ಗುರುವಾರ , ಜೂನ್ 4, 2020
27 °C

ಕೋವಿಡ್‌–19: ಮಹೀಂದ್ರಾದಿಂದ ದೇಶೀಯ ವೆಂಟಿಲೇಟರ್‌, ಬೆಲೆ ₹7,500ಕ್ಕಿಂತಲೂ ಕಡಿಮೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಅಗ್ಗದ ದರದ ವೆಂಟಿಲೇಟರ್‌ ಸಿದ್ಧಪಡಿಸಿರುವ ಮಹೀಂದ್ರಾ ಕಂಪನಿಯ ಇಂಜಿಯರ್‌ ತಂಡ

ಬೆಂಗಳೂರು: ದೇಶದಾದ್ಯಂತ ಲಾಕ್‌ಡೌನ್‌  ಪರಿಣಾಮ ಈಗಾಗಲೇ ಎಲ್ಲ ಕಾರು ತಯಾರಿಕಾ ಕಂಪನಿಗಳು ಕಾರ್ಯ ಸ್ಥಗಿತಗೊಳಿಸಿವೆ. ತಯಾರಿಕಾ ಘಟಕಗಳಲ್ಲಿ ವೆಂಟಿಲೇಟರ್‌ ಸಿದ್ಧಪಡಿಸುವ ಪ್ರಯತ್ನವನ್ನೂ ಕೆಲವು ಕಂಪನಿಗಳು ನಡೆಸುತ್ತಿದ್ದು, ಮಹೀಂದ್ರಾ ಆ್ಯಂಡ್‌ ಮಹೀಂದ್ರಾ ಅಗ್ಗದ ದರದ ವೆಂಟಿಲೇಟರ್‌ ಪ್ರಸ್ತುತ ಪಡಿಸಿದೆ. 

ಆಂಬ್ಯು ಬ್ಯಾಗ್‌ ಎಂದು ಕರೆಯಲಾಗುವ ವೆಂಟಿಲೇಟರ್‌ ಅಥವಾ ಗಾಳಿ ಚೀಲದ ಮಾಸ್ಕ್‌ನ್ನು ಮಹೀಂದ್ರಾ ದೇಶಿಯವಾಗಿ ಸಿದ್ಧಪಡಿಸಿದೆ. ಇದರ ಬೆಲೆ ₹7,500ಕ್ಕೂ ಕಡಿಮೆ ಇರಲಿದೆ ಎಂದು ಕಂಪನಿ ಹೇಳಿದೆ. 

ಕೊರೊನಾ ವೈರಸ್‌ ಸೊಂಕು ಉಸಿರಾಟದ ಸಮಸ್ಯೆ ತರುವುದರಿಂದ ರೋಗಿಗಳಿಗೆ ಕೃತಕ ಉಸಿರಾಟದ ವ್ಯವಸ್ಥೆ ಕಲ್ಪಿಸುವುದು ಅಗತ್ಯವಾಗಲಿದೆ. ಕೋವಿಡ್‌–19 ಪ್ರಕರಣಗಳು ಹೆಚ್ಚುತ್ತಿದ್ದು, ವೆಂಟಿಲೇಟರ್‌ಗಳಿಗೆ ತೀವ್ರ ಬೇಡಿಕೆ ಉಂಟಾಗುವ ಸಾಧ್ಯತೆ ಹೆಚ್ಚಿರುವುದರಿಂದ ಕಾರು ತಯಾರಿಕಾ ಕಂಪನಿಗಳು ಆಂಬ್ಯು ಬ್ಯಾಗ್‌ ಸಿದ್ಧಪಡಿಸುತ್ತಿವೆ. ಮಹೀಂದ್ರಾ ಕಂಪನಿಯ ಮುಂಬೈ ಮತ್ತು ನಾಸಿಕ್‌ನ ಕಾರು ತಯಾರಿಕಾ ಘಟಕಗಳಲ್ಲಿ ಇಂಜಿನಿಯರ್‌ಗಳ ತಂಡ ಕೇವಲ 48 ಗಂಟೆಗಳಲ್ಲಿಯೇ ಆಂಬ್ಯು ಬ್ಯಾಗ್‌ ಮಾದರಿ ಸಿದ್ಧಪಡಿಸಿದೆ ಎಂದು ಮಹಿಂದ್ರಾ ಕಂಪನಿ ಮುಖ್ಯಸ್ಥ ಆನಂದ್‌ ಮಹೀಂದ್ರಾ ಗುರುವಾರ ಟ್ವೀಟ್‌ ಮಾಡಿದ್ದಾರೆ. 

'ಐಸಿಯುಗಳಲ್ಲಿ ಬಳಕೆಯಾಗುವ ವೆಂಟಿಲೇಟರ್‌ಗಳು ಅತ್ಯಂತ ಸೂಕ್ಷ್ಮ ಸಾಧನಗಳಾಗಿದ್ದು, ₹5–10 ಲಕ್ಷ ಬೆಲೆ ಇದೆ. ಪ್ರಸ್ತುತ ದೇಶೀಯವಾಗಿ ಸಿದ್ಧ‍ಪಡಿಸಲಾಗುತ್ತಿರುವ ಆಂಬ್ಯು ಬ್ಯಾಗ್‌ಗಳು ಜೀವ ಉಳಿಸಲು ಸಮರ್ಥವಾಗಿವೆ. ಇದಕ್ಕೆ ₹7,500ಕ್ಕೂ ಕಡಿಮೆ ಬೆಲೆ ಇರಲಿದೆ ಹಾಗೂ ಇದರಿಂದಾಗಿ ಹೆಚ್ಚಿನ ಜನರಿಗೆ ಅನುಕೂಲವಾಗಲಿದೆ' ಎಂದಿದ್ದಾರೆ. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು