<p><strong>ನವದೆಹಲಿ</strong>: ಸರಕು ಮತ್ತು ಸೇವಾ ತೆರಿಗೆಯ (ಜಿಎಸ್ಟಿ) ಮೂಲಕ ಸೆಪ್ಟೆಂಬರ್ನಲ್ಲಿ ₹1.47 ಲಕ್ಷ ಕೋಟಿ ವರಮಾನ ಸಂಗ್ರಹ ಆಗಿದೆ. ಕಳೆದ ವರ್ಷದ ಸೆಪ್ಟೆಂಬರ್ನಲ್ಲಿ ಆಗಿದ್ದ ವರಮಾನ ಸಂಗ್ರಹಕ್ಕೆ ಹೋಲಿಸಿದರೆ ಶೇ 26ರಷ್ಟು ಹೆಚ್ಚಾಗಿದೆ.</p>.<p>2021ರ ಸೆಪ್ಟೆಂಬರ್ನಲ್ಲಿ ₹1.17 ಲಕ್ಷ ಕೋಟಿ ವರಮಾನ ಸಂಗ್ರಹ ಆಗಿತ್ತು. 2022ರ ಆಗಸ್ಟ್ನಲ್ಲಿ ಸಂಗ್ರಹ ಆಗಿದ್ದ ₹1.43 ಲಕ್ಷ ಕೋಟಿಗೆ ಹೋಲಿಸಿದರೂ ಸೆಪ್ಟೆಂಬರ್ನಲ್ಲಿ ಆಗಿರುವ ಸಂಗ್ರಹವು ಹೆಚ್ಚಿನದ್ದಾಗಿದೆ.</p>.<p>ತೆರಿಗೆ ಸಂಗ್ರಹದಲ್ಲಿ ಚೇತರಿಕೆ ಮತ್ತು ಜಿಎಸ್ಟಿ ಜಾಲತಾಣವು ಸ್ಥಿರವಾಗಿದೆ ಎನ್ನುವುದನ್ನು ಸೆಪ್ಟೆಂಬರ್ ತಿಂಗಳ ಅಂಕಿ–ಅಂಶವು ಸೂಚಿಸುತ್ತಿದೆ ಎಂದು ಹಣಕಾಸು ಸಚಿವಾಲಯ ಶನಿವಾರ ತಿಳಿಸಿದೆ.</p>.<p>ಸೆಪ್ಟೆಂಬರ್ ತಿಂಗಳ ಒಟ್ಟು ಸಂಗ್ರಹದಲ್ಲಿ ಸಿಜಿಎಸ್ಟಿ ಪಾಲು ₹25,271 ಕೋಟಿ, ಎಸ್ಜಿಎಸ್ಟಿ ₹31,813 ಕೊಟಿ, ಐಜಿಎಸ್ಟಿ ₹80,464 ಕೋಟಿ ಹಾಗೂ ಸೆಸ್ ಮೂಲಕ ₹10,137 ಕೋಟಿ ಸಂಗ್ರಹ ಆಗಿದೆ.</p>.<p>ಸೆಪ್ಟೆಂಬರ್ನಲ್ಲಿ ಆಗಿರುವ ವರಮಾನ ಸಂಗ್ರಹವು ಆಗಸ್ಟ್ನಲ್ಲಿ ಸರಕು ಮತ್ತು ಸೇವೆಗಳನ್ನು ಪೂರೈಕೆ ಮಾಡಿರುವುದಕ್ಕೆ ಸಂಬಂಧಿಸಿದ್ದಾಗಿದೆ ಎಂದು ಕೆಪಿಎಂಜಿ ಇಂಡಿಯಾದ ಪರೋಕ್ಷ ತೆರಿಗೆಯ ಪಾಲುದಾರ ಅಭಿಷೇಕ್ ಜೈನ್ ಹೇಳಿದ್ದಾರೆ.</p>.<p>ಹಬ್ಬದ ಋತು ಇರುವುದರಿಂದ ಮುಂಬರುವ ತಿಂಗಳುಗಳಲ್ಲಿ ಜಿಎಸ್ಟಿ ಸಂಗ್ರಹವು ಇನ್ನಷ್ಟು ಏರಿಕೆ ಆಗುವ ನಿರೀಕ್ಷೆ ಇದೆ ಎಂದೂ ಅವರು ತಿಳಿಸಿದ್ದಾರೆ.</p>.<p>ತೆರಿಗೆ ವ್ಯವಸ್ಥೆಯಲ್ಲಿ ಆಗಿರುವ ಸುಧಾರಣೆಗಳು ಮತ್ತು ಹಲವು ವಿನಾಯಿತಿಗಳನ್ನು ಕೈಬಿಟ್ಟಿರುವ ಕಾರಣಗಳಿಂದಾಗಿ ತೆರಿಗೆ ಸಂಗ್ರಹ ಹೆಚ್ಚಾಗುತ್ತಿದೆ. ಜಿಎಸ್ಟಿ ವ್ಯವಸ್ಥೆಯು ಸ್ಥಿರವಾಗುತ್ತಿರುವಂತೆ ತೋರುತ್ತಿದೆ ಎಂದು ಎನ್.ಎ. ಶಾ ಅಸೋಸಿಯೇಟ್ಸ್ನ ಪಾಲುದಾರ ಪರಾಗ್ ಮೆಹ್ತಾ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.</p>.<p>ಇ–ವೇ ಬಿಲ್: 2022ರ ಆಗಸ್ಟ್ನಲ್ಲಿ 7.29 ಲಕ್ಷ ಇ–ವೇ ಬಿಲ್ ಮತ್ತು 3.77 ಲಕ್ಷ ಇ–ಇನ್ವಾಯ್ಸ್ ಸೃಷ್ಟಿಯಾಗಿದ್ದು, ಎರಡನ್ನೂ ಒಳಗೊಂಡು 1.1 ಕೋಟಿಯನ್ನೂ ದಾಟಿದೆ. ಇದೊಂದು ಮಹತ್ವದ ಮೈಲಿಗಲ್ಲಾಗಿದೆ ಎಂದು ಸಚಿವಾಲಯವು ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಸರಕು ಮತ್ತು ಸೇವಾ ತೆರಿಗೆಯ (ಜಿಎಸ್ಟಿ) ಮೂಲಕ ಸೆಪ್ಟೆಂಬರ್ನಲ್ಲಿ ₹1.47 ಲಕ್ಷ ಕೋಟಿ ವರಮಾನ ಸಂಗ್ರಹ ಆಗಿದೆ. ಕಳೆದ ವರ್ಷದ ಸೆಪ್ಟೆಂಬರ್ನಲ್ಲಿ ಆಗಿದ್ದ ವರಮಾನ ಸಂಗ್ರಹಕ್ಕೆ ಹೋಲಿಸಿದರೆ ಶೇ 26ರಷ್ಟು ಹೆಚ್ಚಾಗಿದೆ.</p>.<p>2021ರ ಸೆಪ್ಟೆಂಬರ್ನಲ್ಲಿ ₹1.17 ಲಕ್ಷ ಕೋಟಿ ವರಮಾನ ಸಂಗ್ರಹ ಆಗಿತ್ತು. 2022ರ ಆಗಸ್ಟ್ನಲ್ಲಿ ಸಂಗ್ರಹ ಆಗಿದ್ದ ₹1.43 ಲಕ್ಷ ಕೋಟಿಗೆ ಹೋಲಿಸಿದರೂ ಸೆಪ್ಟೆಂಬರ್ನಲ್ಲಿ ಆಗಿರುವ ಸಂಗ್ರಹವು ಹೆಚ್ಚಿನದ್ದಾಗಿದೆ.</p>.<p>ತೆರಿಗೆ ಸಂಗ್ರಹದಲ್ಲಿ ಚೇತರಿಕೆ ಮತ್ತು ಜಿಎಸ್ಟಿ ಜಾಲತಾಣವು ಸ್ಥಿರವಾಗಿದೆ ಎನ್ನುವುದನ್ನು ಸೆಪ್ಟೆಂಬರ್ ತಿಂಗಳ ಅಂಕಿ–ಅಂಶವು ಸೂಚಿಸುತ್ತಿದೆ ಎಂದು ಹಣಕಾಸು ಸಚಿವಾಲಯ ಶನಿವಾರ ತಿಳಿಸಿದೆ.</p>.<p>ಸೆಪ್ಟೆಂಬರ್ ತಿಂಗಳ ಒಟ್ಟು ಸಂಗ್ರಹದಲ್ಲಿ ಸಿಜಿಎಸ್ಟಿ ಪಾಲು ₹25,271 ಕೋಟಿ, ಎಸ್ಜಿಎಸ್ಟಿ ₹31,813 ಕೊಟಿ, ಐಜಿಎಸ್ಟಿ ₹80,464 ಕೋಟಿ ಹಾಗೂ ಸೆಸ್ ಮೂಲಕ ₹10,137 ಕೋಟಿ ಸಂಗ್ರಹ ಆಗಿದೆ.</p>.<p>ಸೆಪ್ಟೆಂಬರ್ನಲ್ಲಿ ಆಗಿರುವ ವರಮಾನ ಸಂಗ್ರಹವು ಆಗಸ್ಟ್ನಲ್ಲಿ ಸರಕು ಮತ್ತು ಸೇವೆಗಳನ್ನು ಪೂರೈಕೆ ಮಾಡಿರುವುದಕ್ಕೆ ಸಂಬಂಧಿಸಿದ್ದಾಗಿದೆ ಎಂದು ಕೆಪಿಎಂಜಿ ಇಂಡಿಯಾದ ಪರೋಕ್ಷ ತೆರಿಗೆಯ ಪಾಲುದಾರ ಅಭಿಷೇಕ್ ಜೈನ್ ಹೇಳಿದ್ದಾರೆ.</p>.<p>ಹಬ್ಬದ ಋತು ಇರುವುದರಿಂದ ಮುಂಬರುವ ತಿಂಗಳುಗಳಲ್ಲಿ ಜಿಎಸ್ಟಿ ಸಂಗ್ರಹವು ಇನ್ನಷ್ಟು ಏರಿಕೆ ಆಗುವ ನಿರೀಕ್ಷೆ ಇದೆ ಎಂದೂ ಅವರು ತಿಳಿಸಿದ್ದಾರೆ.</p>.<p>ತೆರಿಗೆ ವ್ಯವಸ್ಥೆಯಲ್ಲಿ ಆಗಿರುವ ಸುಧಾರಣೆಗಳು ಮತ್ತು ಹಲವು ವಿನಾಯಿತಿಗಳನ್ನು ಕೈಬಿಟ್ಟಿರುವ ಕಾರಣಗಳಿಂದಾಗಿ ತೆರಿಗೆ ಸಂಗ್ರಹ ಹೆಚ್ಚಾಗುತ್ತಿದೆ. ಜಿಎಸ್ಟಿ ವ್ಯವಸ್ಥೆಯು ಸ್ಥಿರವಾಗುತ್ತಿರುವಂತೆ ತೋರುತ್ತಿದೆ ಎಂದು ಎನ್.ಎ. ಶಾ ಅಸೋಸಿಯೇಟ್ಸ್ನ ಪಾಲುದಾರ ಪರಾಗ್ ಮೆಹ್ತಾ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.</p>.<p>ಇ–ವೇ ಬಿಲ್: 2022ರ ಆಗಸ್ಟ್ನಲ್ಲಿ 7.29 ಲಕ್ಷ ಇ–ವೇ ಬಿಲ್ ಮತ್ತು 3.77 ಲಕ್ಷ ಇ–ಇನ್ವಾಯ್ಸ್ ಸೃಷ್ಟಿಯಾಗಿದ್ದು, ಎರಡನ್ನೂ ಒಳಗೊಂಡು 1.1 ಕೋಟಿಯನ್ನೂ ದಾಟಿದೆ. ಇದೊಂದು ಮಹತ್ವದ ಮೈಲಿಗಲ್ಲಾಗಿದೆ ಎಂದು ಸಚಿವಾಲಯವು ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
