ಸಫಾರಿ ವಾಹನದ ಮೇಲೆ ಹುಲಿ ದಾಳಿ: ದೃಶ್ಯ ವೈರಲ್‌

ಆನೇಕಲ್: ಬನ್ನೇರುಘಟ್ಟ ಜೈವಿಕ ಉದ್ಯಾನದಲ್ಲಿ ಹುಲಿಯೊಂದು ಸಫಾರಿ ವಾಹನದ ಮೇಲೆ ದಾಳಿ ಮಾಡುತ್ತಿರುವ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

. ಜೈವಿಕ ಉದ್ಯಾನದ ಹುಲಿಧಾಮಕ್ಕೆ ಸಫಾರಿ ವಾಹನ ತೆರಳಿದ ಸಂದರ್ಭದಲ್ಲಿ ಸಫಾರಿಯಲ್ಲಿನ ಬೆಂಗಾಲ್ ಟೈಗರ್ ವಾಹನದೆಡೆಗೆ ಜಿಗಿದು ಬಂಪರ್ನ್ನು ಕೀಳುವ ಪ್ರಯತ್ನ ನಡೆಸಿದೆ.

. ಇದರಿಂದಾಗಿ ವಾಹನದಲ್ಲಿದ್ದ ಪ್ರವಾಸಿಗರು ಭಯಗೊಂಡಿದ್ದಾರೆ. ಕೆಲಕಾಲ ಆತಂಕ ಉಂಟಾಗಿತ್ತು. ಜೀಪಿನ ಹಿಂಭಾಗದ ಬಂಪರ್ನ್ನು ಕಚ್ಚಿ ಕಿತ್ತುಹಾಕುವ ಪ್ರಯತ್ನ ಮಾಡಿತು.

. ಮತ್ತೊಂದು ಸಫಾರಿ ವಾಹನದಲ್ಲಿದ್ದ ಪ್ರವಾಸಿಗರು ಈ ದೃಶ್ಯವನ್ನು ಸೆರೆ ಹಿಡಿದಿದ್ದಾರೆ.

. ಕೆಲವೊಮ್ಮೆ ಹುಲಿಗಳು ಕೋಪಗೊಂಡಾಗ ಈ ರೀತಿ ವರ್ತಿಸುತ್ತವೆ ಎಂದು ಉದ್ಯಾನದ ಮೂಲಗಳು ತಿಳಿಸಿವೆ.

. ಈ ದೃಶ್ಯ ಕೆಲ ತಿಂಗಳುಗಳ ಹಿಂದೆ ನಡೆದಿದೆ ಎಂದು ಹೇಳಲಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.