ರಾಂಪುರ: ಕಣ್ಮನ ಸೆಳೆಯುವ ಮಳೆಗಾಲದ ಜಲಧಾರೆ

ಮೂರ್ನಾಲ್ಕು ದಿನ ಮಳೆ ಸುರಿದರೆ ಈ ಬೆಟ್ಟದಲ್ಲಿರುವ ವಿವಿಧ ಹೆಸರಿನ ದಿಡುಗುಗಳು ಜಲಪಾತದಂತೆ ಹರಿದು ಸೊಬಗನ್ನು ಸೃಷ್ಟಿಸಿ ಜನರನ್ನು ಆಕರ್ಷಿಸುತ್ತವೆ. ಮೂರು ದಿನಗಳಿಂದ ಜಲಧಾರೆಯ ವೈಭವ ವೀಕ್ಷಿಸಿಲು ಶಿರೂರಿನ ಸ್ಥಳಿಯರಲ್ಲದೇ ಸುತ್ತಲಿನ ಗ್ರಾಮಗಳ ಜನ ತಂಡೋಪ ತಂಡವಾಗಿ ಬರುತ್ತಿದ್ದಾರೆ.

ಮೈದುಂಬಿ ಹರಿಯುತ್ತಿರುವ ಬೈರಪ್ಪನಪಡಿ, ಜೋಕುಮಾರಸ್ವಾಮಿ ಪಡಿ, ಬೆಣ್ಣೆ ದಿಡುಗುಗಳು ಆಕರ್ಷಣೀಯ ಕಿರು ಜಲಪಾತಗಳಾಗಿದ್ದು, ಮಕ್ಕಳು ನೀರಿನ ಝರಿಯಲ್ಲಿ ಮಿಂದು ಆನಂದಪಡುತ್ತಿದ್ದಾರೆ. ಭಾನುವಾರ ಈ ಕಿರು ಜಲಪಾತಗಳ ವೈಭವವನ್ನು ಹೆಚ್ಚಿನ ಸಂಖ್ಯೆಯ ಜನ ಕಣ್ತುಂಬಿಕೊಂಡರು. ಈ ಝರಿಗಳಲ್ಲಿ ಹರಿದು ಬರುವ ನೀರು ಬೆಟ್ಟದ ಕೆಳಗಿರುವ ಸಣ್ಣ ಕೆರೆ ಸೇರುತ್ತಿದೆ.