ಭಾನುವಾರ, ಅಕ್ಟೋಬರ್ 24, 2021
28 °C

ಷೇರುಪೇಟೆ: ದಿಢೀರ್‌ 800 ಅಂಶ ಕುಸಿದು ಮತ್ತೆ ಚೇತರಿಕೆ ಹಾದಿಯಲ್ಲಿ ಸೆನ್ಸೆಕ್ಸ್‌

ಪ್ರಜಾವಾಣಿ ವೆಬ್‌ ಡೆಸ್ಕ್‌‌ Updated:

ಅಕ್ಷರ ಗಾತ್ರ : | |

ಷೇರುಪೇಟೆಯಲ್ಲಿ ಕರಡಿ ಹಿಡಿತ

ಮುಂಬೈ: ಸಾರ್ವಕಾಲಿಕ ದಾಖಲೆ ಸೃಷ್ಟಿಸಿದ್ದ ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್‌ ಮಂಗಳವಾರ ದಿಢೀರ್‌ ಕುಸಿತಕ್ಕೆ ಒಳಗಾಯಿತು. ಮಧ್ಯಾಹ್ನ 2:45ರ ವೇಳೆಗೆ 816 ಅಂಶಗಳಷ್ಟು ಇಳಿಕೆಯಾಗಿ 59,261 ಅಂಶಗಳಲ್ಲಿ ವಹಿವಾಟು ನಡೆಯಿತು. 3ರ ಹೊತ್ತಿಗೆ ಮತ್ತೆ ಚೇತರಿಸಿಕೊಂಡು 59,630 ಅಂಶಗಳನ್ನು ತಲುಪಿತು. 

ರಾಷ್ಟ್ರೀಯ ಷೇರುಪೇಟೆ ಸಂವೇದಿ ಸೂಚ್ಯಂಕ ನಿಫ್ಟಿ 200.95 ಅಂಶ ಕಡಿಮೆಯಾಗಿ 17,654 ಅಂಶಗಳಿಗೆ ಇಳಿಯಿತು. ಈಗ 17,740 ಅಂಶಗಳಲ್ಲಿ ವಹಿವಾಟು ನಡೆದಿದೆ. ತಂತ್ರಜ್ಞಾನ ಮತ್ತು ಖಾಸಗಿ ಬ್ಯಾಂಕ್‌ ಷೇರುಗಳು ಮಾರಾಟದ ಒತ್ತಡಕ್ಕೆ ಒಳಗಾಗಿ ಷೇರುಪೇಟೆಯಲ್ಲಿ ತಲ್ಲಣ ಸೃಷ್ಟಿಸಿದೆ.

ಭಾರ್ತಿ ಏರ್‌ಟೆಲ್‌ ಷೇರು ಬೆಲೆ ಶೇ 4ರಷ್ಟು ಕಡಿಮೆಯಾದರೆ, ಟೆಕ್‌ ಮಹೀಂದ್ರಾ ಷೇರು ಶೇ 3.6ರಷ್ಟು ಇಳಿಕೆಯಾಗಿದೆ. ಬ್ಯಾಂಕ್‌ ಷೇರುಗಳು ಶೇ 1.5ರಷ್ಟು ಕಡಿಮೆಯಾದರೆ, ಐಟಿ ಷೇರುಗಳು ಶೇ 2ಕ್ಕೆ ಅಧಿಕ ಕುಸಿದ ದಾಖಲಿಸಿವೆ. ಸತತ ಐದು ವಹಿವಾಟುಗಳಲ್ಲಿ ಏರುಗತಿಯಲ್ಲಿದ್ದ ರಿಯಲ್‌ ಎಸ್ಟೇಟ್‌ ಷೇರುಗಳು ಇಂದು ಸುಮಾರು ಶೇ 5ರವರೆಗೂ ಕುಸಿದಿವೆ.

ಈ ನಡುವೆ ಲೋಹ ಮತ್ತು ಇಂಧನ ವಲಯದ ಷೇರುಗಳ ಬೆಲೆ ಶೇ 2ರಷ್ಟು ಏರಿಕೆಯಾಗಿದೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು