ದಿನದ ಸೂಕ್ತಿ: ಎಲ್ಲೆಲ್ಲೂ ಶಿವ

ನಾರಾಯಣಪರಾಃ ಸರ್ವೇ ನ ಕುತಶ್ಚನ ನ ಭಿಭ್ಯತಿ ।

. ಸ್ವರ್ಗಾಪವರ್ಗನರಕೇಷ್ವಪಿ ತುಲ್ಯಾರ್ಥದರ್ಶಿನಃ ।।

. ಇದರ ತಾತ್ಪರ್ಯ ಹೀಗೆ:

. ‘ನಾರಾಯಣನ ಭಕ್ತರೆಲ್ಲರೂ ಯಾವುದರ ದೆಸೆಯಿಂದಲೂ ಹೆದರುವುದಿಲ್ಲ. ಸ್ವರ್ಗ, ಮೋಕ್ಷ, ನರಕಗಳಲ್ಲಿಯೂ ಸಮದೃಷ್ಟಿಯನ್ನು ಉಳ್ಳವರಾಗಿರುತ್ತಾರೆ.’

. ಭಕ್ತಿಯ ವೈಶಾಲ್ಯ ಎಂಥದ್ದು ಎಂಬುದನ್ನು ಈ ಸುಭಾಷಿತ ಹೇಳುತ್ತಿದೆ.

. ತಾರತಮ್ಯ ಎನ್ನುವಂಥದ್ದು ಎಲ್ಲೆಲ್ಲೂ ಇದೆ; ಹೊರಗಡೆ ಸಮಾಜದಲ್ಲಿ ಮಾತ್ರವಲ್ಲ, ನಮ್ಮ ಮನೆಗಳಲ್ಲಿಯೇ ಇರುತ್ತದೆ. ಮನೆಗಳಲ್ಲಿ ಮಾತ್ರವಲ್ಲ, ನಮ್ಮಲ್ಲಿಯೇ, ನಮ್ಮ ಬಗ್ಗೆಯೇ ತಾರತಮ್ಯ ಇದೆಯಲ್ಲವೆ? ಈ ತಾರತಮ್ಯಕ್ಕೆ ಕಾರಣಗಳೂ ಹಲವು. ಇಲ್ಲಿ ಸುಭಾಷಿತ ಅಂಥ ಒಂದು ಪ್ರಬಲ ಕಾರಣವನ್ನು ಹೇಳಿದೆ; ಅದೇ ಹೆದರಿಕೆ.

. ಹೆದರಿಕೆಗೂ ಮೂಲಗಳು ಹಲವು. ನಮಗೆ ಏನಾದರೂ ತೊಂದರೆ ಆಗಬಹುದು ಎಂಬುದು ಈ ಹೆದರಿಕೆಯ ಮೂಲಕಾರಣಗಳಲ್ಲಿ ಒಂದು. ನನಗೆ ಸ್ವರ್ಗ ತಪ್ಪಿಹೋಗಬಹುದು ಎಂಬ ಹೆದರಿಕೆ ಇರಬಹುದು; ಮೋಕ್ಷ ಸಿಗಲಾರದು ಎಂಬ ಹೆದರಿಕೆ ಇರಬಹುದು; ಅಥವಾ ನರಕಕ್ಕೆ ಬೀಳಬೇಕಾಗಿ ಬರಬಹುದು ಎಂಬ ಹೆದರಿಕೆ ಇರಬಹುದು.

. ಆದರೆ ಇಂಥ ಯಾವುದೇ ಹೆದರಿಕೆಗಳಿಗೂ ಹೆದರಿಬೇಕಿಲ್ಲ ಎಂದು ಸುಭಾಷಿತ ಆಶ್ವಾಸನೆ ಕೊಡುತ್ತಿದೆ. ಯಾವಾಗ ಈ ಎಲ್ಲ ಹೆದರಿಕೆಗಳೂ ಮಾಯವಾಗುತ್ತವೆ ಎಂಬುದನ್ನೂ ಅದು ಸೂಚಿಸಿದೆ. ನಾರಾಯಣನ ಭಕ್ತರು ಯಾವ ರೀತಿಯ ಹೆದರಿಕೆಗಳಿಗೂ ಬಗ್ಗುವವರಲ್ಲ ಎಂದು ಅದು ಘೋಷಿಸಿದೆ.

. ನಾರಾಯಣ ಎಂದರೆ ವಿಷ್ಣು. ಆದರೆ ಇಲ್ಲಿ ಕೇವಲ ವಿಷ್ಣುಭಕ್ತರನ್ನು ಕುರಿತಷ್ಟೆ ಸುಭಾಷಿತ ಮಾತನಾಡುತ್ತಿಲ್ಲ; ಎಲ್ಲ ದೇವರ ಭಕ್ತರಿಗೂ ಸಲ್ಲುವಂಥ ಮಾತು ಇದು ಎಂಬುದನ್ನು ಮರೆಯಬಾರದು.

. ಭಕ್ತಿಯ ಪಾರಮ್ಯ ಎಂಥದ್ದು ಎಂಬುದನ್ನು ಹೇಳುವುದು ಸುಭಾಷಿತದ ಉದ್ದೇಶ. ಭಕ್ತಿ ಎಂದರೆ ದೇವರಲ್ಲಿ ಅಚಲವಾದ ನಂಬಿಕೆ, ಶ್ರದ್ಧೆ; ಭಗವಂತನಲ್ಲಿ ನಾವು ಸಾಧಿಸುವ ನಿರಂತರ ತಾದತ್ಮ್ಯ. ನಮ್ಮ ಮನಸ್ಸಿನಲ್ಲೂ ಭಾವದಲ್ಲೂ ಬುದ್ಧಿಯಲ್ಲೂ ಭಗವಂತನೇ ತುಂಬಿಕೊಂಡಿರುವಾಗ ಅದು ಭಕ್ತಿ. ನಮ್ಮಲ್ಲಿ ದೇವರೊಬ್ಬನೇ ಇರುವಾಗ ಇನ್ನೊಂದು ವಸ್ತುವಿನಿಂದಲೋ ಸಂಗತಿಯಿಂದಲೋ ವ್ಯಕ್ತಿಯಿಂದಲೋ ಹೆದರಿಕೆಯಾದರೂ ಏಕೆ ಉಂಟಾದೀತು?

. ಮಾತ್ರವಲ್ಲ, ನಮ್ಮ ಒಳಗೂ ಹೊರಗೂ ದೇವರೇ ತುಂಬಿಕೊಂಡಿರುವಾಗ ನಾವು ಇನ್ನೊಂದು ವಸ್ತುವನ್ನೋ ವ್ಯಕ್ತಿಯನ್ನೋ ನೋಡುತ್ತಿಲ್ಲ ಎಂದೇ ಅರ್ಥ ಅಲ್ಲವೆ? ಇನ್ನೊಬ್ಬ ವ್ಯಕ್ತಿಯೇ ನಮ್ಮ ದೃಷ್ಟಿಯಲ್ಲಿ ಇಲ್ಲದಿರುವಾಗ, ಕಾಣುವ ವಸ್ತು–ವ್ಯಕ್ತಿಗಳೆಲ್ಲರೂ ದೇವರೇ ಆಗಿರುವಾಗ ತಾರತಮ್ಯಕ್ಕೆ ಅವಕಾಶವಾದರೂ ಎಲ್ಲಿ? ಅಭಿನವಗುಪ್ತರ ಮಾತೊಂದು ಇಲ್ಲಿ ನೆನಪಾಗುತ್ತದೆ:

. ವಸ್ತುತಃ ಶಿವಮಯೇ ಹೃದಿ ಸ್ಫುಟಂ

. ಸರ್ವತಃ ಶಿವಮಯಂ ವಿರಾಜತೇ

. (ದಿಟವಾಗಿ ಹೃದಯ ಶಿವಮಯವಾಗೆ, ಎತ್ತಲೂ ಸ್ಫುಟವಾಗಿ ಶಿವಮಯವೆ ಹೊಳೆಹೊಳೆವುದು!)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ಎಲ್ಲೆಲ್ಲೂ ಶಿವ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಗಳಿಗೆ ಸಮಾನ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’