<p><strong>ದಾವಣಗೆರೆ:</strong> ಮೂರ್ನಾಲ್ಕು ದಿನದ ಮಾಂಸ, ಮೀನು.. ಕೊಳೆತು ನಾರುವ ತೊಟ್ಟಿ. ಕುಡಿದು ಗುಡ್ಡೆ ಹಾಕಿದ ಬಾಟಲಿಗಳಿಂದ ಹರಡುವ ಕೆಟ್ಟ ವಾಸನೆ.. ಕುಡಿಯುವ ನೀರಿನ ತೊಟ್ಟಿಯಲ್ಲಿ ಒದ್ದಾಡುವ ಹುಳುಗಳು... ತಿಂಗಳಾದರೂ ವಿಲೇವಾರಿ ಮಾಡದೆ ಹಾಗೆಯೇ ಸಂಗ್ರಹಿಸಿದ ಕಸ...<br /> <br /> ಇದು ಮಹಾನಗರ ಪಾಲಿಕೆ ಆರೋಗ್ಯ ಸ್ಥಾಯಿ ಸಮಿತಿ ಅಧ್ಯಕ್ಷ ಎಚ್.ಎಂ. ರುದ್ರಮುನಿಸ್ವಾಮಿ ನೇತೃತ್ವದ ತಂಡ ನಗರದ ಪ್ರಸಿದ್ಧ ಮಾಂಸಹಾರಿ ಹೋಟೆಲ್ಗಳು, ಕಲ್ಯಾಣ ಮಂದಿರಗಳ ಮೇಲೆ ದಾಳಿ ನಡೆಸಿದಾಗ ಕಂಡುಬಂದ ದೃಶ್ಯ.<br /> <br /> ಆರಂಭದಲ್ಲಿ ಗುಂಡಿ ಮಹಾದೇವಪ್ಪ ಕಲ್ಯಾಣ ಮಂದಿರದ ಮೇಲೆ ದಾಳಿ ಮಾಡಿದಾಗ ಕಸ ವಿಲೇವಾರಿ ಮಾಡದೇ ಹಾಗೆಯೇ ಸಂಗ್ರಹಿಸಿಟ್ಟ ದೃಶ್ಯ ಕಂಡುಬಂತು. ಕಸಕ್ಕೆ ಹಾಕಿದ ಬೆಂಕಿಯಿಂದ ಸುತ್ತಲು ಹೊಗೆ ಹಬ್ಬಿದ್ದು ವಾಯು ವಿಹಾರಿಗಳ ಆಕ್ರೋಶಕ್ಕೆ ಕಾರಣವಾಗಿತ್ತು.<br /> <br /> ಕುಡಿಯುವ ನೀರಿನ ತೊಟ್ಟಿ ತೆರೆದು ಬಿಟ್ಟಿದ್ದು, ಅದು ಹುಳಹುಪ್ಪಟೆಗಳ ತಾಣವಾಗಿತ್ತು.ಪ್ರಸಿದ್ಧ ಕಲ್ಯಾಣ ಮಂಟಪದ ಕತೆ ಈ ರೀತಿಯಾದರೆ, ಶಾಮನೂರು ರಸ್ತೆಯಲ್ಲಿರುವ ಸ್ಪಂದನ ಹಾಗೂ ಗ್ರೀನ್ಪಾರ್ಕ್ ಹೋಟೆಲ್ಗಳಲ್ಲಿ ಹಳೆಯ ಮಾಂಸ ಸಂಗ್ರಹಿಸಿಡಲಾಗಿತ್ತು. ಸ್ವಚ್ಛತೆ ಇರಲಿಲ್ಲ. <br /> <br /> ಯುಜಿಡಿಗೆ ಪಾತ್ರೆ, ಲೋಟ ತೊಳೆದ ನೀರು ಬಿಡಲಾಗುತ್ತಿತ್ತು. ತರಕಾರಿ ಕೊಳೆತು ನಾರುತ್ತಿದ್ದವು. ಚಾಮುಂಡಿ ಬಾರ್ನಲ್ಲಿ ಬಾಟಲಿಗಳ ಗುಡ್ಡ ಸೃಷ್ಟಿಯಾಗಿತ್ತು. ಸೊಳ್ಳೆಗಳು ವಿಪರೀತ ಮನೆ ಮಾಡಿದ್ದವು. ಸುಕ್ಷೇಮ ಆಸ್ಪತ್ರೆ, ಆಶ್ರಯ ಆಸ್ಪತ್ರೆಗಳಿಗೂ ಭೇಟಿ ನೀಡಲಾಯಿತು. <br /> <br /> ಆಸ್ಪತ್ರೆಗಳು ಸೇರಿದಂತೆ ದಾಳಿ ನಡೆಸಿದ ಹೋಟೆಲ್ಗಳು ಹಲವು ವರ್ಷದಿಂದ ವ್ಯಾಪಾರ ಪರವಾನಗಿ ಪಡೆಯದೇ ಇರುವುದು ಕಂಡು ಬಂತು. ಎಲ್ಲರಿಗೂ ನೋಟಿಸ್ ನೀಡಲಾಯಿತು. ಪಾಲಿಕೆ ಎಂಜಿನಿಯರ್ ಜಾಫರ್, ತಿಮ್ಮಪ್ಪ, ಗೋಪಾಲ್ ಮದನ್, ಹೊನ್ನಪ್ಪ, ಗೋಪಾಲನಾಯ್ಕ, ಪ್ರಕಾಶ್, ರಾಮಪ್ಪ ಮತ್ತಿತರರು ದಾಳಿಯಲ್ಲಿ ಭಾಗವಹಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ದಾವಣಗೆರೆ:</strong> ಮೂರ್ನಾಲ್ಕು ದಿನದ ಮಾಂಸ, ಮೀನು.. ಕೊಳೆತು ನಾರುವ ತೊಟ್ಟಿ. ಕುಡಿದು ಗುಡ್ಡೆ ಹಾಕಿದ ಬಾಟಲಿಗಳಿಂದ ಹರಡುವ ಕೆಟ್ಟ ವಾಸನೆ.. ಕುಡಿಯುವ ನೀರಿನ ತೊಟ್ಟಿಯಲ್ಲಿ ಒದ್ದಾಡುವ ಹುಳುಗಳು... ತಿಂಗಳಾದರೂ ವಿಲೇವಾರಿ ಮಾಡದೆ ಹಾಗೆಯೇ ಸಂಗ್ರಹಿಸಿದ ಕಸ...<br /> <br /> ಇದು ಮಹಾನಗರ ಪಾಲಿಕೆ ಆರೋಗ್ಯ ಸ್ಥಾಯಿ ಸಮಿತಿ ಅಧ್ಯಕ್ಷ ಎಚ್.ಎಂ. ರುದ್ರಮುನಿಸ್ವಾಮಿ ನೇತೃತ್ವದ ತಂಡ ನಗರದ ಪ್ರಸಿದ್ಧ ಮಾಂಸಹಾರಿ ಹೋಟೆಲ್ಗಳು, ಕಲ್ಯಾಣ ಮಂದಿರಗಳ ಮೇಲೆ ದಾಳಿ ನಡೆಸಿದಾಗ ಕಂಡುಬಂದ ದೃಶ್ಯ.<br /> <br /> ಆರಂಭದಲ್ಲಿ ಗುಂಡಿ ಮಹಾದೇವಪ್ಪ ಕಲ್ಯಾಣ ಮಂದಿರದ ಮೇಲೆ ದಾಳಿ ಮಾಡಿದಾಗ ಕಸ ವಿಲೇವಾರಿ ಮಾಡದೇ ಹಾಗೆಯೇ ಸಂಗ್ರಹಿಸಿಟ್ಟ ದೃಶ್ಯ ಕಂಡುಬಂತು. ಕಸಕ್ಕೆ ಹಾಕಿದ ಬೆಂಕಿಯಿಂದ ಸುತ್ತಲು ಹೊಗೆ ಹಬ್ಬಿದ್ದು ವಾಯು ವಿಹಾರಿಗಳ ಆಕ್ರೋಶಕ್ಕೆ ಕಾರಣವಾಗಿತ್ತು.<br /> <br /> ಕುಡಿಯುವ ನೀರಿನ ತೊಟ್ಟಿ ತೆರೆದು ಬಿಟ್ಟಿದ್ದು, ಅದು ಹುಳಹುಪ್ಪಟೆಗಳ ತಾಣವಾಗಿತ್ತು.ಪ್ರಸಿದ್ಧ ಕಲ್ಯಾಣ ಮಂಟಪದ ಕತೆ ಈ ರೀತಿಯಾದರೆ, ಶಾಮನೂರು ರಸ್ತೆಯಲ್ಲಿರುವ ಸ್ಪಂದನ ಹಾಗೂ ಗ್ರೀನ್ಪಾರ್ಕ್ ಹೋಟೆಲ್ಗಳಲ್ಲಿ ಹಳೆಯ ಮಾಂಸ ಸಂಗ್ರಹಿಸಿಡಲಾಗಿತ್ತು. ಸ್ವಚ್ಛತೆ ಇರಲಿಲ್ಲ. <br /> <br /> ಯುಜಿಡಿಗೆ ಪಾತ್ರೆ, ಲೋಟ ತೊಳೆದ ನೀರು ಬಿಡಲಾಗುತ್ತಿತ್ತು. ತರಕಾರಿ ಕೊಳೆತು ನಾರುತ್ತಿದ್ದವು. ಚಾಮುಂಡಿ ಬಾರ್ನಲ್ಲಿ ಬಾಟಲಿಗಳ ಗುಡ್ಡ ಸೃಷ್ಟಿಯಾಗಿತ್ತು. ಸೊಳ್ಳೆಗಳು ವಿಪರೀತ ಮನೆ ಮಾಡಿದ್ದವು. ಸುಕ್ಷೇಮ ಆಸ್ಪತ್ರೆ, ಆಶ್ರಯ ಆಸ್ಪತ್ರೆಗಳಿಗೂ ಭೇಟಿ ನೀಡಲಾಯಿತು. <br /> <br /> ಆಸ್ಪತ್ರೆಗಳು ಸೇರಿದಂತೆ ದಾಳಿ ನಡೆಸಿದ ಹೋಟೆಲ್ಗಳು ಹಲವು ವರ್ಷದಿಂದ ವ್ಯಾಪಾರ ಪರವಾನಗಿ ಪಡೆಯದೇ ಇರುವುದು ಕಂಡು ಬಂತು. ಎಲ್ಲರಿಗೂ ನೋಟಿಸ್ ನೀಡಲಾಯಿತು. ಪಾಲಿಕೆ ಎಂಜಿನಿಯರ್ ಜಾಫರ್, ತಿಮ್ಮಪ್ಪ, ಗೋಪಾಲ್ ಮದನ್, ಹೊನ್ನಪ್ಪ, ಗೋಪಾಲನಾಯ್ಕ, ಪ್ರಕಾಶ್, ರಾಮಪ್ಪ ಮತ್ತಿತರರು ದಾಳಿಯಲ್ಲಿ ಭಾಗವಹಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
