ಬಿರುಕು ಬಿಟ್ಟ ರೈಲ್ವೆ ಹಳಿ: ಆತಂಕ
ಅಕ್ಷರ ಗಾತ್ರ :ಆ |ಆ |ಆ
ಮದ್ದೂರು: ರೈಲು ಹಳಿ ಬಿರುಕುಬಿಟ್ಟ ಘಟನೆ ತಾಲ್ಲೂಕಿನ ನಿಡಘಟ್ಟ ಬಳಿ ನಡೆದಿದ್ದು, ಯಾವುದೇ ಅಪಾಯ ಸಂಭವಿಸಿಲ್ಲ. ಆದರೆ, ಪ್ರಯಾಣಿಕರು ಆತಂಕಕ್ಕೆ ಒಳಗಾದದರು.
ಮೈಸೂರಿನಿಂದ ಬೆಂಗಳೂರಿಗೆ ಹೊರಟ ಚಾಮುಂಡಿ ಎಕ್ಸ್‌ಪ್ರೆಸ್‌ ರೈಲು ಬೆಳಿಗ್ಗೆ 9 ಗಂಟೆ ವೇಳೆಗೆ ನಿಡಘಟ್ಟ ಬಳಿ ಬರುತ್ತಿದ್ದಂತೆ, ಗಡ ಗಡ ಸದ್ದು ಕೇಳಿ ಬಂತು. ಸದ್ದು ಆಲಿಸಿದ ಚಾಲಕ ರೈಲನ್ನು ಕೂಡಲೇ ನಿಲ್ಲಿಸಿದರು. ಹಳಿ ಪರೀಕ್ಷಿಸಿದಾಗ ಬಂಧದ ನಡುವೆ ಎರಡು ಇಂಚು ಬಿರುಕು ಬಿಟ್ಟಿದ್ದು ಕಂಡು ಬಂತು.
ಅಲ್ಲಿಂದಲೇ ಹಿರಿಯ ಅಧಿಕಾರಿಗಳನ್ನು ಸಂಪರ್ಕಿಸಿದ ಚಾಲಕ ದೂರು ನೀಡಿದರು. ಮದ್ದೂರು ಬಳಿ ಜೋಡಿ ಹಳಿ ನಿರ್ಮಾಣ ಕಾರ್ಯದಲ್ಲಿ ತೊಡಗಿದ್ದ ಸಿಬ್ಬಂದಿ ಕೂಡಲೇ ಸ್ಥಳಕ್ಕೆ ಬಂದು ಹಳಿಯನ್ನು ದುರಸ್ತಿಗೊಳಿಸಿದರು.
ಈ ಘಟನೆಯಿಂದಾಗಿ ಚಾಮುಂಡಿ ಎಕ್ಸ್‌ಪ್ರೆಸ್‌ ರೈಲು 45 ನಿಮಿಷಗಳ ಕಾಲ ತಡವಾಗಿ ಬೆಂಗಳೂರಿಗೆ ತೆರಳಿತು. ಆಗಬಹುದಾಗಿದ್ದ ಭಾರಿ ಅನಾಹುತ ಚಾಲಕನ ಸಮಯಪ್ರಜ್ಞೆಯಿಂದಾಗಿ ತಪ್ಪಿತು.
ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
