ದಿನದ ಸೂಕ್ತಿ | ಜೀವನದ ಸಮಗ್ರತೆ

ಧರ್ಮಾರ್ಥಕಾಮಾಃ ಸಮಮೇವ ಸೇವ್ಯಾ

. ಯೋ ಹ್ಯೇಕಭಕ್ತಃ ಸ ನರೋ ಜಘನ್ಯಃ ।

. ತಯೋಸ್ತು ದಕ್ಷಂ ಪ್ರವದಂತಿ ಮಧ್ಯಂ

. ಸ ಉತ್ತಮೋ ಯೋsಭಿರತಸ್ತ್ರಿವರ್ಗೇ ।।

. ಇದರ ತಾತ್ಪರ್ಯ ಹೀಗೆ: ‘ಧರ್ಮ, ಅರ್ಥ ಮತ್ತು ಕಾಮ – ಇವು ಮೂರನ್ನು ಸಮವಾಗಿ ಸೇವಿಸಬೇಕು. ಇವುಗಳಲ್ಲಿ ಒಂದನ್ನು ಮಾತ್ರ ಸೇವಿಸತಕ್ಕವನು ಕನಿಷ್ಠ ದರ್ಜೆಯವನು; ಯಾವುದಾದರೂ ಎರಡರಲ್ಲಿ ಆಸಕ್ತನಾದವನು ಮಧ್ಯಮ; ಮೂರರಲ್ಲಿಯೂ ಆಸಕ್ತನಾದವನು ಶ್ರೇಷ್ಠ.’

. ಜೀವನವನ್ನು ಸಮಗ್ರವಾಗಿ ಸ್ವೀಕರಿಸಬೇಕು ಎಂಬುದು ಸುಭಾಷಿತದ ಇಂಗಿತ.

. ಯಾವುದೇ ವ್ಯಕ್ತಿ ತನ್ನ ಜೀವನದಲ್ಲಿ ಬಯಸುವ ಎಲ್ಲ ವಿಧದ ಬಯಕೆಗಳನ್ನು ನಮ್ಮ ಪರಂಪರೆಯಲ್ಲಿ ಒಂದೇ ಶಬ್ದದಿಂದ ನಿರ್ದೇಶಿಸಿದೆ; ಅದೇ ’ಪುರುಷಾರ್ಥ’.

. ಧರ್ಮ, ಅರ್ಥ ಮತ್ತು ಕಾಮ – ಇವೇ ಪುರುಷಾರ್ಥಗಳು. ಇದರ ಜೊತೆಗೆ ಮೋಕ್ಷವನ್ನು ನಾಲ್ಕನೆಯ ಪುರುಷಾರ್ಥವನ್ನಾಗಿ ಸೇರಿಸುವುದುಂಟು.

. ಆದರೆ ಧರ್ಮ, ಅರ್ಥ ಮತ್ತು ಕಾಮ ಇಲ್ಲಿಯ ಜೀವನಕ್ಕೆ ಸೇರಿರುವಂಥ ವಿವರಗಳು; ನಮ್ಮ ಜೀವನವನ್ನು ಆವರಿಸಿರುವಂಥವು.

. ಕಾಮ ಎಂದರೆ ನಮ್ಮ ಎಲ್ಲ ಬಯಕೆಗಳು; ಕೇವಲ ಗಂಡು–ಹೆಣ್ಣುಗಳ ಆಕರ್ಷಣೆಯಷ್ಟೇ ಅಲ್ಲ. ಅರ್ಥ ಎಂದರೆ ಕಾಮವನ್ನು ಪೂರೈಸಿಕೊಳ್ಳಲು ಬೇಕಾದ ಎಲ್ಲ ಸಲಕರಣೆ–ಸಾಧನಗಳು; ಕೇವಲ ಹಣ ಮಾತ್ರವಷ್ಟೇ ಅಲ್ಲ. ನಮ್ಮ ಕಾಮವೂ ಅರ್ಥವೂ ಒಂದು ಗೊತ್ತಾದ ಕ್ರಮದಲ್ಲಿಯೇ ಪ್ರಕಟವಾಗಬೇಕು; ಅವುಗಳಿಂದ ನಮ್ಮ ಹಿತವೂ ಕೆಡಬಾರದು, ಸಮಾಜದ ಹಿತವೂ ಕೆಡಬಾರದು. ಹೀಗೆ ನಮ್ಮಿಂದ ನಮ್ಮನ್ನೂ ಸಮಾಜವನ್ನೂ ಅಪಾಯಗಳಿಂದ ಕಾಪಾಡಬಲ್ಲಂಥ ನೀತಿ–ನಿಯಮಗಳ ಕಟ್ಟುಗಳೇ ಧರ್ಮ ಎನಿಸಿಕೊಳ್ಳುತ್ತದೆ.

. ಸುಭಾಷಿತ ಹೇಳುತ್ತಿರುವುದು ಮೂರು ಪುರುಷಾರ್ಥಗಳೂ ಸೇರಿಕೊಂಡೇ ನಮ್ಮ ಜೀವನಚಕ್ರ ಸುತ್ತುತ್ತಿರುತ್ತದೆ. ಆದುದರಿಂದ ನಾವು ಯಾವುದೋ ಒಂದನ್ನು ಮಾತ್ರವೇ ಆಯ್ದುಕೊಂಡರೆ ಜೀವನ ಪೂರ್ಣತೆಯನ್ನು ಪಡೆಯದು. ಹೀಗಾಗಿ ಎಲ್ಲ ಪುರುಷಾರ್ಥಗಳಿಗೂ ನಾವು ಮನ್ನಣೆಯನ್ನು ಕೊಡಬೇಕು. ಕೇವಲ ಅರ್ಥಸಂಪಾದನೆಯಲ್ಲೇ ಮುಳಗಬಾರದು; ಅಥವಾ ಕೇವಲ ಬಯಕೆ–ಆಸೆಗಳ ಹಿಂದೆಯೇ ಓಡಬಾರದು; ಅಥವಾ ಧರ್ಮದ ದಾರಿಯೆಂದು ಎಲ್ಲವನ್ನೂ ತ್ಯಾಗಮಾಡಿ ಬದುಕುವುದು ಕೂಡ ತಪ್ಪಾಗುತ್ತದೆ.

. ನಮ್ಮ ಸಂಸ್ಕೃತಿಯ ಮಹಾದರ್ಶನವೇ ಜೀವನವನ್ನು ಸಮಗ್ರವಾಗಿ ಗ್ರಹಿಸಬೇಕೆಂಬುದು. ನಮ್ಮ ಆಸೆಗಳೂ ತಪ್ಪಲ್ಲ; ಆದರೆ ಅವುಗಳನ್ನು ಪೂರೈಸಿಕೊಳ್ಳಲು, ಅನುಭವಿಸಲು ಗೊತ್ತಾದ ದಾರಿಯಿರಬೇಕು, ಸರಿಯಾದ ದಾರಿ ಅದಾಗಿರಬೇಕು.

. ಜೀವನವನ್ನು ಪೂರ್ಣವಾಗಿ ಸವಿಯೋಣ; ಆದರೆ ಈ ದಾರಿಯಲ್ಲಿ ನಮ್ಮ ಹಿತವನ್ನೂ ಸಮಾಜದ ಹಿತವನ್ನೂ ಮರೆಯದಿರೋಣ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ | ಜೀವನದ ಸಮಗ್ರತೆ

ಚಿನಕುರುಳಿ Cartoon: 12 ಜುಲೈ 2025

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಚುರುಮುರಿ: ನಕಲು–ಅಸಲು!

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ | ಪ್ರತ್ಯೇಕ ತನಿಖೆ: ಎಸ್‌ಪಿ

ಮಹಿಳಾ ಕ್ರಿಕೆಟ್ | 5ನೇ ಟಿ20 ಪಂದ್ಯದಲ್ಲಿ ಗೆದ್ದ ಇಂಗ್ಲೆಂಡ್; ಭಾರತಕ್ಕೆ ಸರಣಿ

Wimbledon 2025: ಆಧಿಪತ್ಯಕ್ಕೆ ಸಿನ್ನರ್–ಅಲ್ಕರಾಜ್‌ ಪೈಪೋಟಿ

ಪ್ಯಾರಾ ಅಥ್ಲೆಟಿಕ್ಸ್: ರಕ್ಷಿತಾ, ಶರತ್‌ಗೆ ಚಿನ್ನ

IND vs ENG 3rd Test: ಲಾರ್ಡ್ಸ್‌ನಲ್ಲಿ ರಾಹುಲ್ ಹೊಳಪು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ Cartoon: 12 ಜುಲೈ 2025

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಚುರುಮುರಿ: ನಕಲು–ಅಸಲು!

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ | ಪ್ರತ್ಯೇಕ ತನಿಖೆ: ಎಸ್‌ಪಿ