ದಿನದ ಸೂಕ್ತಿ| ಮಾತೆಂಬ ಕಾಮಧೇನು

ಕಾಮಂ ದುಗ್ಧೇ ವಿಪ್ರಕರ್ಷತ್ಯಲಕ್ಷ್ಮೀಂ

. ಕೀರ್ತಿಂ ಸೂತೇ ದುರ್ಹೃದೋ ನಿಷ್ಪ್ರಲಾಂತಿ ।

. ಶುದ್ಧಾಂ ಶಾಂತಾಂ ಮಾತರಂ ಮಂಗಲಾನಾಂ

. ಧೇನುಂ ಧೀರಾಃ ಸೂನೃತಾಂ ವಾಚಮಾಹುಃ ।।

. ಇದರ ತಾತ್ಪರ್ಯ ಹೀಗೆ:

. ‘ಒಳ್ಳೆಯ ಮಾತು ಇಷ್ಟಾರ್ಥವನ್ನು ಕೊಡುತ್ತದೆ; ಅಮಂಗಳವನ್ನು ಹೋಗಲಾಡಿಸುತ್ತದೆ; ಕೀರ್ತಿಯನ್ನು ಉಂಟುಮಾಡುತ್ತದೆ; ಶತ್ರುಗಳನ್ನು ನಾಶಮಾಡುತ್ತದೆ; ಸ್ವಚ್ಛವಾದ, ಮಂಗಳಕ್ಕೆ ತೌರು ಎನಿಸಿರುವ ಒಳ್ಳೆಯ ಮಾತನ್ನು ಕಾಮಧೇನು ಎಂದು ಕರೆಯುತ್ತಾರೆ.’

. ಇದನ್ನು ಓದಿ: ಸಂಪಾದಕರ ಮಾತು | ಪ್ರಜಾವಾಣಿ ಆಂಡ್ರಾಯ್ಡ್ ಮತ್ತು ಐಒಎಸ್ ಆ್ಯಪ್ ಲೋಕಾರ್ಪಣೆ

. ಮಾತಿನ ಶಕ್ತಿಯ ಬಗ್ಗೆ ಈ ಸುಭಾಷಿತ ಸೊಗಸಾಗಿ ಮಾತನಾಡಿದೆ.

. ಈ ಮೊದಲು ಕೂಡ ನಾವು ನೋಡಿದ ಹಲವು ಸುಭಾಷಿತಗಳು ಮಾತಿನ ಶಕ್ತಿಯ ಬಗ್ಗೆ ನಿರೂಪಣೆ ಮಾಡಿವೆ; ಸುಭಾಷಿತ – ಎಂಬುದರ ಅರ್ಥವೇ ಒಳ್ಳೆಯ ಮಾತು, ಚೆನ್ನಾಗಿ ಆಡಿದ ಮಾತು ಎಂದು.

. ಪ್ರಜಾವಾಣಿ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳುವ ಲಿಂಕ್: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

. ಮಾತನಾಡುವ ಶಕ್ತಿ ನಮಗೆ ಸಹಜವಾಗಿಯೇ ದಕ್ಕಿದೆ. ಬಹುಶಃ ಈ ಕಾರಣದಿಂದಲೇ ನಮಗೆ ಅದರ ಬೆಲೆ ಗೊತ್ತಾಗುತ್ತಿಲ್ಲ ಎಂದೆನಿಸುತ್ತದೆ. ಅದನ್ನು ಹೇಗೆಂದರೆ ಹಾಗೆ ಉಪಯೋಗಿಸಿಕೊಂಡು ಅಪವಿತ್ರ ಮಾಡುತ್ತಿದ್ದೇವೆ. ಈ ಅಪವಿತ್ರದ ಪರಾಕಾಷ್ಠೆಯನ್ನು ಇಂದಿನ ಸಮಾಜದಲ್ಲಿ ಧಾರಾಳವಾಗಿಯೇ ನೋಡಬಹುದಾಗಿದೆ. ಮನೆಗಳಲ್ಲಿ, ಕಚೇರಿಗಳಲ್ಲಿ, ರಸ್ತೆಗಳಲ್ಲಿ, ಪೂಜಾಸ್ಥಳಗಳಲ್ಲಿ, ಶಾಲಾಕಾಲೇಜುಗಳಲ್ಲಿ, ಶಾಸನಸಭೆಗಳಲ್ಲಿ, ಸಾರ್ವಜನಿಕ ವೇದಿಕೆಗಳಲ್ಲಿ – ಹೀಗೆ ಎಲ್ಲೆಲ್ಲಿ ಮಾತಿನ ಬಳಕೆ ಇರುತ್ತದೆಯೋ ಅಲ್ಲೆಲ್ಲಾ ಮಾತಿನ ಅಪಮಾನ ನಿರಂತವಾಗಿ ನಡೆಯುತ್ತಲೇ ಇರುತ್ತದೆ. ಏಕೆಂದರೆ ನಮಗೆಲ್ಲರಿಗೂ ಮಾತು ಸುಲಭವಾಗಿ ಸಿಕ್ಕಿರುವುದರಿಂದ ಅದರ ಬೆಲೆ ಏನು ಎಂಬುದು ನಮ್ಮ ಗಮನಕ್ಕೆ ಬಾರದಂತಾಗಿದೆ.

. ಮಾತಿನ ಶಕ್ತಿ ಎಂಥದ್ದು ಎಂಬುದನ್ನು ಸುಭಾಷಿತ ಮತ್ತೊಮ್ಮೆ ನಮ್ಮ ಸ್ಮರಣೆಗೆ ತರುತ್ತಿದೆ: ’ಒಳ್ಳೆಯ ಮಾತು ಇಷ್ಟಾರ್ಥವನ್ನು ಕೊಡುತ್ತದೆ; ಅಮಂಗಳವನ್ನು ಹೋಗಲಾಡಿಸುತ್ತದೆ; ಕೀರ್ತಿಯನ್ನು ಉಂಟುಮಾಡುತ್ತದೆ; ಶತ್ರುಗಳನ್ನು ನಾಶಮಾಡುತ್ತದೆ.’ಇಂಥ ಮಾತನ್ನು ಸುಭಾಷಿತ ಕೊನೆಯಲ್ಲಿ ಕಾಮಧೇನು ಎಂದಿದೆ. ಕಾಮಧೇನು ನಾವು ಏನನ್ನು ಕೇಳಿದರೂ ಕೊಡಬಲ್ಲ ದೇವಲೋಕದ ಹಸು. ಎಂದರೆ ನಮಗೆ ಬೇಕಾದ ಎಲ್ಲವನ್ನೂ ನಾವು ನಮ್ಮಮಾತಿನ ಮೂಲಕವೇ ಪಡೆದುಕೊಳ್ಳಬಹುದು ಎಂಬುದು ಇಲ್ಲಿರುವ ಧ್ವನಿ. ಈ ಕಾಮಧೇನುವನ್ನು ಹೇಗೆ ಉಪಚರಿಸಬೇಕು ಎಂಬುದನ್ನೂ ಸುಭಾಷಿತವೇ ಹೇಳಿದೆ; ಎಂದರೆ ನಮ್ಮ ಮಾತು ಹೇಗಿರಬೇಕು ಎಂದರೆ – ಅದು ಸ್ವಚ್ಛವಾಗಿರಬೇಕು, ಶಾಂತವಾಗಿರಬೇಕು, ಒಳ್ಳೆಯದಾಗಿರಬೇಕು. ಮಾತು ಇಂಥ ಗುಣಗಳಿಂದ ಪುಷ್ಟವಾಗಿದ್ದರೆ ಆಗ ಅದು ನಮಗೆ ಬೇಕಾದುದೆಲ್ಲವನ್ನೂ ಕೊಡುವುದುರಲ್ಲಿ ಅಚ್ಚರಿಯೇನಿದೆ, ಅಲ್ಲವೆ?

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ| ಮಾತೆಂಬ ಕಾಮಧೇನು

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ದಿನ ಭವಿಷ್ಯ | ಈ ರಾಶಿಯವರ ವ್ಯವಹಾರಗಳು ಜಯಪ್ರದವಾಗುತ್ತವೆ

ಚುರುಮುರಿ | ಒಳಾರ್ಥ–ಗೂಢಾರ್ಥ!

ಚುರುಮುರಿ | ಬದಲಾವಣೆ ಕ್ರಾಂತಿ!

ಭದ್ರತಾ ಪರಿಸ್ಥಿತಿಯ ಬಗ್ಗೆ ಬಿಸಿಸಿಐ ಕಳವಳ: ಬಾಂಗ್ಲಾ ಪ್ರವಾಸ ಮುಂದೂಡಿಕೆ ಸಾಧ್ಯತೆ

ವಿಶ್ವ ನಂ.1 ಕಾರ್ಲ್‌ಸನ್‌ಗೆ ಸೋಲುಣಿಸಿದ ಗುಕೇಶ್‌

IND vs ENG: ಜೇಮಿ ಸ್ಮಿತ್ 80 ಎಸೆತಗಳಲ್ಲಿ ಶತಕ,ಭಾರತಕ್ಕೆ ಆಂಗ್ಲರ ಪಡೆ ತಿರುಗೇಟು

ಗುಕೇಶ್ ವಿರುದ್ಧ ಸೋಲು; ಚೆಸ್ ಆನಂದಿಸುತ್ತಿಲ್ಲ ಎಂದ ವಿಶ್ವನ ನಂ.1ಆಟಗಾರ ಕಾರ್ಲಸನ್

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ದಿನ ಭವಿಷ್ಯ | ಈ ರಾಶಿಯವರ ವ್ಯವಹಾರಗಳು ಜಯಪ್ರದವಾಗುತ್ತವೆ

ಚುರುಮುರಿ | ಒಳಾರ್ಥ–ಗೂಢಾರ್ಥ!

ಚುರುಮುರಿ | ಬದಲಾವಣೆ ಕ್ರಾಂತಿ!