ಮಂಗಳವಾರ, ಏಪ್ರಿಲ್ 13, 2021
32 °C

ಸ್ಥಿರಾಸ್ತಿ ಲೆಕ್ಕ ಸಲ್ಲಿಸದ ಐಎಎಸ್ ಅಧಿಕಾರಿಗಳ ವೇತನ ಹೆಚ್ಚಳಕ್ಕೆ ತಡೆ?

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ (ಪಿಟಿಐ): 2012-13ನೇ ಸಾಲಿಗೆ ಸ್ಥಿರಾಸ್ತಿ ಲೆಕ್ಕಪತ್ರ ಸಲ್ಲಿಸದ 127 ಐಎಎಸ್ ಅಧಿಕಾರಿಗಳ ವಾರ್ಷಿಕ ವೇತನ ಹೆಚ್ಚಳ ತಡೆಹಿಡಿಯಲು ಕೇಂದ್ರ ಸರ್ಕಾರ ಚಿಂತಿಸುತ್ತಿದೆ. ಇವರಲ್ಲಿ ಏಳು ಅಧಿಕಾರಿಗಳು ಕರ್ನಾಟಕ ಕೇಡರ್‌ಗೆ ಸೇರಿದವರು.



ಈ ಅಧಿಕಾರಿಗಳ ವೇತನ ಹೆಚ್ಚಳ ತಡೆಹಿಡಿಯುವ ಜತೆಗೆ ನೇಮಕಾತಿ ಸ್ಥಾನ ತೋರಿಸದೆ ಖಾಲಿ ಕೂರಿಸುವ ಬಗ್ಗೆಯೂ ಪರಿಶೀಲನೆ ನಡೆದಿದೆ ಎಂದು ಸಿಬ್ಬಂದಿ ಮತ್ತು ತರಬೇತಿ ಇಲಾಖೆಯ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.



ಮಧ್ಯಪ್ರದೇಶ ಕೇಡರ್‌ನ 32, ಉತ್ತರ ಪ್ರದೇಶದ 16, ಪಂಜಾಬ್‌ನ 14,  ಒಡಿಶಾದ 12, ಆಂಧ್ರದ 8, ತಮಿಳುನಾಡಿನ ಇಬ್ಬರು ಅಧಿಕಾರಿಗಳು ಇವರಲ್ಲಿ ಸೇರಿದ್ದಾರೆ.ರಾಷ್ಟ್ರದಲ್ಲಿ 6154 ಐಎಎಸ್ ಹುದ್ದೆಗಳಿದ್ದು, ಇವುಗಳಲ್ಲಿ 1885 ಬಡ್ತಿ ಹುದ್ದೆಗಳಾಗಿವೆ. ನಿಯಮದ ಪ್ರಕಾರ ಐಎಎಸ್ ಅಧಿಕಾರಿಯು ಪ್ರತಿ ವರ್ಷ ಜನವರಿ ಅಂತ್ಯದೊಳಗೆ ಸ್ಥಿರಾಸ್ತಿ ಲೆಕ್ಕಪತ್ರ ವಿವರವನ್ನು ಸಲ್ಲಿಸಬೇಕು.



ಇದರ ಜತೆಗೆ 216 ಐಎಎಸ್ ಅಧಿಕಾರಿಗಳು 2010-11ರ ಸಾಲಿನ ಸ್ಥಿರಾಸ್ತಿ ಲೆಕ್ಕಪತ್ರವನ್ನು ಇನ್ನೂ ಸಲ್ಲಿಸಿಲ್ಲ. ಇವರಲ್ಲಿ ಕರ್ನಾಟಕ ಕೇಡರ್‌ನ 24, ಪಶ್ಚಿಮ ಬಂಗಾಳದ 30, ಜಮ್ಮು ಕಾಶ್ಮೀರದ 19, ಬಿಹಾರದ 16 ಅಧಿಕಾರಿಗಳು ಸೇರಿದ್ದಾರೆ.

 

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.