ದಿನದ ಸೂಕ್ತಿ: ಮಾತಿನ ಪಾಪಗಳು

ಪಾರುಷ್ಯಮನೃತಂ ಚೈವ ಪೈಶುನ್ಯಂ ಚಾಪಿ ಸರ್ವಶಃ ।

. ಅಸಂಬದ್ಧಪ್ರಲಾಪಶ್ಚ ವಾಙ್ಮಯಂ ಸ್ಯಾಚ್ಚತುರ್ವಿಧಮ್ ।।

. ಇದರ ತಾತ್ಪರ್ಯ ಹೀಗೆ:

. ‘ಅಪ್ರಿಯವಾದ ಮಾತು, ಸುಳ್ಳು, ಚಾಡಿ, ಅಸಂಗತವಾದ ಹರಟೆ – ಇವು ನಾಲ್ಕು ಮಾತಿನಿಂದಾಗುವ ಪಾಪಕರ್ಮಗಳು.

. ಮಾತು ಒಳಿತನ್ನೂ ಮಾಡಬಹುದು; ಕೆಡುಕನ್ನೂ ಮಾಡಬಹುದು. ಅದು ಹಲವರ ಜೀವನವನ್ನು ಉದ್ಧಾರಮಾಡುವಂತೆ, ಹಲವರ ಜೀವನವನ್ನು ತೊಂದರೆಗೂ ಒಡ್ಡಬಹುದು. ಒಳಿತನ್ನು ನಾವು ಪುಣ್ಯಕಾರ್ಯ ಎಂದು ಕರೆಯಬಹುದು; ಕೆಡುಕನ್ನು ಪಾಪಕರ್ಮ ಎಂದು ಕರೆಯಬಹುದು. ಸುಭಾಷಿತ ಇಲ್ಲಿ ಹೇಳುತ್ತಿರುವುದು ಮಾತಿನಿಂದ ಆಗುವ ಪಾಪಕರ್ಮಗಳನ್ನು ಕುರಿತು.

. ಮಾತನ್ನು ಪ್ರಿಯವಾಗಿಯೂ ಆಡಬಹುದು, ಅಪ್ರಿಯವಾಗಿಯೂ ಆಡಬಹುದು. ಅಪ್ರಿಯಮಾತನ್ನು ಕೇಳುವವನು ಬೇಸರಕ್ಕೋ ದುಃಖಕ್ಕೋ ತುತ್ತಾಗಬಹುದು; ಅವನು ನೆಮ್ಮದಿಯನ್ನೂ ಕಳೆದುಕೊಳ್ಳಬಹುದು.

. ಸುಳ್ಳು ಏನೆಲ್ಲ ಅನಾಹುತಗಳನ್ನು ಉಂಟುಮಾಡಬಲ್ಲದು ಎಂಬುದನ್ನು ಪಟ್ಟಿಮಾಡುವುದು ಸುಲಭವಲ್ಲ. ಅದು ಕುಟುಂಬಗಳನ್ನು ನಾಶಮಾಡಬಲ್ಲದು, ಸ್ನೇಹ–ಬಾಂಧವ್ಯಗಳನ್ನು ಒಡೆಯಬಹುದು; ಸುಳ್ಳು ಎಂಥವರನ್ನೂ ಮೋಸಮಾಡಬಹುದು. ಸತ್ಯವನ್ನೇ ದೇವರು ಎಂಬ ಹೇಳಿಕೆಗಳು ನಮ್ಮ ಸಂಸ್ಕೃತಿಯಲ್ಲಿ ತುಂಬ ಇವೆ. ಸುಳ್ಳನ್ನು ಯಾವ ನೆಲೆಯಲ್ಲಿ ಕಾಣಲಾಗಿದೆ ಎಂದು ಇದರಿಂದ ಊಹಿಸಬಹುದು. ಹೌದು, ಸುಳ್ಳು ನಿಜವಾಗಿಯೂ ರಾಕ್ಷಸಶಕ್ತಿಯೇ; ಅದರ ಉದ್ದೇಶವೇ ನಾಶ.

. ಚಾಡಿ ಎಂಬ ಮಾತಿನ ದೋಷಕ್ಕೆ ಎರಡು ಆಯಾಮಗಳು ಇರುತ್ತವೆ. ಚಾಡಿಗೆ ಯಾರು ವಸ್ತುವೋ ಮತ್ತು ಯಾರು ಮಾಧ್ಯಮವೋ – ಅವರಿಬ್ಬರೂ ಇದರಿಂದ ಅಪಾಯಕ್ಕೆ ಒಳಗಾಗುತ್ತಾರೆ. ಹೀಗಾಗಿ ಚಾಡಿಯನ್ನು ಕೇಳಲು ಚೆನ್ನಾಗಿರುತ್ತದೆ ಎಂದು ನಾವೇನಾದರೂ ಅದಕ್ಕೆ ಕಿವಿಯನ್ನು ಕೊಟ್ಟರೆ ಅದರ ಮೋಸಕ್ಕೆ ನಾವೂ ತುತ್ತಾಗಬೇಕಾಗುತ್ತದೆ. ಚಾಡಿಕೋರನ ವ್ಯಕ್ತಿತ್ವಕ್ಕೂ ಧೂರ್ತತನಕ್ಕೂ ಹೆಚ್ಚಿನ ವ್ಯತ್ಯಾಸವಿಲ್ಲ. ಹೀಗಾಗಿಯೇ ಸುಭಾಷಿತ ಚಾಡಿಯನ್ನೂ ಪಾಪ ಎಂದೇ ಘೋಷಿಸುತ್ತಿದೆ.

. ಅಸಂಬಂದ್ಧವಾದ ಹರಟೆ. ಬಹುಶಃ ಇದು ನಮ್ಮ ಕಾಲದ ಮಹಾಮಾರಿ ಎಂದೆನಿಸುತ್ತದೆ. ಮಾತಿನ ಅಪಮೌಲ್ಯ ನಮ್ಮ ಕಾಲದಲ್ಲಿ ಧಾರಾಳವಾಗಿ ನಡೆದಿದೆ; ಅದು ಲೋಕಸಭೆ–ವಿಧಾನಸಭೆಗಳಲ್ಲಿರಬಹುದು, ಸಾಮಾಜಿಕ ಜಾಲತಾಣಗಳಿರಬಹುದು, ಟಿವಿ ಮುಂತಾದ ಮಾಧ್ಯಮಗಳಲ್ಲಿರಬಹುದು; ರಾಜಕಾರಣಿಗಳ ಮಾತಾಗಿರಬಹುದು, ಸ್ನೇಹಿತರ ಸಂಭಾಷಣೆ ಆಗಿರಬಹುದು – ಅಸಂಬಧ್ಧವಾದ ಹರಟೆ ಎಲ್ಲೆಲ್ಲೂ ಮಿಂಚುತ್ತಿರುತ್ತದೆ. ಇದರಿಂದ ಶಕ್ತಿಹ್ರಾಸ ಮಾತ್ರವಲ್ಲ, ಬುದ್ಧಿವೈಕಲ್ಯವೂ ಒದಗಬಹುದು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ಮಾತಿನ ಪಾಪಗಳು

ಚಿನಕುರುಳಿ | ಬುಧವಾರ, 16 ಜುಲೈ 2025

ಚುರುಮುರಿ | ಶಕ್ತಿ ಸಂಭ್ರಮ

ದಿನ ಭವಿಷ್ಯ | ಸದ್ಯಕ್ಕೆ ವೃತ್ತಿಯ ಬದಲಾವಣೆಯ ಯೋಚನೆ ಸರಿಯಲ್ಲ

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಐಸಿಸಿ ಟೆಸ್ಟ್‌ ರ್‍ಯಾಂಕಿಂಗ್‌: ಅಗ್ರಸ್ಥಾನದಲ್ಲಿ ಜೋರೂಟ್‌, ಬೂಮ್ರಾ, ಜಡೇಜ

Maharaja Trophy 2025 | ಹುಬ್ಬಳ್ಳಿ ಟೈಗರ್ಸ್‌ ಬಳಗಕ್ಕೆ ದೇವದತ್ತ

ಕೊನೆ ಬ್ಯಾಟರ್ ಔಟಾದಾಗ ಹೇಗನಿಸಿತು: ಭಾರತ ತಂಡಕ್ಕೆ ಕಿಂಗ್ಸ್‌ ಚಾರ್ಲ್ಸ್‌ ಪ್ರಶ್ನೆ

2028ರ ಒಲಿಂಪಿಕ್ಸ್‌: ಕ್ರಿಕೆಟ್‌ ವೇಳಾಪಟ್ಟಿ ಪ್ರಕಟ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಬುಧವಾರ, 16 ಜುಲೈ 2025

ಚುರುಮುರಿ | ಶಕ್ತಿ ಸಂಭ್ರಮ

ದಿನ ಭವಿಷ್ಯ | ಸದ್ಯಕ್ಕೆ ವೃತ್ತಿಯ ಬದಲಾವಣೆಯ ಯೋಚನೆ ಸರಿಯಲ್ಲ

ಚಿನಕುರುಳಿ | ಮಂಗಳವಾರ, 15 ಜುಲೈ 2025