ದಿನದ ಸೂಕ್ತಿ: ಭಕ್ತಿ ಸಾಮ್ರಾಜ್ಯ

ಷಡಂಗಾದಿವೇದೋ ಮುಖೇ ಶಾಸ್ತ್ರವಿದ್ಯಾ

. ಕವಿತ್ವಾದಿಗದ್ಯಂ ಸುಪದ್ಯಂ ಕರೋತಿ ।

. ಯಶೋದಾಕಿಶೋರೇ ಮನೋ ವೈ ನ ಲಗ್ನಂ

. ತತಃ ಕಿಂ ತತಃ ಕಿಂ ತತಃ ಕಿಂ ತತಃ ಕಿಮ್ ।।

. ಇದರ ತಾತ್ಪರ್ಯ ಹೀಗೆ:

. ‘ಆರು ಅಂಗಗಳೊಡನೆ ವೇದವನ್ನೂ ಶಾಸ್ತ್ರಗಳನ್ನೂ ಆಳವಾಗಿ ಅಧ್ಯಯನ ಮಾಡಬಹುದು. ಸೊಗಸಾದ ಗದ್ಯದಿಂದಲೂ ಪದ್ಯದಿಂದಲೂ ಕಾವ್ಯರಚನೆಯನ್ನೂ ಮಾಡಬಹುದು. ಆದರೆ ಯಶೋದನೆಯ ಮಗನಾದ ಶ್ರೀಕೃಷ್ಣನಲ್ಲಿ ಮನಸ್ಸು ನೆಡದಿದ್ದರೆ ಅವುಗಳೆಲ್ಲದುದರಿಂದ ಏನು ತಾನೆ ಪ್ರಯೋಜನ?’

. ನಿಜವಾದ ಸಂಪತ್ತು ಎಂದರೆ ಅದು ಶ್ರೀಕೃಷ್ಣಲ್ಲಿಯ ಭಕ್ತಿಯೇ ಹೌದು ಎಂದು ಇಲ್ಲಿಯ ಶ್ಲೋಕಗಳು ಹೇಳುತ್ತಿವೆ. ಆದುದರಿಂದಲೇ ನಾವು ಸಂಪತ್ತು ಎಂದು ಸಾಮಾನ್ಯವಾಗಿ ಪರಿಗಣಿಸುವ ಎಲ್ಲವನ್ನೂ ಈ ಪದ್ಯಗಳು ನಿರಾಕರಿಸುತ್ತಿವೆ.

. ನಾವು ವಿದ್ಯೆಯನ್ನು ಸಂಪತ್ತು ಎಂದುಕೊಳ್ಳಬಹುದು; ವೇದಾಧ್ಯಯನ, ಶಾಸ್ತ್ರಗಳು, ಕಾವ್ಯಶಕ್ತಿ – ಇಂಥವನ್ನು ನಾವು ದೊಡ್ಡ ಸಾಧನೆ ಭಾವಿಸಿಕೊಳ್ಳುತ್ತೇವೆ; ಇಂಥ ವಿದ್ಯೆಯೇ ದೊಡ್ಡ ಆಸ್ತಿ ಎಂದೂ ಅಂದುಕೊಳ್ಳುತ್ತೇವೆ. ಆದರೆ ಶ್ರೀಕೃಷ್ಣನಲ್ಲಿ ಮನಸ್ಸನ್ನು ಏಕಾಗ್ರಗೊಳಿಸದ ವಿದ್ಯೆ ಅದು ವಿದ್ಯೆಯೇ ಅಲ್ಲ ಎಂಬುದು ಇಲ್ಲಿಯ ನಿಲವು.

. ಹೀಗೆಯೇ ನಮ್ಮ ಶರೀರಸೌಂದರ್ಯ, ಶರೀರಸುಖ, ಆಸ್ತಿ–ಅಂತಸ್ತುಗಳು – ಹೀಗೆ ಎಲ್ಲ ಬಗೆಯ ಲೌಕಿಕ ಸುಖ–ಸಂತೋಷ–ಸಾಧನೆಗಳನ್ನೂ ಇಲ್ಲಿ ನಿರಾಕರಿಸಿ, ಕೇವಲ ಶ್ರೀಕೃಷ್ಣನ ಭಕ್ತಿಯೊಂದನ್ನೇ ಎತ್ತಿಹಿಡಿಯಲಾಗಿದೆ.

. ನ ಭೋಗೇ ನ ಯೋಗೇ ನ ವಾ ವಾಜಿರಾಜೌ

. ನ ಕಾಂತಾಮುಖೇ ನೈವ ವಿತ್ತೇಷು ಚಿತ್ತಮ್ ।

. ಯಶೋದಾಕಿಶೋರೇ ಮನೋ ವೈ ನ ಲಗ್ನಂ

. ತತಃ ಕಿಂ ತತಃ ಕಿಂ ತತಃ ಕಿಂ ತತಃ ಕಿಮ್ ।।

. ‘ಭೋಗದಲ್ಲಾಗಲೀ ಯೋಗದಲ್ಲಾಗಲೀ ಉತ್ತಮವಾದ ಅಶ್ವಗಳಲ್ಲಾಗಲೀ ಪ್ರಿಯತಮೆಯ ಸಾಮೀಪ್ಯದಲ್ಲಿಯಾಗಲೀ ಸಂಪತ್ತಿನಲ್ಲಾಗಲೀ ಮನಸ್ಸು ನೆಡದೆ ಇರಬಹುದು. ಆದರೆ ಯಶೋದೆಯ ಮಗನಾದ ಶ್ರೀಕೃಷ್ಣನಲ್ಲಿಯೂ ಮನಸ್ಸು ನೆಡದಿದ್ದರೆ ಅವುಗಳಿಂದ ಏನು ಪ್ರಯೋಜನ?’

. ಶರೀರಂ ಸುರೂಪಂ ತತೋ ವೈ ಕಲತ್ರಂ

. ಯಶಶ್ಚಾರು ಚಿತ್ರಂ ಧನಂ ಮೇರುತುಲ್ಯಮ್ ।

. ಯಶೋದಾಕಿಶೋರೇ ಮನೋ ವೈ ನ ಲಗ್ನಂ

. ತತಃ ಕಿಂ ತತಃ ಕಿಂ ತತಃ ಕಿಂ ತತಃ ಕಿಮ್ ।।

. ‘ಸುಂದರವಾದ ಶರೀರ, ಸುಂದರಿಯಾದ ಹೆಂಡತಿ, ಅಪರಿಮಿತವಾದ ಕೀರ್ತಿ, ಮೇರುಪರ್ವತಕ್ಕೆ ಸಮನಾದ ಸಂಪತ್ತು – ಇವೆಲ್ಲವೂ ಇದ್ದರೂ ಯಶೋದೆಯ ಮಗನಾದ ಶ್ರೀಕೃಷ್ಣನಲ್ಲಿ ಮನಸ್ಸು ನೆಡದಿದ್ದರೆ ಅವುಗಳಿಂದ ಏನು ತಾನೆ ಪ್ರಯೋಜನ?‘

. ಭಕ್ತಿಯೇ ನಿಜವಾದ ಸಾಮ್ರಾಜ್ಯ ಎಂಬುದನ್ನು ಸ್ಥಾಪಿಸುತ್ತಿವೆ, ಈ ಪದ್ಯಗಳು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ಭಕ್ತಿ ಸಾಮ್ರಾಜ್ಯ

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು

ಚಿನಕುರುಳಿ | ಸೋಮವಾರ, 14 ಜುಲೈ 2025

WI vs AUS: ಸ್ಟಾರ್ಕ್ ಬಿರುಗಾಳಿಗೆ ವಿಂಡೀಸ್ ಧೂಳಿಪಟ; 27 ರನ್ನಿಗೆ ಆಲೌಟ್

ಐಸಿಸಿ ರ್‍ಯಾಂಕಿಂಗ್‌: ಅಗ್ರ ಹತ್ತರಲ್ಲಿ ಶಫಾಲಿ ವರ್ಮಾ

ಈಕ್ವೆಸ್ಟ್ರಿಯನ್: ಶುಭ್ ಚೌಧರಿಗೆ ಮೂರು ಪದಕ

ಇಂಗ್ಲೆಂಡ್‌ ತಂಡಕ್ಕೆ ಮರಳಿದ ಎಡಗೈ ಸ್ಪಿನ್ನರ್‌ ಲಿಯಾಮ್‌ ಡಾಸನ್‌

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು

ಚಿನಕುರುಳಿ | ಸೋಮವಾರ, 14 ಜುಲೈ 2025