ಮಾರುಕಟ್ಟೆ ಮಹಾಪತನ: ಹೂಡಿಕೆದಾರರಿಗೆ ಕೆಲವೇ ನಿಮಿಷಗಳಲ್ಲಿ ₹20 ಲಕ್ಷ ಕೋಟಿ ನಷ್ಟ

ಅಮೆರಿಕ ಹೇರಿರುವ ಸುಂಕ ಮತ್ತು ಅದಕ್ಕೆ ಪ್ರತಿಯಾಗಿ ಇತರ ದೇಶಗಳು ತಾವೂ ಸುಂಕ ಹೇರುವ ಕ್ರಮವು ವಾಣಿಜ್ಯ ಸಮರಕ್ಕೆ ದಾರಿ ಮಾಡಿಕೊಡಬಹುದು ಎಂಬ ಭೀತಿಯಿಂದಾಗಿ ಮಾರುಕಟ್ಟೆಗಳು ಕುಸಿದಿವೆ. ಅಮೆರಿಕದಲ್ಲಿ ಹಣದುಬ್ಬರ ಹೆಚ್ಚಳ, ಬೆಳವಣಿಗೆ ಕುಂಠಿತವಾಗಿ ಆರ್ಥಿಕ ಹಿಂಜರಿತ ಎದುರಾಗುವ ಸಾಧ್ಯತೆಯ ಕಾರಣದಿಂದಾಗಿ ಐ.ಟಿ ಮತ್ತು ಲೋಹ ವಲಯದ ಷೇರುಗಳು ಹೆಚ್ಚು ಕುಸಿತ ಕಂಡಿವೆ.

ಅಮೆರಿಕ ಷೇರುಪೇಟೆಗಳಲ್ಲಿ ಶುಕ್ರವಾರ ಕಂಡುಬಂದ ಕುಸಿತದ ನಂತರ, ವಿಶ್ವದ ಇತರ ಸೂಚ್ಯಂಕಗಳು ಕುಸಿಯುವುದು ಖಚಿತವಾಗಿತ್ತು. ಇಸ್ಪೀಟಿನ ಕಾರ್ಡ್‌ ಬಳಸಿ ಕಟ್ಟಿದ ಮನೆ ಕುಸಿದುಬಿದ್ದಂತೆ ಅವೂ ಕುಸಿದವು. ಟ್ರಂಪ್ ಘೋಷಿಸಿರುವ ಪ್ರತಿಸುಂಕವು ಆರ್ಥಿಕ ಹಿಂಜರಿತಕ್ಕೆ ಕಾರಣವಾಗಬಹುದು ಎಂಬ ಭೀತಿ ಮನೆಮಾಡಿದೆ.