ವಹಿವಾಟು ಆರಂಭದಲ್ಲಿ 36.84 ಅಂಶ ಏರಿಕೆಯಾದ ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್, ನಂತರದಲ್ಲಿ ಶೇ 2.4ರಷ್ಟು ಇಳಿಕೆಯಾಗಿ 28,750 ಅಂಶ ತಲುಪಿತು. ರಾಷ್ಟ್ರೀಯ ಷೇರುಪೇಟೆ ಸಂವೇದಿ ಸೂಚ್ಯಂಕ ನಿಫ್ಟಿ 210 ಅಂಶ ಇಳಿಕೆಯಾಗಿ 8,380 ಅಂಶ ಮುಟ್ಟಿತು. ಬುಧವಾರ ಬ್ಯಾಂಕಿಂಗ್ ವಲಯದ ಷೇರುಗಳು ತೀವ್ರ ಕುಸಿತಕ್ಕೆ ಒಳಗಾಗಿವೆ. ಕೊಟ್ಯಾಕ್ ಮಹೀಂದ್ರಾ ಬ್ಯಾಂಕ್ ಶೇ 8, ಎಸ್ಬಿಐ ಷೇರು ಶೇ 4ರಷ್ಟು ಹಾಗೂ ಎಚ್ಡಿಎಫ್ಸಿ ಬ್ಯಾಂಕ್ ಷೇರು ಶೇ 3ರಷ್ಟು ಇಳಿಕೆ ಕಂಡಿವೆ. ಆರಂಭದಲ್ಲಿ ಇಂಡಸ್ಇಂಡ್ ಬ್ಯಾಂಕ್ ಷೇರು ಶೇ 3ರಷ್ಟು ಗಳಿಕೆ ದಾಖಲಿಸಿತ್ತಾದರೂ, ಅನಂತರ ಕುಸಿಯಿತು. ಐಟಿ ವಲಯದ ಷೇರುಗಳೂ ನಷ್ಟ ಅನುಭವಿಸಿವೆ.