ್‌ಗೆ ಮಿತಗೊಳಿಸುವ ನೆಟ್‌ ಝೀರೋ ಗುರಿಯನ್ನು ಭಾರತವು 2070ಕ್ಕೆ ತಲುಪಲಿದೆ’ ಎಂದು ಪ್ರಧಾನಿ ನರೇಂದ್ರ ಮೋದಿ ಅವರು ಇಲ್ಲಿ ನಡೆಯುತ್ತಿರುವ ಹವಾಮಾನ ವೈಪರೀತ್ಯ ತಡೆ ಸಮಾವೇಶದಲ್ಲಿ ಘೋಷಿಸಿದ್ದಾರೆ.
ಇದನ್ನೂ ಓದಿ–ಕೋಪ್‌26, ಜಿ20 ಸಮಾವೇಶದಿಂದ ಹೊರಗುಳಿದ ಚೀನಾ; ದೊಡ್ಡ ತಪ್ಪು ಮಾಡಿದಿರಿ ಎಂದ ಬೈಡನ್
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
