ಅಮೆರಿಕದ ಹೊಸ ಆಡಳಿತವು ತನ್ನ ಕೆಲಸವನ್ನು ಆರಂಭಿಸಿದೆ: ಕಮಲಾ ಹ್ಯಾರಿಸ್‌

ಬುಧವಾರ ಅಧ್ಯಕ್ಷರಾಗಿ ಅಧಿಕಾರ ಸ್ವೀಕರಿಸಿದ ಮೊದಲ ದಿನವೇ ಜೋ ಬೈಡನ್‌ ಅವರು, 15 ಮಹತ್ವದ ಕಾರ್ಯಾದೇಶ ಮತ್ತು ಎರಡು ನಿರ್ದೇಶನಗಳಿಗೆ ಸಹಿ ಹಾಕಿದ್ದಾರೆ. ವಿದೇಶಾಂಗ ನೀತಿಗಳು ಮತ್ತು ರಾಷ್ಟ್ರೀಯ ಭದ್ರತೆಗೆ ಸಂಬಂಧಿಸಿದಂತೆ ಹಿಂದಿನ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅವರು ಕೈಗೊಂಡಿದ್ದ ಹಲವು ನಿರ್ಧಾರಗಳನ್ನು ಜೋ ಬೈಡನ್‌ ರದ್ದುಗೊಳಿಸಿದ್ದಾರೆ ಎಂದು ಶ್ವೇತಭವನ ಹೇಳಿದೆ.

ಇದನ್ನೂ ಓದಿ:ಭಾರತ-ಅಮೆರಿಕ ಸಂಬಂಧ ಮತ್ತಷ್ಟು ಬಲಿಷ್ಠವಾಗಲಿದೆ: ಶ್ವೇತ ಭವನ

ಹವಾಮಾನ ಬದಲಾವಣೆಗೆ ಸಂಬಂಧಿಸಿದ ಪ್ಯಾರಿಸ್‌ ಒಪ್ಪಂದಕ್ಕೆ ಮರುಸೇರ್ಪಡೆಯಾಗುವ ಆದೇಶಕ್ಕೂ ಬೈಡನ್‌ ಸಹಿ ಹಾಕಿದ್ದಾರೆ. ವಿಶ್ವ ಆರೋಗ್ಯ ಸಂಸ್ಥೆಗೆ ಮರು ಸೇರ್ಪಡೆಯಾಗಲು ನಿರ್ಧರಿಸಲಾಗಿದೆ. ಅಲ್ಲದೆ ಮುಸ್ಲಿಂಮರ ಪ್ರಯಾಣ ನಿರ್ಬಂಧ, ಮೆಕ್ಸಿಕೊ ಗಡಿಯಲ್ಲಿ ಗೋಡೆ ನಿರ್ಮಾಣ ಸ್ಥಗಿತ ಮಾಡಲು ಆದೇಶ ಹೊರಡಿಸಲಾಗಿದೆ.