ಭಾರತ–ಬ್ರಿಟನ್ ಮುಕ್ತ ವ್ಯಾಪಾರ ಒಪ್ಪಂದ; ಕೃಷಿಕರಿಗೆ ಹೆಚ್ಚು ಸಿಹಿ: ಇಲ್ಲಿದೆ ವಿವರ

ಭಾರತ ಮತ್ತು ಬ್ರಿಟನ್ ನಡುವೆ ಐತಿಹಾಸಿಕ ಮುಕ್ತ ವ್ಯಾಪಾರ ಒಪ್ಪಂದಕ್ಕೆ ಸಹಿ ಬಿದ್ದಿದೆ. ಈ ಒಪ್ಪಂದವನ್ನು ಅಧಿಕೃತವಾಗಿ ‘ಸಮಗ್ರ ಆರ್ಥಿಕ ಮತ್ತು ವ್ಯಾಪಾರ ಒಪ್ಪಂದ’ (ಸಿಇಟಿಎ) ಎಂದು ಕರೆಯಲಾಗಿದೆ. ಈ ಒಪ್ಪಂದದ ಪ್ರಮುಖ ವಿವರಗಳು ಇಲ್ಲಿವೆ.

. ಕೃಷಿ ವಲಯ

. * ಭಾರತದ ಹಣ್ಣು, ತರಕಾರಿ, ಏಕದಳ ಧಾನ್ಯಗಳು, ಅರಿಸಿನ, ಕಾಳುಮೆಣಸು, ಏಲಕ್ಕಿ, ಮಾವಿನ ತಿರುಳು, ಉಪ್ಪಿನಕಾಯಿ, ದ್ವಿದಳ ಧಾನ್ಯಗಳಂತಹ ಕೃಷಿ ಉತ್ಪನ್ನಗಳಿಗೆ ಬ್ರಿಟನ್ನಿನ ಮಾರುಕಟ್ಟೆಗೆ ಸುಂಕರಹಿತವಾಗಿ ಪ್ರವೇಶ ಸಿಗಲಿದೆ.

. * ಕೃಷಿ ಮತ್ತು ಸಂಸ್ಕರಿತ ಆಹಾರ ಉತ್ಪನ್ನಗಳ ಪೈಕಿ ಶೇ 95ಕ್ಕೂ ಹೆಚ್ಚಿನವುಗಳಿಗೆ ಶೂನ್ಯ ಸುಂಕ ಇರಲಿದೆ.

. * ಸುಂಕ ರಹಿತ ಮಾರುಕಟ್ಟೆ ಲಭ್ಯವಾಗುವ ಕಾರಣದಿಂದಾಗಿ ಭಾರತದ ಕೃಷಿ ಉತ್ಪನ್ನಗಳ ರಫ್ತು ಪ್ರಮಾಣವು ಮುಂದಿನ ಮೂರು ವರ್ಷಗಳಲ್ಲಿ ಶೇ 20ಕ್ಕಿಂತ ಹೆಚ್ಚಳ ಕಾಣುವ ನಿರೀಕ್ಷೆ ಇದೆ.

. * ಹಲಸಿನ ಹಣ್ಣು, ಸಿರಿಧಾನ್ಯಗಳು ಮತ್ತು ಸಾವಯವ ಔಷಧೀಯ ಗಿಡಮೂಲಿಕೆಗಳಿಗೆ ಹೊಸ ಮಾರುಕಟ್ಟೆ ಲಭ್ಯವಾಗಲಿದೆ.

. * ಬ್ರಿಟನ್ನಿನಿಂದ ಆಮದು ಮಾಡಿಕೊಳ್ಳುವ ಹೈನು ಉತ್ಪನ್ನಗಳು, ಸೇಬು ಮತ್ತು ಓಟ್ಸ್, ಖಾದ್ಯ ತೈಲಗಳಿಗೆ ಭಾರತ ಸುಂಕ ವಿನಾಯಿತಿ ನೀಡಿಲ್ಲ.

. * ಭಾರತದ ದ್ರಾಕ್ಷಿ, ಈರುಳ್ಳಿ, ಶೇಂಗಾ, ಹತ್ತಿ, ಬಾಸ್ಮತಿ ಅಕ್ಕಿ, ಸಂಬಾರ ಪದಾರ್ಥಗಳು, ತೋಟಗಾರಿಕಾ ಉತ್ಪನ್ನಗಳಿಗೆ ಒಪ್ಪಂದಿಂದಾಗಿ ಪ್ರಯೋಜನ ಆಗಲಿದೆ.

. ಸಾಗರ ಉತ್ಪನ್ನಗಳು:

. * ಭಾರತದ ಸಾಗರೋತ್ಪನ್ನಗಳಿಗೆ ಬ್ರಿಟನ್ನಿನಲ್ಲಿ ಸುಂಕ ಇರುವುದಿಲ್ಲ. ಇದರಿಂದಾಗಿ ಭಾರತದ ರಫ್ತುದಾರರಿಗೆ ಹೆಚ್ಚಿನ ಬೆಲೆ ಸಿಗಲಿದೆ.

. * ಭಾರತದಿಂದ ರಫ್ತಾಗುವ ಸೀಗಡಿಗೆ ಬ್ರಿಟನ್ನಿನಲ್ಲಿ ಈಗ ಶೇ 4.2ರಿಂದ ಶೇ 8.5ರವರೆಗೆ ತೆರಿಗೆ ಇದೆ. ಒಪ್ಪಂದ ಜಾರಿಗೆ ಬಂದ ನಂತರ ಇದು ಇರುವುದಿಲ್ಲ. ಹೀಗಾಗಿ, ಸೀಗಡಿ, ಕೇದರಮೀನು ರಫ್ತು ಹೆಚ್ಚುವ ನಿರೀಕ್ಷೆ ಇದೆ.

. ಕಾಫಿ, ಚಹಾ, ಸಂಬಾರ ಪದಾರ್ಥಗಳು:

. * ಭಾರತದಿಂದ ರಫ್ತಾಗುವ ಕಾಫಿ, ಚಹಾ ಮತ್ತು ಸಂಬಾರ ಪದಾರ್ಥಗಳು ಬ್ರಿಟನ್ನಿಗೆ ಗಣನೀಯ ಪ್ರಮಾಣದಲ್ಲಿ ರವಾನೆ ಆಗುತ್ತವೆ. ಆದರೆ ಇನ್ನು ಮುಂದೆ ಈ ಉತ್ಪನ್ನಗಳಿಗೆ ಬ್ರಿಟನ್ನಿನಲ್ಲಿ ಸುಂಕ ಇರುವುದಿಲ್ಲವಾದ ಕಾರಣದಿಂದಾಗಿ ಇವುಗಳ ರಫ್ತು ಹೆಚ್ಚಲಿದೆ.

. * ಇನ್ಸ್ಟಾಂಟ್ ಕಾಫಿ ಪುಡಿಗೆ ಸುಂಕ ಇಲ್ಲವಾಗುವುದರಿಂದ ಭಾರತದ ಉದ್ದಿಮೆಗಳು ಯುರೋಪಿನ ಇತರ ದೇಶಗಳ ಜೊತೆ ಪೈಪೋಟಿ ನೀಡಲು ಸಾಧ್ಯವಾಗುತ್ತದೆ.

. ಜವಳಿ

. * ಜವಳಿ ವಲಯದ ಒಟ್ಟು 1,143 ವರ್ಗದ ಉತ್ಪನ್ನಗಳು ಬ್ರಿಟನ್ನಿನ ಮಾರುಕಟ್ಟೆಯನ್ನು ಸುಂಕವಿಲ್ಲದೆ ಪ್ರವೇಶಿಸಬಹುದು. ಪಾಕಿಸ್ತಾನ, ಬಾಂಗ್ಲಾದೇಶ ಮತ್ತು ಕಾಂಬೋಡಿಯಾದ ಜವಳಿ ಉತ್ಪನ್ನಗಳಿಗೆ ಸುಂಕರಹಿತ ಪ್ರವೇಶ ಇದೆ. ಈಗ ಭಾರತದ ಈ ಉತ್ಪನ್ನಗಳು ಬ್ರಿಟನ್ನಿನ ಮಾರುಕಟ್ಟೆಯಲ್ಲಿ ಹೆಚ್ಚು ಸ್ಪರ್ಧಾತ್ಮಕ ಆಗಲಿವೆ.

. * ಸಿದ್ಧಪಡಿಸಿದ ಉಡುಪು, ಮನೆಗಳಲ್ಲಿ ವಿವಿಧ ಉದ್ದೇಶಗಳಿಗೆ ಬಳಕೆ ಮಾಡುವ ಬಟ್ಟೆಗಳು, ನೆಲಹಾಸುಗಳು ಮತ್ತು ಕರಕುಶಲ ವಸ್ತುಗಳು ಸುಂಕ ಇಲ್ಲವಾಗುವ ಕಾರಣಕ್ಕೆ ಹೆಚ್ಚು ಸ್ಪರ್ಧಾತ್ಮಕ ಆಗಲಿವೆ.

. ಎಂಜಿನಿಯರಿಂಗ್

. * ಹಲವು ಉತ್ಪನ್ನಗಳಿಗೆ ಸುಂಕ ಇಲ್ಲವಾಗಲಿದೆ. ಇದರಿಂದಾಗಿ ಭಾರತದಿಂದ ಬ್ರಿಟನ್ನಿಗೆ ರಫ್ತಾಗುವ ಎಂಜಿನಿಯರಿಂಗ್ ಉತ್ಪನ್ನಗಳ ಮೊತ್ತ ಐದು ವರ್ಷಗಳಲ್ಲಿ ದುಪ್ಪಟ್ಟಾಗುವ ನಿರೀಕ್ಷೆ ಇದೆ. ಎಲೆಕ್ಟ್ರಿಕ್ ಯಂತ್ರೋಪಕರಣಗಳು, ವಾಹನ ಬಿಡಿಭಾಗಗಳು, ಕೈಗಾರಿಕಾ ಸಲಕರಣೆಗಳು, ನಿರ್ಮಾಣ ಕಾರ್ಯದಲ್ಲಿ ಬಳಸುವ ಯಂತ್ರೋಪಕರಣಗಳ ರಫ್ತು ಹೆಚ್ಚುವ ನಿರೀಕ್ಷೆ ಇದೆ.

. ಎಲೆಕ್ಟ್ರಾನಿಕ್ಸ್ ಮತ್ತು ತಂತ್ರಾಂಶ

. * ಶೂನ್ಯ ಸುಂಕದ ಕಾರಣದಿಂದಾಗಿ ಭಾರತದ ಎಲೆಕ್ಟ್ರಾನಿಕ್ ಉತ್ಪನ್ನಗಳ ರಫ್ತು ಹೆಚ್ಚಬಹುದು. ಭಾರತದ ಸ್ಮಾರ್ಟ್ಫೋನ್, ಇನ್ವರ್ಟರ್, ಆಪ್ಟಿಕಲ್ ಫೈಬರ್ ಕೇಬಲ್ ರಫ್ತು ಜಾಸ್ತಿ ಆಗಬಹುದು.

. ಔಷಧ, ಆರೋಗ್ಯ ಸೇವೆ

. * ಭಾರತದಿಂದ ರಫ್ತಾಗುವ ಶಸ್ತ್ರಚಿಕಿತ್ಸೆಯಲ್ಲಿ ಬಳಸುವ ಉಪಕರಣಗಳು, ರೋಗಪತ್ತೆ ಸಾಧನಗಳು, ಇಸಿಜಿ ಯಂತ್ರಗಳು, ಎಕ್ಸ್ರೇ ಯಂತ್ರಗಳಿಗೆ ಸುಂಕ ಇರುವುದಿಲ್ಲ.

. ಕ್ರೀಡೆ, ಆಟಿಕೆ

. * ಸಾಕರ್ ಚೆಂಡು, ಕ್ರಿಕೆಟ್ ಪರಿಕರಗಳು, ರಗ್ಬಿ ಚೆಂಡು ಹಾಗೂ ಎಲೆಕ್ಟ್ರಾನಿಕ್ ಅಲ್ಲದ ಆಟಿಕೆಗಳ ರಫ್ತು ಹೆಚ್ಚಲಿದೆ ಎಂದು ಅಂದಾಜಿಸಲಾಗಿದೆ.

. ಚರ್ಮದ ಉತ್ಪನ್ನಗಳು

. * ಭಾರತದ ಚರ್ಮದ ಉತ್ಪನ್ನಗಳು, ಪಾದರಕ್ಷೆಗಳು ಶೂನ್ಯ ಸುಂಕದೊಡನೆ ಬ್ರಿಟನ್ ಪ್ರವೇಶಿಸಲಿವೆ.

. ಸೇವಾ ವಲಯ

. * ಬ್ರಿಟನ್ನಿನ ಗ್ರಾಹಕರಿಗಾಗಿ ನಿರ್ದಿಷ್ಟ ಕೆಲಸವೊಂದಕ್ಕಾಗಿ ತೆರಳುವವರಿಗೆ ಅನುಕೂಲ ಆಗಲಿದೆ.

. * ಯೋಗ ಶಿಕ್ಷಕರು, ಶಾಸ್ತ್ರೀಯ ಸಂಗೀತಗಾರರು, ನುರಿತ ಬಾಣಸಿಗರಿಗೆ ಬ್ರಿಟನ್ನಿನಲ್ಲಿ ಸೇವೆ ಒದಗಿಸುವುದು ಸುಲಭವಾಗಲಿದೆ.

. ಇತರೆ

. * ಭಾರತದ ಎಣ್ಣೆಕಾಳುಗಳಿಗೆ ಸುಂಕ ಕಡಿಮೆ ಆಗಲಿದೆ. ಇದರಿಂದಾಗಿ ಭಾರತದ ಎಣ್ಣೆಕಾಳುಗಳು ಬ್ರಿಟನ್ನಿನ ಮಾರುಕಟ್ಟೆಯಲ್ಲಿ ಹೆಚ್ಚು ಸ್ಪರ್ಧಾತ್ಮಕ ಆಗುತ್ತವೆ.

. * ಪ್ಲಾಸ್ಟಿಕ್ಕಿನ ವಿವಿಧ ಉತ್ಪನ್ನಗಳಿಗೆ ಸುಂಕ ರಹಿತವಾಗಿ ಬ್ರಿಟನ್ ಮಾರುಕಟ್ಟೆಯ ಪ್ರವೇಶ ಸಿಗಲಿದೆ.

. * ಭಾರತದ ಮುತ್ತು ಮತ್ತು ಆಭರಣಗಳಿಗೆ ಸುಂಕದಲ್ಲಿ ವಿನಾಯಿತಿ ಸಿಗಲಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಭಾರತ–ಬ್ರಿಟನ್ ಮುಕ್ತ ವ್ಯಾಪಾರ ಒಪ್ಪಂದ; ಕೃಷಿಕರಿಗೆ ಹೆಚ್ಚು ಸಿಹಿ: ಇಲ್ಲಿದೆ ವಿವರ

ಚಿನಕುರುಳಿ ಕಾರ್ಟೂನ್: ಜುಲೈ 25 ಶುಕ್ರವಾರ 2025

ಚುರುಮುರಿ | ಯಾರಿಗೆ ತಾಳ್ಮೆ ಹೆಚ್ಚು?

ದೆಹಲಿ ಕರ್ನಾಟಕ ಭವನದಲ್ಲಿ ಸಿಎಂ–ಡಿಸಿಎಂ ಕರ್ತವ್ಯ ಅಧಿಕಾರಿಗಳ ‘ಬೂಟಿನ‘ ಜಟಾಪಟಿ

ದೀರ್ಘಾವಧಿಯ ಪ್ರಧಾನಿ; ಇಂದಿರಾ ಗಾಂಧಿ ದಾಖಲೆ ಮುರಿದ ನರೇಂದ್ರ ಮೋದಿ

IND vs ENG | ಜೋ ರೂಟ್ ಶತಕ ಭರಾಟೆ

ಇಂದು ಫೈನಲ್‌ನ ಮೊದಲ ಹಣಾಹಣಿ: ವಿಶ್ವಕಪ್‌ ಕಿರೀಟಕ್ಕಾಗಿ ಹಂಪಿ–ದಿವ್ಯಾ ಪೈಪೋಟಿ

womens Cricket | ಕಡೂರು ಹುಡುಗಿಯ ಕ್ರಿಕೆಟ್ ಪಯಣ

ಫುಟ್‌ಬಾಲ್: ಭಾರತ ತಂಡದ ಹೆಡ್‌ ಕೋಚ್‌ ಸ್ಥಾನಕ್ಕೆ ಅರ್ಜಿ ಸಲ್ಲಿಸಿದ ಝಾವಿ!

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಚಿನಕುರುಳಿ ಕಾರ್ಟೂನ್: ಜುಲೈ 25 ಶುಕ್ರವಾರ 2025

ಚುರುಮುರಿ | ಯಾರಿಗೆ ತಾಳ್ಮೆ ಹೆಚ್ಚು?

ದೆಹಲಿ ಕರ್ನಾಟಕ ಭವನದಲ್ಲಿ ಸಿಎಂ–ಡಿಸಿಎಂ ಕರ್ತವ್ಯ ಅಧಿಕಾರಿಗಳ ‘ಬೂಟಿನ‘ ಜಟಾಪಟಿ

ದೀರ್ಘಾವಧಿಯ ಪ್ರಧಾನಿ; ಇಂದಿರಾ ಗಾಂಧಿ ದಾಖಲೆ ಮುರಿದ ನರೇಂದ್ರ ಮೋದಿ