<p><strong>ಮುಂಬಯಿ:</strong> ಸೋಮವಾರ ಮಹಾಪತನ ಕಂಡು ಆತಂಕ ಮೂಡಿಸಿದ್ದ ಮುಂಬಯಿ ಮಾರುಕಟ್ಟೆ ಸೂಚ್ಯಂಕ ಸೆನ್ಸೆಕ್ಸ್ ಹಾಗೂ ರಾಷ್ಟ್ರೀಯ ಸೂಚ್ಯಂಕ ನಿಫ್ಟಿ, ಮಂಗಳವಾರ ವಹಿವಾಟು ಆರಂಭದಿಂದಲೇ ಚೇತರಿಸಿಕೊಂಡಿದ್ದು, ಭಾರತೀಯ ಹೂಡಿಕೆದಾರರಿಗೆ ಧೈರ್ಯ ತುಂಬಿದೆ.</p><p>ಸೋಮವಾರ ದಿನದ ವಹಿವಾಟು ಮುಗಿದಾಗ, 30 ಷೇರುಗಳ ಬಿಎಸ್ಇ ಸೂಚ್ಯಂಕ ಸೆನ್ಸೆಕ್ಸ್ 1,089.18 ಅಂಕ ಅಥವಾ ಶೇ.1.49 ಚೇತರಿಕೆ ಕಂಡು 74,227.08 ರಲ್ಲಿ ಸ್ಥಿರವಾಯಿತು. ಒಂದು ಹಂತದಲ್ಲಿ ಅದು 1,721.49 ಅಂಕ ಏರಿಕೆ ಕಂಡು (ಶೇ.2.35) 74,859.39ಕ್ಕೆ ತಲುಪಿತ್ತು.</p><p>ಎನ್ಎಸ್ಇ ಸೂಚ್ಯಂಕ ನಿಫ್ಟಿ ಕೂಡ 374.25 ಅಂಕ ಅಥವಾ ಶೇ.1.69 ಚೇತರಿಕೆ ದಾಖಲಿಸಿ 22,535.85 ಗೆ ತಲುಪಿದೆ. ದಿನದ ವಹಿವಾಟಿನ ಒಂದು ಹಂತದಲ್ಲಿ 535.6 ಅಂಕಗಳಷ್ಟು ಏರಿಕೆ ಕಂಡು (ಶೇ.2.41) 22,697.20ಕ್ಕೆ ತಲುಪಿತ್ತು..</p><p>ಸೋಮವಾರ ಸಂಜೆ ಸೆನ್ಸೆಕ್ಸ್ 2,226.79 ಅಂಕ (ಶೇ. 2.95) ಹಾಗೂ ನಿಫ್ಟಿ 742.85 ಅಂಕ (ಶೇ.3.24) ಕುಸಿತ ದಾಖಲಿಸಿ ಆತಂಕ ಉಂಟು ಮಾಡಿತ್ತು. ದಿನದ ವಹಿವಾಟಿನ ನಡುವಿನಲ್ಲಿ ಸೆನ್ಸೆಕ್ಸ್ 3,939 ಅಂಶಗಳವರೆಗೂ ಇಳಿಕೆ ಕಂಡಿತ್ತು.</p><p>ಜಾಗತಿಕ ಮಾರುಕಟ್ಟೆಗಳಲ್ಲೂ ಮಂಗಳವಾರ ಸಾಕಷ್ಟು ಚೇತರಿಕೆ ಕಂಡುಬಂದಿದೆ. ಏಷ್ಯಾದ ಮಾರುಕಟ್ಟೆಗಳಲ್ಲಿ, ಟೋಕಿಯೋದ ನಿಕ್ಕೀ 225 ಸೂಚ್ಯಂಕ, ಹಾಂಕಾಂಗ್ನ ಹ್ಯಾಂಗ್ ಸೆಂಗ್, ಶಾಂಘಾಯ್ನ ಎಸ್ಎಸ್ಇ ಕಾಂಪೊಸಿಟ್ ಸೂಚ್ಯಂಕ ಹಾಗೂ ದಕ್ಷಿಣ ಕೊರಿಯಾದ ಕೋಸ್ಪಿ ಸೂಚ್ಯಂಕಗಳು ಕೂಡ ಚೇತರಿಕೆ ದಾಖಲಿಸಿವೆ.</p><p>ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ವಿವಿಧ ದೇಶಗಳ ಸರಕುಗಳಿಗೆ ವಿಧಿಸಿದ ಸುಂಕದಿಂದಾಗಿ ಸೋಮವಾರದ ವಹಿವಾಟಿನಲ್ಲಿ ಜಾಗತಿಕ ಮಾರುಕಟ್ಟೆಯು ಮಹಾಪತನ ಕಂಡಿತ್ತು.</p><p>ಆದರೆ ಮಂಗಳವಾರ ಸೆನ್ಸೆಕ್ಸ್ ಮತ್ತು ನಿಫ್ಟಿ - ಎರಡೂ ಸೂಚ್ಯಂಕಗಳು ಶೇ.2ಕ್ಕಿಂತ ಹೆಚ್ಚು ಗಳಿಕೆ ದಾಖಲಿಸಿದ್ದು, ಅಮೆರಿಕ ಒಡ್ಡಿರುವ ಪ್ರತಿ ಸುಂಕದ ಕುರಿತು ಹಲವು ರಾಷ್ಟ್ರಗಳು ಮಾತುಕತೆಗೆ ಮುಂದಾಗಿವೆ ಎಂಬ ವರದಿಗಳು ಮಾರುಕಟ್ಟೆಯ ಚೇತರಿಕೆಗೆ ಪೂರಕವಾಯಿತು ಎಂದು ಮಾರುಕಟ್ಟೆ ತಜ್ಞರು ವಿಶ್ಲೇಷಿಸಿದ್ದಾರೆ.</p><p>ಇದಲ್ಲದೆ, ನಾಳೆ (ಏ.9), ಭಾರತೀಯ ರಿಸರ್ವ್ ಬ್ಯಾಂಕ್ನ ನೀತಿ ನಿರ್ಣಯ ಸಮಿತಿಯ ಸಭೆ ಸೇರಲಿದ್ದು, ಶೇ.0.25ರಷ್ಟು ಬಡ್ಡಿದರ ಕಡಿತವಾಗುವ ನಿರೀಕ್ಷೆಯೂ ಮಾರುಕಟ್ಟೆಯ ಉತ್ತೇಜನಕ್ಕೆ ಕಾರಣವಾಯಿತು ಎನ್ನಲಾಗುತ್ತಿದೆ.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬಯಿ:</strong> ಸೋಮವಾರ ಮಹಾಪತನ ಕಂಡು ಆತಂಕ ಮೂಡಿಸಿದ್ದ ಮುಂಬಯಿ ಮಾರುಕಟ್ಟೆ ಸೂಚ್ಯಂಕ ಸೆನ್ಸೆಕ್ಸ್ ಹಾಗೂ ರಾಷ್ಟ್ರೀಯ ಸೂಚ್ಯಂಕ ನಿಫ್ಟಿ, ಮಂಗಳವಾರ ವಹಿವಾಟು ಆರಂಭದಿಂದಲೇ ಚೇತರಿಸಿಕೊಂಡಿದ್ದು, ಭಾರತೀಯ ಹೂಡಿಕೆದಾರರಿಗೆ ಧೈರ್ಯ ತುಂಬಿದೆ.</p><p>ಸೋಮವಾರ ದಿನದ ವಹಿವಾಟು ಮುಗಿದಾಗ, 30 ಷೇರುಗಳ ಬಿಎಸ್ಇ ಸೂಚ್ಯಂಕ ಸೆನ್ಸೆಕ್ಸ್ 1,089.18 ಅಂಕ ಅಥವಾ ಶೇ.1.49 ಚೇತರಿಕೆ ಕಂಡು 74,227.08 ರಲ್ಲಿ ಸ್ಥಿರವಾಯಿತು. ಒಂದು ಹಂತದಲ್ಲಿ ಅದು 1,721.49 ಅಂಕ ಏರಿಕೆ ಕಂಡು (ಶೇ.2.35) 74,859.39ಕ್ಕೆ ತಲುಪಿತ್ತು.</p><p>ಎನ್ಎಸ್ಇ ಸೂಚ್ಯಂಕ ನಿಫ್ಟಿ ಕೂಡ 374.25 ಅಂಕ ಅಥವಾ ಶೇ.1.69 ಚೇತರಿಕೆ ದಾಖಲಿಸಿ 22,535.85 ಗೆ ತಲುಪಿದೆ. ದಿನದ ವಹಿವಾಟಿನ ಒಂದು ಹಂತದಲ್ಲಿ 535.6 ಅಂಕಗಳಷ್ಟು ಏರಿಕೆ ಕಂಡು (ಶೇ.2.41) 22,697.20ಕ್ಕೆ ತಲುಪಿತ್ತು..</p><p>ಸೋಮವಾರ ಸಂಜೆ ಸೆನ್ಸೆಕ್ಸ್ 2,226.79 ಅಂಕ (ಶೇ. 2.95) ಹಾಗೂ ನಿಫ್ಟಿ 742.85 ಅಂಕ (ಶೇ.3.24) ಕುಸಿತ ದಾಖಲಿಸಿ ಆತಂಕ ಉಂಟು ಮಾಡಿತ್ತು. ದಿನದ ವಹಿವಾಟಿನ ನಡುವಿನಲ್ಲಿ ಸೆನ್ಸೆಕ್ಸ್ 3,939 ಅಂಶಗಳವರೆಗೂ ಇಳಿಕೆ ಕಂಡಿತ್ತು.</p><p>ಜಾಗತಿಕ ಮಾರುಕಟ್ಟೆಗಳಲ್ಲೂ ಮಂಗಳವಾರ ಸಾಕಷ್ಟು ಚೇತರಿಕೆ ಕಂಡುಬಂದಿದೆ. ಏಷ್ಯಾದ ಮಾರುಕಟ್ಟೆಗಳಲ್ಲಿ, ಟೋಕಿಯೋದ ನಿಕ್ಕೀ 225 ಸೂಚ್ಯಂಕ, ಹಾಂಕಾಂಗ್ನ ಹ್ಯಾಂಗ್ ಸೆಂಗ್, ಶಾಂಘಾಯ್ನ ಎಸ್ಎಸ್ಇ ಕಾಂಪೊಸಿಟ್ ಸೂಚ್ಯಂಕ ಹಾಗೂ ದಕ್ಷಿಣ ಕೊರಿಯಾದ ಕೋಸ್ಪಿ ಸೂಚ್ಯಂಕಗಳು ಕೂಡ ಚೇತರಿಕೆ ದಾಖಲಿಸಿವೆ.</p><p>ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ವಿವಿಧ ದೇಶಗಳ ಸರಕುಗಳಿಗೆ ವಿಧಿಸಿದ ಸುಂಕದಿಂದಾಗಿ ಸೋಮವಾರದ ವಹಿವಾಟಿನಲ್ಲಿ ಜಾಗತಿಕ ಮಾರುಕಟ್ಟೆಯು ಮಹಾಪತನ ಕಂಡಿತ್ತು.</p><p>ಆದರೆ ಮಂಗಳವಾರ ಸೆನ್ಸೆಕ್ಸ್ ಮತ್ತು ನಿಫ್ಟಿ - ಎರಡೂ ಸೂಚ್ಯಂಕಗಳು ಶೇ.2ಕ್ಕಿಂತ ಹೆಚ್ಚು ಗಳಿಕೆ ದಾಖಲಿಸಿದ್ದು, ಅಮೆರಿಕ ಒಡ್ಡಿರುವ ಪ್ರತಿ ಸುಂಕದ ಕುರಿತು ಹಲವು ರಾಷ್ಟ್ರಗಳು ಮಾತುಕತೆಗೆ ಮುಂದಾಗಿವೆ ಎಂಬ ವರದಿಗಳು ಮಾರುಕಟ್ಟೆಯ ಚೇತರಿಕೆಗೆ ಪೂರಕವಾಯಿತು ಎಂದು ಮಾರುಕಟ್ಟೆ ತಜ್ಞರು ವಿಶ್ಲೇಷಿಸಿದ್ದಾರೆ.</p><p>ಇದಲ್ಲದೆ, ನಾಳೆ (ಏ.9), ಭಾರತೀಯ ರಿಸರ್ವ್ ಬ್ಯಾಂಕ್ನ ನೀತಿ ನಿರ್ಣಯ ಸಮಿತಿಯ ಸಭೆ ಸೇರಲಿದ್ದು, ಶೇ.0.25ರಷ್ಟು ಬಡ್ಡಿದರ ಕಡಿತವಾಗುವ ನಿರೀಕ್ಷೆಯೂ ಮಾರುಕಟ್ಟೆಯ ಉತ್ತೇಜನಕ್ಕೆ ಕಾರಣವಾಯಿತು ಎನ್ನಲಾಗುತ್ತಿದೆ.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
