<p><strong>ನವದೆಹಲಿ</strong>: ಆ್ಯಪಲ್ ಕಂಪನಿಗೆ ಸ್ಮಾರ್ಟ್ಫೋನ್ಗಳನ್ನು ತಯಾರಿಸಿ ಕೊಡುವ ಘಟಕದಿಂದ ಚೀನಾದ ತಂತ್ರಜ್ಞರು ವಾಪಸ್ಸಾಗಿರುವುದು, ‘ಐಫೋನ್ 17’ ಉತ್ಪಾದನೆಯ ಮೇಲೆ ಕೆಟ್ಟ ಪರಿಣಾಮ ಬೀರುವುದಿಲ್ಲ ಎಂದು ಮೂಲಗಳು ಹೇಳಿವೆ.</p>.<p>ಭಾರತದಲ್ಲಿ ತಯಾರಿಕೆ ಹೆಚ್ಚು ಮಾಡುವ ಆ್ಯಪಲ್ ಕಂಪನಿಯ ಯೋಜನೆಯು ಅಂದುಕೊಂಡ ರೀತಿಯಲ್ಲೇ ಮುನ್ನಡೆಯುತ್ತಿದೆ ಎಂದು ಮೂಲಗಳು ಖಚಿತಪಡಿಸಿವೆ.</p>.<p>ಐಫೋನ್ಗಳ ತಯಾರಿಕೆಯಲ್ಲಿ ಬಹಳ ಅಗತ್ಯವಾಗಿರುವ ಕೆಲವು ಬಂಡವಾಳ ಸರಕುಗಳನ್ನು ಚೀನಾದಿಂದ ತರಿಸಿಕೊಳ್ಳುವುದು ಸುಲಭವಾಗುತ್ತಿದೆ ಎಂದು ಆ್ಯಪಲ್ ಉತ್ಪನ್ನಗಳನ್ನು ಭಾರತದಲ್ಲಿ ತಯಾರು ಮಾಡುವ ಫಾಕ್ಸ್ಕಾನ್ ಮತ್ತು ಟಾಟಾ ಎಲೆಕ್ಟ್ರಾನಿಕ್ಸ್ ಹೇಳಿರುವುದಾಗಿ ಮೂಲಗಳು ವಿವರಿಸಿವೆ.</p>.<p class="title">‘ಚೀನಾದ ತಂತ್ರಜ್ಞರು ಸ್ವದೇಶಕ್ಕೆ ಮರಳಿರುವುದು ಐಫೋನ್ ಉತ್ಪಾದನೆಯ ಮೇಲೆ ಯಾವ ಪರಿಣಾಮವನ್ನೂ ಉಂಟುಮಾಡಿಲ್ಲ. ಐಫೋನ್ 17 ಭಾರತದಲ್ಲಿ ಅಂದುಕೊಂಡ ವೇಳಾಪಟ್ಟಿಯ ಪ್ರಕಾರವೇ ತಯಾರಾಗಲಿದೆ’ ಎಂದು ಬಲ್ಲಮೂಲಗಳು ಹೇಳಿವೆ.</p>.<p class="title">ಈ ವಿಚಾರವಾಗಿ ಆ್ಯಪಲ್, ಫಾಕ್ಸ್ಕಾನ್ ಮತ್ತು ಟಾಟಾ ಎಲೆಕ್ಟ್ರಾನಿಕ್ಸ್ ಕಡೆಯಿಂದ ಪ್ರತಿಕ್ರಿಯೆ ಲಭ್ಯವಾಗಿಲ್ಲ.</p>.<p class="title">ಫಾಕ್ಸ್ಕಾನ್ ಇಂಡಿಯಾ ಘಟಕದಲ್ಲಿ ಕೆಲಸ ಮಾಡುತ್ತಿದ್ದ ಚೀನಾದ ತಂತ್ರಜ್ಞರಲ್ಲಿ ಹಲವರು ಕಳೆದ ಎರಡು ತಿಂಗಳಲ್ಲಿ ಸ್ವದೇಶಕ್ಕೆ ವಾಪಸ್ಸಾಗಿದ್ದಾರೆ ಎಂದು ಮೂಲಗಳನ್ನು ಉಲ್ಲೇಖಿಸಿ ವರದಿಗಳು ಹೇಳಿವೆ. ಈ ತಂತ್ರಜ್ಞರು ಐಫೋನ್ ಉತ್ಪಾದನೆಯ ವಿವಿಧ ಪ್ರಕ್ರಿಯೆಗಳಲ್ಲಿ ಭಾಗಿಯಾಗುತ್ತಿದ್ದರು.</p>.<p class="title">ಐಫೋನ್ ತಯಾರಿಕೆಗೆ ಚೀನಾದಿಂದ ಬಂಡವಾಳ ಸರಕುಗಳ ಪೂರೈಕೆ ಕೂಡ ಉತ್ತಮಗೊಂಡಿದೆ ಎಂದು ಮೂಲವೊಂದು ತಿಳಿಸಿದೆ. ‘ಬಂಡವಾಳ ಸರಕು ಪೂರೈಕೆ ಉತ್ತಮಗೊಂಡಿರುವ ಕಾರಣದಿಂದಾಗಿ ಭಾರತದಲ್ಲಿ ಐಫೋನ್ ತಯಾರಿಕೆಗೆ ಯಾವುದೇ ಸಮಸ್ಯೆ ಇಲ್ಲ’ ಎಂದು ಮೂಲವು ಹೇಳಿದೆ.</p>.<p class="title">ಆ್ಯಪಲ್ ಕಂಪನಿಯು 2024–25ನೆಯ ಆರ್ಥಿಕ ವರ್ಷದಲ್ಲಿ ಭಾರತದಲ್ಲಿ ಗರಿಷ್ಠ 4 ಕೋಟಿ ಐಫೋನ್ಗಳನ್ನು ತಯಾರಿಸಿತ್ತು. ಈ ವರ್ಷ ತಯಾರಿಕೆಯನ್ನು 6 ಕೋಟಿಗೆ ಹೆಚ್ಚಿಸುವ ಉದ್ದೇಶವು ಕಂಪನಿಗೆ ಇದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.</p>.<p class="title">ಆ್ಯಪಲ್ನ ವಿವಿಧ ಉತ್ಪನ್ನಗಳ ತಯಾರಿಕೆಯ ಪ್ರಕ್ರಿಯೆಯು ಭಾರತದಲ್ಲಿ 2 ಲಕ್ಷ ಮಂದಿಗೆ ಉದ್ಯೋಗ ನೀಡಿದೆ ಎಂಬ ಅಂದಾಜು ಇದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಆ್ಯಪಲ್ ಕಂಪನಿಗೆ ಸ್ಮಾರ್ಟ್ಫೋನ್ಗಳನ್ನು ತಯಾರಿಸಿ ಕೊಡುವ ಘಟಕದಿಂದ ಚೀನಾದ ತಂತ್ರಜ್ಞರು ವಾಪಸ್ಸಾಗಿರುವುದು, ‘ಐಫೋನ್ 17’ ಉತ್ಪಾದನೆಯ ಮೇಲೆ ಕೆಟ್ಟ ಪರಿಣಾಮ ಬೀರುವುದಿಲ್ಲ ಎಂದು ಮೂಲಗಳು ಹೇಳಿವೆ.</p>.<p>ಭಾರತದಲ್ಲಿ ತಯಾರಿಕೆ ಹೆಚ್ಚು ಮಾಡುವ ಆ್ಯಪಲ್ ಕಂಪನಿಯ ಯೋಜನೆಯು ಅಂದುಕೊಂಡ ರೀತಿಯಲ್ಲೇ ಮುನ್ನಡೆಯುತ್ತಿದೆ ಎಂದು ಮೂಲಗಳು ಖಚಿತಪಡಿಸಿವೆ.</p>.<p>ಐಫೋನ್ಗಳ ತಯಾರಿಕೆಯಲ್ಲಿ ಬಹಳ ಅಗತ್ಯವಾಗಿರುವ ಕೆಲವು ಬಂಡವಾಳ ಸರಕುಗಳನ್ನು ಚೀನಾದಿಂದ ತರಿಸಿಕೊಳ್ಳುವುದು ಸುಲಭವಾಗುತ್ತಿದೆ ಎಂದು ಆ್ಯಪಲ್ ಉತ್ಪನ್ನಗಳನ್ನು ಭಾರತದಲ್ಲಿ ತಯಾರು ಮಾಡುವ ಫಾಕ್ಸ್ಕಾನ್ ಮತ್ತು ಟಾಟಾ ಎಲೆಕ್ಟ್ರಾನಿಕ್ಸ್ ಹೇಳಿರುವುದಾಗಿ ಮೂಲಗಳು ವಿವರಿಸಿವೆ.</p>.<p class="title">‘ಚೀನಾದ ತಂತ್ರಜ್ಞರು ಸ್ವದೇಶಕ್ಕೆ ಮರಳಿರುವುದು ಐಫೋನ್ ಉತ್ಪಾದನೆಯ ಮೇಲೆ ಯಾವ ಪರಿಣಾಮವನ್ನೂ ಉಂಟುಮಾಡಿಲ್ಲ. ಐಫೋನ್ 17 ಭಾರತದಲ್ಲಿ ಅಂದುಕೊಂಡ ವೇಳಾಪಟ್ಟಿಯ ಪ್ರಕಾರವೇ ತಯಾರಾಗಲಿದೆ’ ಎಂದು ಬಲ್ಲಮೂಲಗಳು ಹೇಳಿವೆ.</p>.<p class="title">ಈ ವಿಚಾರವಾಗಿ ಆ್ಯಪಲ್, ಫಾಕ್ಸ್ಕಾನ್ ಮತ್ತು ಟಾಟಾ ಎಲೆಕ್ಟ್ರಾನಿಕ್ಸ್ ಕಡೆಯಿಂದ ಪ್ರತಿಕ್ರಿಯೆ ಲಭ್ಯವಾಗಿಲ್ಲ.</p>.<p class="title">ಫಾಕ್ಸ್ಕಾನ್ ಇಂಡಿಯಾ ಘಟಕದಲ್ಲಿ ಕೆಲಸ ಮಾಡುತ್ತಿದ್ದ ಚೀನಾದ ತಂತ್ರಜ್ಞರಲ್ಲಿ ಹಲವರು ಕಳೆದ ಎರಡು ತಿಂಗಳಲ್ಲಿ ಸ್ವದೇಶಕ್ಕೆ ವಾಪಸ್ಸಾಗಿದ್ದಾರೆ ಎಂದು ಮೂಲಗಳನ್ನು ಉಲ್ಲೇಖಿಸಿ ವರದಿಗಳು ಹೇಳಿವೆ. ಈ ತಂತ್ರಜ್ಞರು ಐಫೋನ್ ಉತ್ಪಾದನೆಯ ವಿವಿಧ ಪ್ರಕ್ರಿಯೆಗಳಲ್ಲಿ ಭಾಗಿಯಾಗುತ್ತಿದ್ದರು.</p>.<p class="title">ಐಫೋನ್ ತಯಾರಿಕೆಗೆ ಚೀನಾದಿಂದ ಬಂಡವಾಳ ಸರಕುಗಳ ಪೂರೈಕೆ ಕೂಡ ಉತ್ತಮಗೊಂಡಿದೆ ಎಂದು ಮೂಲವೊಂದು ತಿಳಿಸಿದೆ. ‘ಬಂಡವಾಳ ಸರಕು ಪೂರೈಕೆ ಉತ್ತಮಗೊಂಡಿರುವ ಕಾರಣದಿಂದಾಗಿ ಭಾರತದಲ್ಲಿ ಐಫೋನ್ ತಯಾರಿಕೆಗೆ ಯಾವುದೇ ಸಮಸ್ಯೆ ಇಲ್ಲ’ ಎಂದು ಮೂಲವು ಹೇಳಿದೆ.</p>.<p class="title">ಆ್ಯಪಲ್ ಕಂಪನಿಯು 2024–25ನೆಯ ಆರ್ಥಿಕ ವರ್ಷದಲ್ಲಿ ಭಾರತದಲ್ಲಿ ಗರಿಷ್ಠ 4 ಕೋಟಿ ಐಫೋನ್ಗಳನ್ನು ತಯಾರಿಸಿತ್ತು. ಈ ವರ್ಷ ತಯಾರಿಕೆಯನ್ನು 6 ಕೋಟಿಗೆ ಹೆಚ್ಚಿಸುವ ಉದ್ದೇಶವು ಕಂಪನಿಗೆ ಇದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.</p>.<p class="title">ಆ್ಯಪಲ್ನ ವಿವಿಧ ಉತ್ಪನ್ನಗಳ ತಯಾರಿಕೆಯ ಪ್ರಕ್ರಿಯೆಯು ಭಾರತದಲ್ಲಿ 2 ಲಕ್ಷ ಮಂದಿಗೆ ಉದ್ಯೋಗ ನೀಡಿದೆ ಎಂಬ ಅಂದಾಜು ಇದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
