ಕಂಪನಿಯ ಒಟ್ಟಾರೆ ವರಮಾನವು ಶೇ 10ರಷ್ಟು ಇಳಿಕೆ ಆಗಿದ್ದು ₹ 3,186 ಕೋಟಿಗಳಿಗೆ ತಲುಪಿದೆ. 2019–20ನೇ ಹಣಕಾಸು ವರ್ಷದಲ್ಲಿ ₹ 3,540 ಕೋಟಿಗಳಷ್ಟು ವರಮಾನ ಹೊಂದಿತ್ತು. ಕೋವಿಡ್ ಸಾಂಕ್ರಾಮಿಕದಿಂದಾಗಿ ಹಣಕಾಸು ವರ್ಷದ ಮೊದಲಾರ್ಧದಲ್ಲಿ ನಮ್ಮ ವ್ಯಾಪಾರಿ ಪಾಲುದಾರರ ವ್ಯವಹಾರಕ್ಕೆ ಹೆಚ್ಚಿನ ಅಡ್ಡಿ ಉಂಟಾಗಿತ್ತು. ಆದರೆ, ದ್ವಿತೀಯಾರ್ಧದಲ್ಲಿ ಉತ್ತಮ ಚೇತರಿಕೆ ಕಂಡುಬಂದಿದೆ. ಇದರಿಂದಾಗಿ ನಮ್ಮ ಆದಾಯದ ಮೇಲೆ ಕಡಿಮೆ ಪರಿಣಾಮ ಉಂಟಾಗಿದೆ ಎಂದು ಪೇಟಿಎಂ ವಕ್ತಾರರೊಬ್ಬರು ತಿಳಿಸಿದ್ದಾರೆ.
