ಗುರುವಾರ , ಏಪ್ರಿಲ್ 9, 2020
19 °C

ಷೇರುಪೇಟೆಯಲ್ಲಿ ಮತ್ತೆ ತಲ್ಲಣ: ಮಹಾ ಕುಸಿತ ತಪ್ಪಿಸಿದ ಐಟಿ, ಫಾರ್ಮಾ ಷೇರು ಖರೀದಿ

ಏಜೆನ್ಸೀಸ್ Updated:

ಅಕ್ಷರ ಗಾತ್ರ : | |

ಷೇರುಪೇಟೆಯಲ್ಲಿ ಮತ್ತೆ ಮಾರಾಟ ಒತ್ತಡ

ಬೆಂಗಳೂರು: ಭಾರತದಲ್ಲಿ ಕೊರೊನಾ ವೈರಸ್ ಸೋಂಕು ಪ್ರಕರಣಗಳ ಸಂಖ್ಯೆ 28ಕ್ಕೆ ಏರಿಕೆಯಾಗಿರುವುದು ವರದಿಯಾಗುತ್ತಿದ್ದಂತೆ ಷೇರುಪೇಟೆ ಮತ್ತೆ ಇಳಿಮುಖವಾಯಿತು. ದಿನದ ವಹಿವಾಟು ಅಂತ್ಯಕ್ಕೆ ಸೆನ್ಸೆಕ್ಸ್ 214 ಅಂಶ ಇಳಿಕೆ ಕಂಡಿತು. 

ಕೊರೊನಾ ಪ್ರಕರಣ ಹೆಚ್ಚುತ್ತಿರುವುದು ಹೂಡಿಕೆದಾರರಲ್ಲಿ ಭೀತಿ ಸೃಷ್ಟಿಸಿದಿದೆ. ಬುಧವಾರ ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್‌ 778 ಅಂಶಗಳ ವರೆಗೂ ಇಳಿಕೆಯಾಗಿ, 37,846 ಅಂಶ ಮುಟ್ಟಿತ್ತು. ರಾಷ್ಟ್ರೀಯ ಷೇರುಪೇಟೆ ಸಂವೇದಿ ಸೂಚ್ಯಂಕ ನಿಫ್ಟಿ 11,100 ಅಂಶಗಳಿಗೂ ಕಡಿಮೆಯಾಗಿತ್ತು. ಆದರೆ, ಮಾಹಿತಿ ತಂತ್ರಜ್ಞಾನ ಮತ್ತು ಫಾರ್ಮಾ ಕಂಪನಿ ಷೇರುಗಳ ಖರೀದಿ ಹೆಚ್ಚಿದ್ದರಿಂದ ದಿನದ ಅಂತ್ಯಕ್ಕೆ ಸೆನ್ಸೆಕ್ಸ್‌ 241 ಅಂಶ ಇಳಿಕೆಯೊಂದಿಗೆ 38,409 ಹಾಗೂ ನಿಫ್ಟಿ 52 ಅಂಶ ಕುಸಿದು 11,251 ಅಂಶ ತಲುಪಿತು. 

ಎಚ್‌ಡಿಎಫ್‌ಸಿ ಬ್ಯಾಂಕ್‌ ಲಿಮಿಟೆಡ್‌ ಷೇರು ಶೇ 2.8ರಷ್ಟು ಕುಸಿತ ಕಂಡಿದೆ. ಐಟಿಸಿ ಷೇರು ಶೇ 3.3ರಷ್ಟು ಇಳಿಕೆಯಾಗಿದೆ. ಇಂದಿನ ವಹಿವಾಟಿನಲ್ಲಿ ಮತ್ತೊಂದು ಮಹಾ ಕುಸಿತ ತಪ್ಪಲು ಐಟಿ ಮತ್ತು ಫಾರ್ಮಾ ಷೇರುಗಳು ಕಾರಣವಾದವು. ಇನ್ಫೊಸಿಸ್‌ ಷೇರು ಶೇ 1.6 ಮತ್ತು ಟಿಸಿಎಸ್‌ ಷೇರು ಶೇ 2.3ರಷ್ಟು ಏರಿಕೆ ದಾಖಲಿಸಿತು. ಸನ್‌ಫಾರ್ಮಾ, ಡಾ.ರೆಡ್ಡೀಸ್‌ ಲ್ಯಾಬೊರೇಟರೀಸ್‌ ಹಾಗೂ ಸಿಪ್ಲಾ ಕಂಪನಿ ಷೇರುಗಳು ಶೇ 3–5.4ರಷ್ಟು ಹೆಚ್ಚಳಗೊಂಡವು. 

ಹೂಡಿಕೆ ತಜ್ಞರ ಪ್ರಕಾರ, ಹೂಡಿಕೆದಾರರು ಇನ್ನಷ್ಟು ಹೆಚ್ಚುವರಿ ಷೇರು ಖರೀದಿಗೆ ಇದು ಸಕಾಲ. ಉತ್ತಮ ಬೆಳವಣಿಗೆ ಇರುವ ಕಂಪನಿಗಳ ಷೇರುಗಳು ಕಡಿಮೆ ಬೆಲೆಯಲ್ಲಿ ಲಭ್ಯವಿದೆ.  

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು