<p><strong>ಬರ್ಮಿಂಗ್ಹ್ಯಾಮ್ (ಪಿಟಿಐ):</strong> ದೆನೇಶ್ ರಾಮ್ದಿನ್ (ಅಜೇಯ 107) ಹಾಗೂ ಟಿನೊ ಬೆಸ್ಟ್ (95) ಅವರ ಅತ್ಯುತ್ತಮ ಬ್ಯಾಟಿಂಗ್ ಪ್ರದರ್ಶನದ ನೆರವಿನಿಂದ ವೆಸ್ಟ್ಇಂಡೀಸ್ ತಂಡದವರು ಇಲ್ಲಿ ನಡೆಯುತ್ತಿರುವ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಕ್ರಿಕೆಟ್ ಸರಣಿಯ ಮೂರನೇ ಪಂದ್ಯದಲ್ಲಿ ಮೇಲುಗೈ ಸಾಧಿಸಿದ್ದಾರೆ.<br /> <br /> ವಿಂಡೀಸ್ ತನ್ನ ಮೊದಲ ಇನಿಂಗ್ಸ್ ನಲ್ಲಿ 426 ರನ್ ಕಲೆಹಾಕಿತು. ಮೊದಲ ಇನಿಂಗ್ಸ್ ಆರಂಭಿಸಿರುವ ಇಂಗ್ಲೆಂಡ್ ನಾಲ್ಕನೇ ದಿನದಾಟದಲ್ಲಿ ಚಹಾ ವಿರಾಮದ ವೇಳೆಗೆ 31 ಓವರ್ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 113 ರನ್ ಗಳಿಸಿತ್ತು. ಮೊದಲ ಎರಡು ದಿನದ ಆಟಕ್ಕೆ ಮಳೆ ಅಡ್ಡಿಯಾಗಿತ್ತು. ಈ ಪಂದ್ಯದಲ್ಲಿ ರಾಮ್ದಿನ್ ಶತಕ ಗಳಿಸುತ್ತಿದ್ದಂತೆ ತಮ್ಮ ಜೇಬಿನಿಂದ ಚೀಟಿಯೊಂದನ್ನು ತೆಗೆದು ಪ್ರೇಕ್ಷಕರತ್ತ ತೋರಿಸಿದರು. `ಹೇಯ್... ವಿವ್ ಈಗ ಮಾತಾಡು~ ಎಂದು ಅದರಲ್ಲಿ ಬರೆದಿತ್ತು.<br /> <br /> ಕೆಲ ದಿನಗಳ ಹಿಂದೆ ರಾಮ್ದಿನ್ ಆಟದ ಬಗ್ಗೆ ಮಾಜಿ ಆಟಗಾರ ಸರ್ ವಿವಿಯನ್ ರಿಚರ್ಡ್ಸ್ ಟೀಕೆ ಮಾಡಿದ್ದರು. ಈ ಪಂದ್ಯದಲ್ಲಿ ವಿಶ್ವದಾಖಲೆಯೊಂದು ಮೂಡಿಬಂತು. 11ನೇ ಬ್ಯಾಟ್ಸ್ಮನ್ ಆಗಿ ಕ್ರೀಸ್ಗೆ ಬಂದ ವಿಂಡೀಸ್ನ ಟಿನೊ ಬೆಸ್ಟ್ 95 ರನ್ ಗಳಿಸಿದರು. ಇದು ಈ ಕ್ರಮಾಂಕದಲ್ಲಿ ಬಂದ ವೈಯಕ್ತಿಕ ಅತಿ ಹೆಚ್ಚು ರನ್. ಈ ಹಿಂದೆ 2004ರಲ್ಲಿ ಭಾರತದ ಜಹೀರ್ ಖಾನ್ ಬಾಂಗ್ಲಾದೇಶ ವಿರುದ್ಧ 75 ರನ್ ಗಳಿಸಿದ್ದರು. <br /> <br /> <strong>ಸಂಕ್ಷಿಪ್ತ ಸ್ಕೋರ್</strong>: ವೆಸ್ಟ್ಇಂಡೀಸ್ ಮೊದಲ ಇನಿಂಗ್ಸ್: 129.3 ಓವರ್ಗಳಲ್ಲಿ 426 (ಆ್ಯಡ್ರಿಯನ್ ಭರತ್ 41, ಮಾರ್ಲೊನ್ ಸ್ಯಾಮೂಯೆಲ್ಸ್ 76, ದೆನೇಶ್ ರಾಮ್ದಿನ್ ಅಜೇಯ 107, ಟಿನೊ ಬೆಸ್ಟ್ 95; ಗ್ರಹಾಮ್ ಆನಿಯನ್ಸ್ 88ಕ್ಕೆ4); ಇಂಗ್ಲೆಂಡ್ ಮೊದಲ ಇನಿಂಗ್ಸ್: 31 ಓವರ್ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 113 (ಕೇವಿನ್ ಪೀಟರ್ಸನ್ ಬ್ಯಾಟಿಂಗ್ 46).</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬರ್ಮಿಂಗ್ಹ್ಯಾಮ್ (ಪಿಟಿಐ):</strong> ದೆನೇಶ್ ರಾಮ್ದಿನ್ (ಅಜೇಯ 107) ಹಾಗೂ ಟಿನೊ ಬೆಸ್ಟ್ (95) ಅವರ ಅತ್ಯುತ್ತಮ ಬ್ಯಾಟಿಂಗ್ ಪ್ರದರ್ಶನದ ನೆರವಿನಿಂದ ವೆಸ್ಟ್ಇಂಡೀಸ್ ತಂಡದವರು ಇಲ್ಲಿ ನಡೆಯುತ್ತಿರುವ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಕ್ರಿಕೆಟ್ ಸರಣಿಯ ಮೂರನೇ ಪಂದ್ಯದಲ್ಲಿ ಮೇಲುಗೈ ಸಾಧಿಸಿದ್ದಾರೆ.<br /> <br /> ವಿಂಡೀಸ್ ತನ್ನ ಮೊದಲ ಇನಿಂಗ್ಸ್ ನಲ್ಲಿ 426 ರನ್ ಕಲೆಹಾಕಿತು. ಮೊದಲ ಇನಿಂಗ್ಸ್ ಆರಂಭಿಸಿರುವ ಇಂಗ್ಲೆಂಡ್ ನಾಲ್ಕನೇ ದಿನದಾಟದಲ್ಲಿ ಚಹಾ ವಿರಾಮದ ವೇಳೆಗೆ 31 ಓವರ್ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 113 ರನ್ ಗಳಿಸಿತ್ತು. ಮೊದಲ ಎರಡು ದಿನದ ಆಟಕ್ಕೆ ಮಳೆ ಅಡ್ಡಿಯಾಗಿತ್ತು. ಈ ಪಂದ್ಯದಲ್ಲಿ ರಾಮ್ದಿನ್ ಶತಕ ಗಳಿಸುತ್ತಿದ್ದಂತೆ ತಮ್ಮ ಜೇಬಿನಿಂದ ಚೀಟಿಯೊಂದನ್ನು ತೆಗೆದು ಪ್ರೇಕ್ಷಕರತ್ತ ತೋರಿಸಿದರು. `ಹೇಯ್... ವಿವ್ ಈಗ ಮಾತಾಡು~ ಎಂದು ಅದರಲ್ಲಿ ಬರೆದಿತ್ತು.<br /> <br /> ಕೆಲ ದಿನಗಳ ಹಿಂದೆ ರಾಮ್ದಿನ್ ಆಟದ ಬಗ್ಗೆ ಮಾಜಿ ಆಟಗಾರ ಸರ್ ವಿವಿಯನ್ ರಿಚರ್ಡ್ಸ್ ಟೀಕೆ ಮಾಡಿದ್ದರು. ಈ ಪಂದ್ಯದಲ್ಲಿ ವಿಶ್ವದಾಖಲೆಯೊಂದು ಮೂಡಿಬಂತು. 11ನೇ ಬ್ಯಾಟ್ಸ್ಮನ್ ಆಗಿ ಕ್ರೀಸ್ಗೆ ಬಂದ ವಿಂಡೀಸ್ನ ಟಿನೊ ಬೆಸ್ಟ್ 95 ರನ್ ಗಳಿಸಿದರು. ಇದು ಈ ಕ್ರಮಾಂಕದಲ್ಲಿ ಬಂದ ವೈಯಕ್ತಿಕ ಅತಿ ಹೆಚ್ಚು ರನ್. ಈ ಹಿಂದೆ 2004ರಲ್ಲಿ ಭಾರತದ ಜಹೀರ್ ಖಾನ್ ಬಾಂಗ್ಲಾದೇಶ ವಿರುದ್ಧ 75 ರನ್ ಗಳಿಸಿದ್ದರು. <br /> <br /> <strong>ಸಂಕ್ಷಿಪ್ತ ಸ್ಕೋರ್</strong>: ವೆಸ್ಟ್ಇಂಡೀಸ್ ಮೊದಲ ಇನಿಂಗ್ಸ್: 129.3 ಓವರ್ಗಳಲ್ಲಿ 426 (ಆ್ಯಡ್ರಿಯನ್ ಭರತ್ 41, ಮಾರ್ಲೊನ್ ಸ್ಯಾಮೂಯೆಲ್ಸ್ 76, ದೆನೇಶ್ ರಾಮ್ದಿನ್ ಅಜೇಯ 107, ಟಿನೊ ಬೆಸ್ಟ್ 95; ಗ್ರಹಾಮ್ ಆನಿಯನ್ಸ್ 88ಕ್ಕೆ4); ಇಂಗ್ಲೆಂಡ್ ಮೊದಲ ಇನಿಂಗ್ಸ್: 31 ಓವರ್ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 113 (ಕೇವಿನ್ ಪೀಟರ್ಸನ್ ಬ್ಯಾಟಿಂಗ್ 46).</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
