ಪಿಪಿಇ ಕಿಟ್ ಧರಿಸಿ ಶವ ಸಾಗಿಸಿದರು!

ಅಧಿಕ ಮಧುಮೇಹದಿಂದ (ಹೈಶುಗರ್) ಬಳಲುತ್ತಿದ್ದ ಮಹಿಳೆ ಶನಿವಾರ ಮನೆಯಲ್ಲಿಯೇ ಮೃತಪಟ್ಟಿದ್ದರು. ಕೋವಿಡ್ ಶಂಕೆಯಿಂದ ಅವರ ಗಂಟಲು ದ್ರವ ಮಾದರಿಯನ್ನು ಪರೀಕ್ಷೆಗೆ ಕಳುಹಿಸಲಾಗಿತ್ತು. ಇನ್ನೂ ವರದಿ ಬರಬೇಕಿದ್ದ ಕಾರಣ ಮುಂಜಾಗರೂಕತಾ ಕ್ರಮವಾಗಿ ಆರೋಗ್ಯ ಇಲಾಖೆ ಸಿಬ್ಬಂದಿ ಪಿಪಿಇ ಕಿಟ್ ಧರಿಸಿ ಹೆಗಲ ಮೇಲೆ ಶವ ಹೊತ್ತುಕೊಂಡು ಶವ ಸಂಸ್ಕಾರ ಸ್ಥಳಕ್ಕೆ ಕೊಂಡೊಯ್ದರು.

ಮಾಸ್ಕ್ ಹಾಗೂ ಹ್ಯಾಂಡ್‌ಗ್ಲೌಸ್ ಧರಿಸಿದ್ದ ಮೃತ ಮಹಿಳೆಯ ಕುಟುಂಬದವರು ಹಿಂದೆಯೇ ಸಾಗಿದರು. ಶವ ಸಂಸ್ಕಾರದ ವೇಳೆ ದೂರದಲ್ಲಿಯೇ ನಿಂತು ಪ್ರಕ್ರಿಯೆಗಳ ವೀಕ್ಷಿಸಿದರು.