ಕವನ: ಪವಡಿಸಿಹರು ಕವಿ ಜನರು

ಕಾರ್ತೀಕದಮಾವಾಸ್ಯೆ ಸೂರ್ಯ ಕರಗಿದ ಮೇಲೆ

. ಬಾ ಬಾಪು ಮಹದೇವರ ಆಶ್ರಮಕೆ ಕಾಲಿಟ್ಟೆ

. ದುಧಾ ದಾನಿ ಮಗನರು ನೆಟ್ಟ ನೆರಳಡಿ ಕೂತೆ

. ಜನದೇವರ ಹೆಜ್ಜೆಗುರುತು ಕದ್ದಿಂಗಳಲು ಕಂಡೆ

. ಅದೇನದೇನು ಚಂದವೋ, ಅದೇನು ಹರಿತ ನೋಟವೋ!

. ಇರುಳ ಮೌನ ಸೀಳುತ್ತ ಗೂಬೆ ಕವಿ ಹಾರಿ ಬಂತು

. ಗುಹಾ ನಿಯೋಗಿ ಜೀವವದು ವಿರಾಮವಿರದ ಒಳಗಣ್ಣು

. ಸುತ್ತಮುತ್ತ ಗಸ್ತುನೋಟ ಹರಿಸಿ ಗತ್ತು ಇಳಿಸಿಕೊಂಡು

. ಕಳೆದ ಬಂಧು ದೊರೆತ ಖುಷಿಗೆ ಮಾತಿನವರೆ ಸುಲಿಯಿತು:

. `ಬರಗಾಲವಿಲ್ಲಿ ಹೊಸದಲ್ಲ, ಕೇಳಿಲ್ಲಿ, ಕನಸುಗಣ್ಣೇ

. ನೂರಕಿಪ್ಪತ್ತೇ ವರುಷ ಮಳೆಯ ವರವೀ ನಾಡಿಗೆ

. ಮಳೆಯಿರದೆ ಜಲಕಣ್ಣು ಒಣಗಿ ಇಂಗಿ ನೀರಿರದೆ

. ಡೌಗಿ ಬರ ಆಗಲೀಗ ಮೇಲೆರಗುವುದೂ ಇದೆ

. ಬರಕೆ ಬೆದರಿದವರಲ್ಲ ಭೂಕಂಪಕಂಜಿದವರಲ್ಲ

. ನೀರ ಜಾಣಜಾಣೆಯರು ರಣ ನೆಲದ ಕಚ್ಛರು

. ನೆಲದಾಳದ ಒರತೆಗಣ್ಣು ಬೆಂಕಿಯನ್ನುಗುಳುತಿರಲು

. ಕೃಷ್ಣ ಕ್ರಿಸ್ತ ನಬಿ ಜಿನರೆ ಜೀವಕೆ ತಂಪೆರೆವರು

. ಕವಿಯೇ ನೀನು? ಎಚ್ಚರ! ಕವಿ ಹೆಣ್ಣೇ? ಎಚ್ಚರ!

. ಕಂಡು, ಕೇಳಿ, ಅತ್ತರಾಗಲಿಲ್ಲ ಇರಲಿ ಎಚ್ಚರ

. ಲೆಕ್ಕವಿಲ್ಲ ಹಸಿದವರ ಸಾವುನೋವು ದುಗುಡ ದುಃಖ

. ಕಣ್ಣು ತಿವಿವ ಉರಿಸಂಕಟ ಕಾಣದೆಂದರಾಶ್ಚರ್ಯ!

. ನಿನ್ನ ಮೌನ ನಿನ್ನ ನೆತ್ತರಿಂದ ನಾಳೆ ಮೀಯುವುದು

. ಉಂಡುತಿಂದು ಗೆಂಡೆ ರೋಗ, ಕವಿಗೆ ಬಂದಿತೇಕಿಂದು?

. ಬೆಲ್ಲ ಬಂತು ಕೇರಿಗೆ ಜೊತೆಗೆ ವಿಷವೂ ನುಸುಳಿದೆ

. ವಿಷವಾವುದು ಕಹಿ ಯಾವುದು ಜಿಹ್ವೆ ರುಚಿಯ ಮರೆತಿದೆ

. ಬಾಯಲಿಹುದು ಬೆಲ್ಲವಲ್ಲ ಸಿಹಿ ಸವರಿದ ಕಲ್ಲಷ್ಟೇ

. ಸವಿ ಕರಗಿ ಇಳಿದ ಮೇಲೆ ಸುಲಿಯಲಿದೆ ನಾಲಿಗೆ

. ಎದ್ದೇಳು ಕವಿ ಎಚ್ಚರ, ಎಬ್ಬಿಸು ಮೈ ಮರೆತವರ

. ಪ್ರಾಣ ಹೋದರೂನು ಮಾತು ಅಡವಿಡದಿರು, ಎಚ್ಚರ

. ಎವೆಯಿಕ್ಕುವುದರಲ್ಲಿ ಸಗ್ಗಕೆ ಕವಿ ಒಯ್ಯುವರು

. ಹೂವರಳಿಸಲಾರರು ಮನ ಅರಳಿಸಬಲ್ಲರು

. ಸುಖ ಶವಾಸನದಿ ಕವಿಗಳೇಕೆ ಪವಡಿಸಿರುವರು?

. ಎದೆ ಕವಿತೆ ಕಷ್ಟದಲ್ಲಿದೆ, ಕವಿ ಜನರ ಎಚ್ಚರಿಸು

. ಕವಿತೆ ಕದನಪ್ರೇಮಿಯಲ್ಲ, ನೆತ್ತರಲಿ ತೊಯ್ದು ಬರುವುದಿಲ್ಲ

. ಪ್ರೇಮಗಂಧ ಬೆವರ ಗಂಧ ಮೈತ್ರಿ ಗಂಧ ಕವಿತೆಗೆ

. ಸೇಡಿನಿಂದ ಹೊಸತೆಂದೂ ಹುಟ್ಟಲಾರದು ಕವಿಯೆ

. ಹಾಡು ಹಾಡಿ ಅರುಹು ನಿಜವ ಕುರುಡ ಜನ ಸಮೂಹಕೆ

. ಎಚ್ಚರ ಕವಿ ಎಚ್ಚರ! ಎದೆ ನುಡಿಯು ಕಷ್ಟದಲ್ಲಿದೆ

. ಕಂಡೂ ಸುಮ್ಮಗಿರುವೆಯೇಕೆ? ಬಳಗ ಕಷ್ಟದಲ್ಲಿದೆ

. ಒರೆಯ ಕತ್ತಿಯಲ್ಲ ಮಾತು ಎದೆಗುರಾಣಿಯಲ್ಲ ಮಾತು

. ಎದೆಯಲರಳಿದಂಥ ಸಹಜ ಹೂವಿನಂತೆ ಕವಿ ಮಾತು

. ಮಾತು ದುಃಖ ಅರಿವ ದಾರಿ, ದುಃಖವೇ ಶಕ್ತಿ ನೆನಪಿಡು

. ದುಃಖ ಸಹಿಸು, ಎಂದಿಗೂ ಉಂಡ ದುಃಖ ಮರೆಯದಿರು

. ದುಃಖವನೆ ಬದುಕಿ ಬಿಡು, ಸುಮ್ಮನೆಂದು ಇರದಿರು

. ಕವಿತೆಯೇ ನಿತ್ಯ ಸತ್ಯ, ದುಃಖ ನುಂಗಿ ಬರೆದುಬಿಡು’

. ಬಿರುಗಣ್ಣ ಚೆಲುವ ಗೂಬೆಯೇ, ನಿನ್ನ ಕಾಲಗ್ಯಾನಕೆ ಶರಣು

. ಇರುಳು ಕಾಂಬ ಹಕ್ಕಿಯೇ, ನಿನ್ನ ಕಣ್ಣ ಶಕುತಿಗೆ ಶರಣು

. ಸಬರಮತಿಯ ಸಾಕ್ಷಿಯಾಗಿ, ಕೊಡುವೆನು ನಿನಗೀ ಮಾತು

. ಇಂದಿನಿಂದ ಕಂಡುದನ್ನು ಹೇಳದೆ ಇರಲಾರೆನು..

. (ಸದ್ಯವೇ ಬಿಡುಗಡೆಯಾಗಲಿರುವ ಎಚ್.ಎಸ್. ಅನುಪಮಾ ಅವರ ‘ಸಬರಮತಿ’ ನೀಳ್ಗವಿತೆಯ ಒಂದು ಭಾಗ)

. ರೇಖಾ ಚಿತ್ರ: ಡಾ. ಕೃಷ್ಣ ಗಿಳಿಯಾರ್

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕವನ: ಪವಡಿಸಿಹರು ಕವಿ ಜನರು

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದೇವನಹಳ್ಳಿ ಭೂಸ್ವಾಧೀನ ರದ್ದು: ಮುಖ್ಯಮಂತ್ರಿ ಸಿದ್ದರಾಮಯ್ಯ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು

WI vs AUS: ಸ್ಟಾರ್ಕ್ ಬಿರುಗಾಳಿಗೆ ವಿಂಡೀಸ್ ಧೂಳಿಪಟ; 27 ರನ್ನಿಗೆ ಆಲೌಟ್

ಐಸಿಸಿ ರ್‍ಯಾಂಕಿಂಗ್‌: ಅಗ್ರ ಹತ್ತರಲ್ಲಿ ಶಫಾಲಿ ವರ್ಮಾ

ಈಕ್ವೆಸ್ಟ್ರಿಯನ್: ಶುಭ್ ಚೌಧರಿಗೆ ಮೂರು ಪದಕ

ಇಂಗ್ಲೆಂಡ್‌ ತಂಡಕ್ಕೆ ಮರಳಿದ ಎಡಗೈ ಸ್ಪಿನ್ನರ್‌ ಲಿಯಾಮ್‌ ಡಾಸನ್‌

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದೇವನಹಳ್ಳಿ ಭೂಸ್ವಾಧೀನ ರದ್ದು: ಮುಖ್ಯಮಂತ್ರಿ ಸಿದ್ದರಾಮಯ್ಯ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು