ರಫ್ತು: ಜುಲೈನಲ್ಲಿ ಶೇ 10ರಷ್ಟು ಇಳಿಕೆ
ಅಕ್ಷರ ಗಾತ್ರ :ಆ |ಆ |ಆ
ನವದೆಹಲಿ: ಸತತ ಐದನೇ ತಿಂಗಳಿನಲ್ಲಿಯೂ ದೇಶದ ರಫ್ತು ವಹಿವಾಟು ಇಳಿಕೆ ಕಂಡಿದೆ. ಜುಲೈನಲ್ಲಿ ಶೇ 10.21ರಷ್ಟು ಇಳಿಕೆಯಾಗಿದ್ದು, ₹ 1.80 ಲಕ್ಷ ಕೋಟಿ ಮೌಲ್ಯದ ಸರಕುಗಳು ರಫ್ತಾಗಿವೆ.
ಹೀಗಿದ್ದರೂ, ಏಪ್ರಿಲ್‌, ಮೇ ಮತ್ತು ಜೂನ್‌ ತಿಂಗಳಿಗೆ ಹೋಲಿಸಿದರೆ ಜುಲೈನಲ್ಲಿ ಇಳಿಕೆ ಪ್ರಮಾಣ ಕಡಿಮೆ ಇದೆ. ಏಪ್ರಿಲ್‌ನಲ್ಲಿ ಶೇ 60ರಷ್ಟು, ಮೇನಲ್ಲಿ 36ರಷ್ಟು ಹಾಗೂ ಜೂನ್‌ನಲ್ಲಿ ಶೇ 12ರಷ್ಟು ಇಳಿಕೆಯಾಗಿತ್ತು.
ಪೆಟ್ರೋಲಿಯಂ ಮತ್ತು ಚರ್ಮದ ಉತ್ಪನ್ನಗಳು, ಹರಳು, ಚಿನ್ನಾಭರಣ ವಸ್ತುಗಳ ರಫ್ತು ಇಳಿಕೆಯಾಗಿದೆ. ಇದು ಒಟ್ಟಾರೆ ರಫ್ತು ವಹಿವಾಟಿನ ಮೇಲೆ ಪರಿಣಾಮ ಬೀರಿದೆ ಎಂದು ಸರ್ಕಾರ ಹೇಳಿದೆ.
ಆಮದು ವಹಿವಾಟು ಶೇ 28ರಷ್ಟು ಕಡಿಮೆಯಾಗಿದ್ದು, ₹ 2.13 ಲಕ್ಷ ಕೋಟಿ ಮೌಲ್ಯದ ಸರಕುಗಳು ಆಮದಾಗಿವೆ. ತೈಲ ಆಮದು ಶೇ 32ರಷ್ಟು ಇಳಿಕೆ ಆಗಿದ್ದರೆ, ಚಿನ್ನದ ಆಮದು ಶೇ 4ರಷ್ಟು ಹೆಚ್ಚಾಗಿದೆ.
ಏಪ್ರಿಲ್‌ ಜೂನ್‌ ಅವಧಿಯಲ್ಲಿ ರಫ್ತು ವಹಿವಾಟು ಶೇ 30ರಷ್ಟು ಹಾಗೂ ಆಮದು ವಹಿವಾಟು ಶೇ 47ರಷ್ಟು ಇಳಿಕೆಯಾಗಿದೆ.
ನಕಾರಾತ್ಮಕ ಬೆಳವಣಿಗೆ (%)
ಪೆಟ್ರೋಲಿಯಂ ಉತ್ಪನ್ನಗಳು- 51
ಹರಳು, ಚಿನ್ನಾಭರಣ- 50
ಚರ್ಮದ ಉತ್ಪನ್ನಗಳು- 27
ಸಿದ್ಧ ಉಡುಪು- ;22
ಬಾದಾಮಿ- 21
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
