ಬೇಸಿಗೆಗೂ ಮುನ್ನವೇ ಮೇವಿಗೆ ಪರದಾಟ: ಆಹಾರ ಒದಗಿಸಲಾಗದೆ ಹಸು ಮಾರುತ್ತಿರುವ ರೈತರು

‘ಜಿಲ್ಲೆಯಲ್ಲಿ ನೀರಾವರಿ ಹೊಂದಿರುವ ರೈತರಿಗೆ ಈಗಾಗಲೇ ಮೇವಿನ ಬೀಜ ವಿತರಣೆ ಮಾಡಿದ್ದೇವೆ. ಮೇವು ಬರುತ್ತಿದೆ. 42476 ರೈತರಿಗೆ ಮೇವಿನ ಬೀಜಗಳ ಮಿನಿ ಕಿಟ್ ವಿತರಣೆ ಮಾಡಿದ್ದೇವೆ. 56513 ಹೆಕ್ಟೇರ್ ಪ್ರದೇಶದಲ್ಲಿ ರೈತರು ರಾಗಿ ಬೆಳೆದಿದ್ದು ಅದರಿಂದ ಹುಲ್ಲು ಲಭ್ಯವಿದೆ. 56 ಹೆಕ್ಟೇರ್ ಮುಸುಕಿನ ಜೋಳ 61 ಹೆಕ್ಟೇರ್ ಭತ್ತ ಬೆಳೆದಿದ್ದು ಮೇವು ಸಿಗುತ್ತಿದೆ. 37 ವಾರಗಳಿಗೆ ಸರಿಹೊಂದುವಷ್ಟು ಮೇವು ಇದೆ. ಭೂ ರಹಿತ ರೈತರಿಗೆ ಅಗತ್ಯಬಿದ್ದರೆ ಮೇವು ಒದಗಿಸಲು ಜಿಲ್ಲಾ ಉಸ್ತುವಾರಿ ಸಚಿವ ಕೆ.ಎಚ್.ಮುನಿಯಪ್ಪ ಅವರು ಸೂಚಿಸಿರುವಂತೆ ಟೆಂಡರ್ ನಡೆಸಲು ಸಿದ್ಧ ಮಾಡಿಕೊಂಡಿದ್ದೇವೆ ಎಂದು ಪಶು ಪಾಲನಾ ಇಲಾಖೆ ಉಪನಿರ್ದೇಶಕ ಜಗದೀಶ್ ತಿಳಿಸಿದರು.