ದಿನದ ಸೂಕ್ತಿ: ಇವರು ದುರ್ಲಭರು

ಶ್ರೀಮಾನಜನನಿಂದ್ಯಶ್ಚ ಶೂರಾಶ್ಚಾಪ್ಯವಿಕತ್ಥನಃ । ಸಮದೃಷ್ಟಿಃ ಪ್ರಭುಶ್ಚೈವ ದುರ್ಲಭಾಃ ಪುರುಷಾಸ್ತ್ರಯಃ ।।

. ಇದರ ತಾತ್ಪರ್ಯ ಹೀಗೆ: ‘ಜನರ ನಿಂದೆಗೆ ಗುರಿಯಾಗದ ಶ್ರೀಮಂತ, ಆತ್ಮಪ್ರಶಂಸೆ ಮಾಡಿಕೊಳ್ಳದ ಶೂರ, ಸಮದೃಷ್ಟಿಯುಳ್ಳ ರಾಜ – ಈ ಮೂವರು ಸಿಗುವುದು ಕಷ್ಟ.‘

. ಸಮಾಜದ ಗುಣ ಮತ್ತು ಮನುಷ್ಯರ ಸ್ವಭಾವ – ಇವೆರಡನ್ನೂ ಈ ಸುಭಾಷಿತ ನಿರೂಪಿಸುತ್ತಿದೆ.

. ಜನರಿಗೆ ಯಾವಾಗಲೂ ಧನಿಕರ ಬಗ್ಗೆ ಗುಮಾನಿ. ಅವರು ಎಷ್ಟೇ ಪ್ರಾಮಾಣಿಕವಾಗಿ ಸಂಪತ್ತನ್ನು ಸಂಪಾದಿಸಿದ್ದರೂ ಜನರಿಗೆ ಅವರ ಮೇಲೆ ಸಂಶಯ; ಮೋಸದಿಂದಲೇ ಹಣವನ್ನು ಸಂಪಾದಿಸಿದ್ದಾರೆ ಎಂಬ ಅನುಮಾನ ಜನರಿಗೆ. ಹೌದು, ಸಂಪತ್ತನ್ನು ಸಂಪಾದಿಸುವುದು ಸುಲಭವಲ್ಲ. ಹೀಗೆಂದು ಎಲ್ಲ ಧನಿಕರೂ ಅದನ್ನು ಅಡ್ಡದಾರಿಯಲ್ಲಿಯೇ ಸಂಪಾದಿಸಿರುತ್ತಾರೆ ಎಂದೇನಿಲ್ಲ; ಹಲವರು ನ್ಯಾಯಮಾರ್ಗದಲ್ಲಿಯೇ ಹಣವನ್ನು ಸಂಪಾದಿಸಿರುತ್ತಾರೆ. ಆದರೆ ಸಿರಿವಂತರಿಗೆ ಮಾತ್ರ ಯಾವಾಗಲೂ ಜನರಿಂದ ನಿಂದೆ ತಪ್ಪುವುದಿಲ್ಲ; ಧನಿಕರು ಮೋಸಗಾರರು ಎಂಬ ನಿಂದೆ.

. ಆತ್ಮಪ್ರಶಂಸೆಯನ್ನು ಮಾಡಿಕೊಳ್ಳದ ಶೂರನೇ ಇರಲಾರ ಎಂದು ಸುಭಾಷಿತ ಹೇಳುತ್ತಿದೆ. ಇಲ್ಲಿ ಶೂರ ಎಂದರೆ ದೈಹಿಕವಾಗಿ ಬಲಶಾಲಿ, ಮಾನಸಿಕವಾಗಿ ಧೈರ್ಯಶಾಲಿ ಎಂದಷ್ಟೆ ಅಲ್ಲ, ಯಾವುದೇ ಕ್ಷೇತ್ರದಲ್ಲಿ ಸಾಧನೆಯನ್ನು ಮಾಡಿದ ಸಾಧಕರನ್ನೂ ಈ ವರ್ಗಕ್ಕೆ ಸೇರಿಸಬಹುದು ಎನಿಸುತ್ತದೆ. ಈ ಸಾಧಕರು ಎಷ್ಟೇ ಸರಳರೂ ವಿನಯವಂತರೂ ಆಗಿದ್ದರೂ ಒಮ್ಮೆಯಾದರೂ ಅವರು ಆತ್ಮಪ್ರಶಂಸೆಯನ್ನು ಮಾಡಿಕೊಂಡೇ ಇರುತ್ತಾರೆ ಎನ್ನುತ್ತಿದೆ ಸುಭಾಷಿತ. ಹೀಗೆ ನಮ್ಮ ಸಾಧನೆಯನ್ನು ಒಮ್ಮೆ ಮೆಲುಕು ಹಾಕಿಕೊಳ್ಳುವುದೇನೂ ಅಪರಾಧವಲ್ಲವಷ್ಟೆ! ಆದರೆ ಅದು ಅಹಂಕಾರವಾಗದಂತೆ ಎಚ್ಚರವಾಗಿರಬೇಕಾಗುತ್ತದೆ.

. ಸಮದೃಷ್ಟಿಯುಳ್ಳ ರಾಜನು ಸಿಗುವುದು ಕೂಡ ದುರ್ಲಭ ಎನ್ನುತ್ತಿದೆ ಸುಭಾಷಿತ. ರಾಜನಾದವನು ಪ್ರಜೆಗಳಿಗೆ ತಂದೆಯ ಸಮಾನ. ಇದರ ಅರ್ಥ, ಪ್ರಜೆಗಳನ್ನು ಸಮಾನವಾಗಿ ನೋಡಿಕೊಳ್ಳಬೇಕು ಎಂದು. ಈಗ ರಾಜ ಎಂದಾಗ ಆ ಸ್ಥಾನದಲ್ಲಿ ಮಂತ್ರಿಯನ್ನೋ ಮುಖ್ಯಮಂತ್ರಿಯನ್ನೋ ಅಥವಾ ಇನ್ನಾವುದೇ ಜನಪ್ರತಿನಿಧಿಗಳನ್ನೋ ಕಾಣಬೇಕು. ಪ್ರಜೆಗಳನ್ನು ಸಮದೃಷ್ಟಿಯಿಂದ ನೋಡುವುದು ಎಂದರೆ ಎಲ್ಲರಿಗೂ ಒಂದೇ ರೀತಿಯ ಊಟ, ಬಟ್ಟೆ, ಸಂಬಳ ಮುಂತಾದುವನ್ನು ಕೊಡುವುದು ಎಂದಲ್ಲ; ಅವರವರ ಆವಶ್ಯಕತೆಗಳಿಗೆ ತಕ್ಕ ರೀತಿಯಲ್ಲಿ ಎಲ್ಲರ ಆಗುಹೋಗುಗಳನ್ನು ಪೂರೈಸುವುದು ಎಂದು ಅರ್ಥ. ಇವನು ನಮ್ಮ ಪಕ್ಷದವನು; ಇವನಿಗೆ ಸಹಾಯ ಮಾಡಬೇಕು; ಅವನು ನಮ್ಮ ಪಕ್ಷದವನಲ್ಲ; ಅವನಿಗೆ ಸಹಾಯ ಮಾಡಬಾರದು. ಇವನು ನಮ್ಮ ಜಾತಿಯವನು; ಹೀಗಾಗಿ ಇವನು ನಮ್ಮವನು. ಅವನು ಬೇರೆ ಜಾತಿಯವನು; ಹೀಗಾಗಿ ಅವನು ನಮ್ಮವನಲ್ಲ. ಇಂಥ ಆಲೋಚನೆಗಳೂ ಜನಪ್ರತಿನಿಧಿಗಳಲ್ಲಿ ಬರಬಾರದು. ಇಂಥ ಭೇದಬುದ್ಧಿ ಇಲ್ಲದಿರುವಿಕೆಯೇ ಸಮದೃಷ್ಟಿ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ಇವರು ದುರ್ಲಭರು

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

IND vs ENG 2nd Test: ಗಿಲ್ ಅಮೋಘ ದ್ವಿಶತಕ; ಭಾರತ 587ಕ್ಕೆ ಆಲೌಟ್

ರೇಬಿಸ್‌: ಕಬಡ್ಡಿ ಆಟಗಾರ ಸಾವು

ವಿಶ್ವ ಬಾಕ್ಸಿಂಗ್ ಕಪ್: ಪದಕ ಖಚಿತಪಡಿಸಿಕೊಂಡ ಹಿತೇಶ್‌, ಸಾಕ್ಷಿ

ಕಾರು ಅಪಘಾತ: ಲಿವರ್‌ಪೂಲ್‌ ತಾರೆ ಜೋಟಾ, ಸೋದರ ಸಾವು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ