ಭಾನುವಾರ, ಮೇ 22, 2022
22 °C

ಎರಿಸ್ ಎಂದರೆ...

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಎರಿಸ್ ಎಂದರೆ...

`ಎರಿಸ್~ ಕಂಡುಹಿಡಿದದ್ದು ಯಾರು?

`ಎರಿಸ್~ ಮೊದಲು ಪತ್ತೆಯಾದದ್ದು 2005ರಲ್ಲಿ. ಅಕ್ಟೋಬರ್ 2003ರಲ್ಲಿ ಮೈಕ್ ಬ್ರೌನ್, ಚಾ ಟ್ರುಜಿಲೊ ಹಾಗೂ ಡೇವಿಡ್ ರಾಬಿನೋವಿಟ್ಜ್ ಅವರನ್ನೊಳಗೊಂಡ ಗಗನಯಾತ್ರಿಗಳ ತಂಡ ಅಮೆರಿಕದ `ಪಾಲೋಮರ್ ಒಬ್ಸರ್ವೇಟರಿ~ಯಲ್ಲಿ ಕೆಲವು ಚಿತ್ರಗಳನ್ನು ತೆಗೆದಿದ್ದರು. ಅವುಗಳನ್ನು ಸೂಕ್ಷ್ಮವಾಗಿ ಅಧ್ಯಯನ ಮಾಡಿದಾಗ `ಎರಿಸ್~ ಪತ್ತೆಯಾದದ್ದು.

ಅದಕ್ಕೆ `ಎರಿಸ್~ ಎಂಬ ಹೆಸರು ಬರಲು ಕಾರಣವೇನು?

2003ರಲ್ಲಿ ಇನ್ನೊಂದು ಗ್ರಹ ಪತ್ತೆಯಾಗಿದೆಯೆಂದೂ ಅದಕ್ಕೆ `ಯುಬಿ313~ ಎಂದೂ ಹೆಸರು ನೀಡಲಾಗಿತ್ತು. ಆಮೇಲೆ ಅದಕ್ಕೆ ಗ್ರೀಕ್ ಯುದ್ಧದೇವತೆ `ಎರಿಕ್~ ಹೆಸರನ್ನಿಡಬೇಕು ಎಂದು ಚರ್ಚೆ ನಡೆಯಿತು. ಗಾತ್ರದಲ್ಲಿ ಗ್ರಹಗಳಷ್ಟು ದೊಡ್ಡದಾಗಿ ಇಲ್ಲದ ಅದನ್ನು ಇನ್ನೊಂದು ಗ್ರಹವೆಂದು ಕರೆಯಲು ಬಾಹ್ಯಾಕಾಶ ವಿಜ್ಞಾನಿಗಳು ಒಪ್ಪಲಿಲ್ಲ. ಆಮೇಲೆ ಅದನ್ನು ಸಣ್ಣ ಗ್ರಹವಷ್ಟೆ ಎಂದು ಹೇಳಿದರು. ಆದರೂ `ಎರಿಕ್~ ಎಂಬ ಹೆಸರು ಉಳಿಯಿತು.

ಅದು ಎಷ್ಟು ದೊಡ್ಡದು?

ಮೊದಲಿಗೆ ಅದು ಪ್ಲುಟೋಗಿಂತ ದೊಡ್ಡದಾಗಿದೆ ಎಂದು ಭಾವಿಸಲಾಗಿತ್ತು. ಇತ್ತೀಚಿನ ಅಧ್ಯಯನಗಳು ಪ್ಲುಟೋದಷ್ಟೇ ಇದೆ ಅಥವಾ ಅದಕ್ಕಿಂತ ಸಣ್ಣದಾಗಿದೆ ಎಂದು ಹೇಳಿವೆ. ಈ ಗ್ರಹದಲ್ಲಿ `ಡಿಸ್ನೋಮಿಯಾ~ ಎಂಬ ಚಂದ್ರನೂ ಉಂಟು.

ಸೌರಮಂಡಲದಲ್ಲಿ ಇದು ಎಲ್ಲಿದೆ?

ನೆಪ್ಚೂನ್ ಗ್ರಹಕ್ಕಿಂತ ಹಿಂಬದಿಯಲ್ಲಿ ಛಿದ್ರಗೊಂಡ ವೃತ್ತಾಕಾರದ ವಲಯವಿದೆ. ಅಲ್ಲಿ `ಎರಿಸ್~ ಇದೆ. ಸೂರ್ಯನನ್ನು ಸುತ್ತಲು ಇದು 557 ವರ್ಷ ತೆಗೆದುಕೊಳ್ಳುತ್ತದೆ. ಪ್ಲುಟೋದಂತೆಯೇ ಇದು ಕೂಡ ಸೌರಮಂಡಲದಲ್ಲಿ ಸೂರ್ಯನಿಂದ ಅತಿ ದೂರದಲ್ಲಿದೆ.

ಇನ್ಯಾವ ಸಣ್ಣ ಗ್ರಹಗಳು ಇವೆ?

ಪ್ಲುಟೋ, ಹಾಮಿಯಾ, ಮೇಕ್‌ಮೇಕ್ ಹಾಗೂ ಸೆರೆಸ್ (ತುಂಬಾ ಸಣ್ಣದು) ಇತರೆ ಸಣ್ಣ ಗ್ರಹಗಳು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.