ಪ್ರಮುಖವಾಗಿ ಆರೋಗ್ಯ ಕ್ಷೇತ್ರ, ಗೃಹ ನಿರ್ಮಾಣ ಮತ್ತು ಮೂಲಸೌಕರ್ಯ ಅಭಿವೃದ್ಧಿ, ರಿಯಲ್ ಎಸ್ಟೇಟ್ ಕ್ಷೇತ್ರ ಚೇತರಿಕೆಗೆ ಬಜೆಟ್ ನೆರವಾಗಲಿದೆ ಎನ್ನುವ ವಿಶ್ವಾಸ ಮಾರುಕಟ್ಟೆಯಲ್ಲಿ ಮೂಡಿದೆ. ಹೀಗಾಗಿ ಬ್ಯಾಂಕಿಂಗ್, ಫೈನಾನ್ಸ್ ಕ್ಷೇತ್ರದ ಷೇರುಗಳು ಕೂಡ ಬಜೆಟ್ ಮಂಡನೆಗೆ ಕಾಯುತ್ತಿವೆ. ವಿತ್ತ ಸಚಿವರು ವಿಶೇಷ ಗಮನ ಹರಿಸಿ, ಸೂಕ್ತ ಕ್ರಮಗಳನ್ನು ಘೋಷಿಸಿದರೆ ತೈಲ, ಇಂಧನ, ಗ್ಯಾಸ್ ಕ್ಷೇತ್ರದ ಹೂಡಿಕೆ, ವಹಿವಾಟು ಕೂಡ ಉತ್ತಮ ಏರಿಕೆ ಕಾಣಲಿದೆ. ಹೀಗಾಗಿ ಮಾರುಕಟ್ಟೆಯ ಚಿತ್ತ ಕೇಂದ್ರ ಬಜೆಟ್‌ನತ್ತ ನೆಟ್ಟಿದೆ.
