ಬೆರಗಿನ ಬೆಳಕು: ಕಾರಕ, ಪ್ರೇರಕ ಶಕ್ತಿಗಳು

ದೇವರ್ಕಳುದಿಸಿ ಮರೆಯಹರು; ದೇವತ್ವ ಚಿರ | ಜಾವದಿನ ಬಂದು ಪೋಗುವುವು; ಕಾಲ ಚಿರ || ಜೀವದ ವ್ಯಕ್ತಿ ಸಾಯ್ಪುದು; ಜೀವಸತ್ತ್ವ ಚಿರ | ಭಾವಿಸಾ ಕೇವಲವ – ಮಂಕುತಿಮ್ಮ || 404 ||

. ಪದ-ಅರ್ಥ: ದೇವರ್ಕಳುದಿಸಿ (ದೇವರುಗಳು)+ ಉದಿಸಿ, ಮರೆಯಹರು (ಮರೆಯಾಗಿದ್ದಾರೆ), ಚಿರ= ಶಾಶ್ವತ, ಜಾವ= ಬೆಳಗು, ಪೋಗುವುವು= ಹೋಗುವುವು, ಕೇವಲವ= ಕೈವಲ್ಯವನ್ನು

. ವಾಚ್ಯಾರ್ಥ: ದೇವರುಗಳು ಉದಿಸಿ ಮರೆಯಾಗುತ್ತಾರೆ ಆದರೆ ದೇವತ್ವ ಶಾಶ್ವತ. ಬೆಳಗು, ದಿನಗಳು ಬಂದು ಹೋಗುತ್ತವೆ ಆದರೆ ಕಾಲ ಶಾಶ್ವತವಾದದ್ದು. ಒಂದು ಜೀವವಿರುವ ವ್ಯಕ್ತಿ ಸಾಯುತ್ತದೆ ಆದರೆ ಜೀವಸತ್ವ ಶಾಶ್ವತ. ಈ ಅನಂತವಾದ ಸತ್ಯವನ್ನು ಚಿಂತಿಸು.

. ವಿವರಣೆ: ಪ್ರಾಚೀನ ಕಾಲದಲ್ಲಿ ಪ್ರಕೃತಿಯ ಅದೃಶ್ಯ ಶಕ್ತಿಯನ್ನು ದೇವರೆಂದು ಕರೆದು, ಜನ ಆ ದೇವರುಗಳನ್ನೇ ಆಗೋಚರ ಶಕ್ತಿಯ ಸಂಕೇತಗಳನ್ನಾಗಿ ಪೂಜಿಸಿದರು. ಅಗ್ನಿ, ಆಕಾಶ, ಭೂಮಿ, ನೀರು, ವಾಯುಗಳೇ ದೇವರಾದವು. ನಿರಾಕಾರವನ್ನು ಕಲ್ಪಿಸಿ ಪೂಜೆ ಮಾಡಲು ಕಷ್ಟವೆಂದರಿತ ಮಾನವ, ತನ್ನ ಮಿತಿಯನ್ನು ಮೀರಿದ, ಕಲ್ಪನೆಗೆ ನಿಲುಕದ ಶಕ್ತಿಗಳಿಗೆ ರೂಪ ಕೊಟ್ಟ. ಆತ ಯಾವ ರೂಪ ಕೊಡಬಹುದಿತ್ತು? ಖ್ಯಾತ ನೋಬೆಲ್ ಪ್ರಶಸ್ತಿ ಪುರಸ್ಕತ, ಚಿಂತಕ ಡಾ. ಬಟ್ರಾಂಡ್ ರಸೆಲ್ ಹೇಳುತ್ತಾರೆ, ‘ಒಂದು ಇರುವೆ ದೇವರನ್ನು ಕಲ್ಪಿಸುವುದಾದರೆ ಅದೊಂದು ಅತ್ಯಂತ ದೊಡ್ಡ ಇರುವೆಯಾಗಿರುತ್ತದೆ’. ಅಂತೆಯೇ ನಾವು ದೇವರಿಗೆ ಮನುಷ್ಯರೂಪ ಕಲ್ಪಿಸಿದೆವು. ಅವನು ಅನಂತ, ಅಸಾಧಾರಣ ಮತ್ತು ಶಾಶ್ವತನಾದ್ದರಿಂದ ಅವನಿಗೆ ವಿರಾಟ್ ರೂಪ ಕೊಟ್ಟೆವು. ಭಗವಂತನಿಗೆ ವಿಶ್ವವೇ ಕಣ್ಣು, ವಿಶ್ವವೇ ಮುಖ, ವಿಶ್ವವೇ ಬಾಹು, ವಿಶ್ವವೇ ಪಾದ. ಅವನು ಸರ್ವವ್ಯಾಪಿ. ಮುಂದೆ ಅವತಾರಗಳ ಕಲ್ಪನೆ ಬಂದಿತು. ಈ ಅವತಾರಗಳ ಕಲ್ಪನೆ ಜೀವದ ವಿಕಾಸದ ಹಂತಗಳು. ಮೊದಲು ಜೀವ ಹುಟ್ಟಿದ್ದು ನೀರಿನಲ್ಲಿ ಆದ್ದರಿಂದ ಮತ್ಸ್ಯಾವತಾರ, ನಂತರ ಅದು ನೆಲ-ನೀರು ಎರಡರಲ್ಲಿಯೂ ನೆಲಸಿತು, ಆದ್ದರಿಂದ ಕೂರ್ಮಾವತಾರ. ಆಮೇಲೆ ಅದು ಭೂಮಿಯ ಮೇಲೆ ಹೆಚ್ಚು ನೆಲೆಸಿತು. ಅದನ್ನು ವರಾಹವತಾರ ಎಂದೆವು.

. ಹೀಗೆ ಜೀವವಿಕಾಸದ ಹಂತಗಳಲ್ಲಿ ಮನುಷ್ಯನ ಮನಸ್ಸು ಬೆಳೆಯುತ್ತ ಬೇರೆ ಬೇರೆ ದೇವರ ಕಲ್ಪನೆಗಳು ಬಂದವು. ನಂತರ ಮಹಾನ್ ಸಾಧಕರು ದೇವರಾದರು. ರಾಮ, ಕೃಷ್ಣ, ಪರಶುರಾಮ, ಬುದ್ಧ, ಮಹಾವೀರ, ಝರತುಷ್ಟ್ರ, ಶಂಕರ, ಬಸವಣ್ಣ ಹೀಗೆ ದೇವರುಗಳ ಚಿಂತನೆ ಮುಂದುವರೆಯಿತು. ಕಗ್ಗ ಈ ಮಾತನ್ನು ಹೇಳುತ್ತದೆ. ಕಾಲಕಾಲಕ್ಕೆ ನಮ್ಮ ದೇವರುಗಳ ಕಲ್ಪನೆ ಬದಲಾಗುತ್ತ ಬಂದರೂ ದೇವತ್ವವೆಂಬುದು ಒಂದಿದೆ ಎಂಬುದನ್ನು ಮನುಷ್ಯ ಒಪ್ಪಿದ್ದಾನೆ. ನಮ್ಮ ಶಕ್ತಿಯ, ಚಿಂತನೆಯ ಮಿತಿಗಳನ್ನು ದಾಟಿದ ಮಹಾನ್ ಶಕ್ತಿಯೊಂದು ನಮ್ಮನ್ನು ಕಾಪಿಡುತ್ತದೆ ಎನ್ನುವ ನಂಬಿಕೆ ಮಾತ್ರ ಅನೂಚಾನವಾಗಿ ಬಂದು ಶಾಶ್ವತವಾಗಿದೆ. ದೇವರುಗಳು ಬದಲಾಗುತ್ತಾರೆ ಆದರೆ ದೇವತ್ವ ಶಾಶ್ವತ. ಅದರಂತೆ ಎಂದಿನಿಂದಲೂ ಋತುಗಳು ಬದಲಾಗುತ್ತವೆ, ಬೆಳಗು, ದಿನ, ರಾತ್ರಿಗಳು ಚಕ್ರದಂತೆ ಸುತ್ತುತ್ತವೆ. ಆದರೆ ಕಾಲ ಶಾಶ್ವತವಾಗಿದೆ. ವ್ಯಕ್ತಿಗಳು ಸಾಯುತ್ತಾರೆ. ಆದರೆ ಮಾನವ ಜನಾಂಗ ನಿಂತಿದೆ. ಅಂದರೆ ಸದಾಕಾಲ ಬದಲಾಗುವ ವಿಶ್ವದ ಹಿಂದೆ ಎಂದಿಗೂ ಬದಲಾಗದ, ಅನಂತವಾದ, ಕರ್ಮಾತೀತವಾದ, ಸರ್ವಶಕ್ತವಾದ, ಕೈವಲ್ಯವಿದೆ. ನಮ್ಮ ಚಿಂತನೆಯನ್ನು ಅದರೆಡೆಗೆ ತಿರುಗಿಸಬೇಕು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬೆರಗಿನ ಬೆಳಕು: ಕಾರಕ, ಪ್ರೇರಕ ಶಕ್ತಿಗಳು

ಚಿನಕುರುಳಿ Cartoon: 13 ಜುಲೈ 2025

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ದಿನ ಭವಿಷ್ಯ: ಸಮಸ್ಯೆಗಳು ಬಗೆ ಹರಿದು ಮನೆಯವರಿಗೆ ನೆಮ್ಮದಿ ಉಂಟಾಗುವುದು

ರಾಜ್ಯ ಜೂನಿಯರ್, ಸಬ್‌ ಜೂನಿಯರ್ ಈಜು: ಬಿಎಸಿ ತಂಡಕ್ಕೆ ಸಮಗ್ರ ಪ್ರಶಸ್ತಿ

ಶೂಟಿಂಗ್‌ ವಿಶ್ವಕಪ್‌: ಭಾರತಕ್ಕೆ ನಿರಾಸೆ

ಬಾಕ್ಸಿಂಗ್‌ ಸಂಸ್ಥೆ ಚುನಾವಣೆ ವಿಳಂಬ: ಸತ್ಯಶೋಧನಾ ಸಮಿತಿ ರಚಿಸಿದ ಉಷಾ

ರಾಜ್ಯ ರ‍್ಯಾಂಕಿಂಗ್ ಟೇಬಲ್ ಟೆನಿಸ್ ಟೂರ್ನಿ: ಶಾರ್ವಿಲ್‌, ಸಾಕ್ಷ್ಯಾ ಚಾಂಪಿಯನ್‌

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ Cartoon: 13 ಜುಲೈ 2025

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ದಿನ ಭವಿಷ್ಯ: ಸಮಸ್ಯೆಗಳು ಬಗೆ ಹರಿದು ಮನೆಯವರಿಗೆ ನೆಮ್ಮದಿ ಉಂಟಾಗುವುದು