ದಿನದ ಸೂಕ್ತಿ| ಅಮೃತದ ಎರಡು ಹಣ್ಣುಗಳು

ಸಂಸಾರವಿಷವೃಕ್ಷಸ್ಯ ದ್ವೇ ಫಲೇ ಹ್ಯಮೃತೋಪಮೇ ।

. ಕಾವ್ಯಾಮೃತರಸಾಸ್ವಾದಃ ಸಂಗಮಃ ಸುಜನೈಃ ಸಹ ।।

. ಇದರ ತಾತ್ಪರ್ಯ ಹೀಗೆ:

. ’ಸಂಸಾರ ಎಂಬ ವಿಷವೃಕ್ಷದಲ್ಲಿ ಅಮೃತದಂತಿರುವ ಫಲಗಳು ಎರಡೇ; ಒಂದು ಕಾವ್ಯಾಮೃತದ ರಸಾಸ್ವಾದ, ಮತ್ತೊಂದು ಸಜ್ಜನರ ಸಹವಾಸ.‘

. ಸಂಸಾರ ದುಃಖಮಯ ಎಂದು ಸಾವಿರಾರು ವರ್ಷಗಳ ಹಿಂದೆಯೇ ಬುದ್ಧ ಭಗವಂತ ಹೇಳಿದ್ದಾನೆ. ಬುದ್ಧ ಹೇಳದಿದ್ದರೂ ದಿನವೂ ನಮಗೆ ಇದು ಅನುಭವವೈದ್ಯವೇ ಹೌದೆನ್ನಿ!

. ಹಾಗಾದರೆ ಈ ದುಃಖದಿಂದ ಪಾರಾಗುವ ವಿಧಾನ ಹೇಗೆ?

. ಬುದ್ಧ ಇದಕ್ಕೆ ಎಂಟು ಆಯಾಮಗಳ ದಾರಿಯನ್ನು ಕಾಣಿಸಿದ, ದಿಟ. ಆದರೆ ಅದು ಸಾಧಕರಿಗೆ, ನಿರ್ವಾಣ – ಎಂದರೆ ಮೋಕ್ಷವನ್ನು ಬಯಸುವವರಿಗೆ ಸಲ್ಲುವಂಥದ್ದು. ನಮಗೆ, ಸಾಮಾನ್ಯರಿಗೆ ಈ ಕೂಡಲೇ ಒದಗುವಂಥ ದಾರಿ ಏನಾದರೂ ಇದೆಯೆ – ಎಂದು ಯಾರಾದರೂ ಪ್ರಶ್ನೆ ಮಾಡಿದರೆ ಅಂಥವರಿಗೆ ಸುಭಾಷಿತ ಉತ್ತರವನ್ನು ಕೊಡುವಂತಿದೆ.

. ಸಂಸಾರ ಎನ್ನುವುದು ವಿಷವೃಕ್ಷಕ್ಕೆ ಸಮ. ಮರವೇ ವಿಷಮಯವಾದರೆ ಅದರಲ್ಲಿ ಬಿಡುವ ಹಣ್ಣು ಕೂಡ ವಿಷಯುಕ್ತವೇ ಆಗಿರಬೇಕಲ್ಲವೆ? ಆದರೆ ಸುಭಾಷಿತ ಸೃಷ್ಟಿಯ ವೈಚಿತ್ರ್ಯವೊಂದನ್ನು ಗುರುತಿಸಿದೆ: ಈ ಸಂಸಾರವಿಷವೃಕ್ಷದಲ್ಲಿಯೂ ಎರಡು ಹಣ್ಣುಗಳು ಮಾತ್ರ ಅಮೃತಪ್ರಾಯವಾಗಿವೆಯಂತೆ. ಅವು ಯಾವುವು? ಒಂದು: ಕಾವ್ಯ ಎಂಬ ಅಮೃತದ ರಸಾಸ್ವಾದ; ಮತ್ತೊಂದು: ಸಜ್ಜನರ ಸಹವಾಸ.

. ಇಲ್ಲಿ ಸಂಸಾರ ಎಂದರೆ ’ಕುಟುಂಬ‘ ಎಂಬ ಅರ್ಥ ಅಲ್ಲ, ಇಡಿಯ ಸೃಷ್ಟಿ ಎಂದು ಅರ್ಥ.

. ಕಾವ್ಯವೇ ಈ ಸೃಷ್ಟಿಯಲ್ಲಿರುವ ಅಮೃತವಂತೆ. ಇಡಿಯ ಜಗತ್ತಿನ ಸಾರಸಾರ ವಿವೇಚನೆಯನ್ನು ಮಾಡಬಲ್ಲ ಸಾಹಿತ್ಯಕೃತಿಯೇ ದಿಟವಾದ ಕಾವ್ಯ. ರಾಮಾಯಣ, ಮಹಾಭಾರತ, ರಘುವಂಶ, ಕುಮಾರವ್ಯಾಸಭಾರತ, ಷೇಕ್ಸ್ಪಿಯರ್ ಕೃತಿಗಳು, ಹೋಮರ್, ಬ್ಲೇಕ್ – ಇಂಥವರ ಕೃತಿಗಳು ಬದುಕಿನ ದಿಟವಾದ ಅರ್ಥವಂತಿಕೆಯನ್ನು ಕಾಣಿಸಬಲ್ಲದು. ಇಂಥ ಕೃತಿಗಳ ಅನುಸಂಧಾನ ಜೀವನಕ್ಕೊಂದು ಸೊಗಸನ್ನೂ ಅರ್ಥವನ್ನೂ ಕೊಡಬಲ್ಲವು; ದುಃಖಮಯವಾದ ಸಂಸಾರದಲ್ಲೂ ಸುಖ ಇದೆ ಎಂಬುದನ್ನು ಕಾಣಿಸಬಲ್ಲದು.

. ಈಗ ಎರಡನೆಯ ಅಮೃತಫಲದ ಬಗ್ಗೆ ನೋಡೋಣ. ಸಜ್ಜನರ ಸ್ನೇಹವೇ ಈ ಎರಡನೆಯ ಅಮೃತಫಲ. ನಮ್ಮ ಜೀವನದಲ್ಲಿ ಎದುರಾಗುವ ಕಷ್ಟದ ಸಮಯದಲ್ಲಿ ನಮಗೆ ಧೈರ್ಯವನ್ನೂ ಸಹಾಯವನ್ನೂ ಒದಗಿಸುವವರು ಈ ಸಜ್ಜನರು. ಇವರು ನಾವು ಕೆಳಕ್ಕೆ ಬಿದ್ದಾಗ ಕೈ ಹಿಡಿದು ನಮ್ಮನ್ನು ಮೇಲೆತ್ತುತ್ತಾರೆಯೇ ಹೊರತು ನಮ್ಮನ್ನು ಇನ್ನಷ್ಟು ಕೆಳಕ್ಕೆ ತಳ್ಳುವುದಿಲ್ಲ. ಇಂಥವರಿಂದ ದುಃಖಮಯವಾದ ಜೀವನವೂ ಸಹನೀಯ ಎಂದೆನಿಸುತ್ತದೆ.

. ಇನ್ನೊಂದು ಸುಭಾಷಿತವನ್ನೂ ಇಲ್ಲಿ ನೋಡಬಹುದು:

. ಕಾವ್ಯಶಾಸ್ತ್ರವಿನೋದೇನ ಕಾಲೋ ಗಚ್ಛತಿ ಧೀಮತಾಮ್ ।

. ವ್ಯಸನೇನ ತು ಮೂರ್ಖಾಣಾಂ ನಿದ್ರಯಾ ಕಲಹೇನ ವಾ ।।

. ’ಕಾವ್ಯ, ಶಾಸ್ತ್ರ – ಇವುಗಳನ್ನು ಓದಿ ಸಂತೋಷಪಡುವುದರಲ್ಲಿ ಬುದ್ಧಿವಂತರ ವೇಳೆ ಕಳೆಯುತ್ತದೆ; ಆದರೆ ಮೂರ್ಖರ ಸಮಯ ಜೂಜು ಮುಂತಾದ ವ್ಯಸನಗಳಲ್ಲಿ, ನಿದ್ರೆ ಅಥವಾ ಜಗಳದಲ್ಲಿಯೇ ಕಳೆದುಹೋಗುತ್ತದೆ.‘

. ಪ್ರಸ್ತುತ ಸಂದರ್ಭಕ್ಕೂ ಸಲ್ಲುವ ಸುಭಾಷಿತ ಇದು.

. ಇದನ್ನು ಪಾಡ್ಕಾಸ್ಟ್ನಲ್ಲಿ ಕೇಳಲು ಇಲ್ಲಿ ಕ್ಲಿಕ್ ಮಾಡಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ| ಅಮೃತದ ಎರಡು ಹಣ್ಣುಗಳು

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ