ದೊಡ್ಡಬಳ್ಳಾಪುರ: ಲಾರಿ ಟೈರ್‌ ಸಿಡಿದು ಸಂಚಾರ ದಟ್ಟಣೆ

ದೊಡ್ಡಬಳ್ಳಾಪುರ: ಲಾರಿಯೊಂದರ ಟೈರ್ ಸಿಡಿದು ರಸ್ತೆ ಮಧ್ಯದಲ್ಲೇ ನಿಂತಿದ್ದರಿಂದ ಇತರೆ ವಾಹನಗಳು ತೆರಳಲು ಸಾಧ್ಯವಾಗದೆ ದೊಡ್ಡಬಳ್ಳಾಪುರ-ಚಿಕ್ಕಬಳ್ಳಾಪುರ ರಸ್ತೆಯ ನಂದಿ ಮೋರಿ ಬಳಿ ಒಂದೂವರೆ ಗಂಟೆ ಕಾಲ ಸಂಚಾರ ಅಸ್ತವ್ಯಸ್ತಗೊಂಡಿತು.

ಕಲ್ಲಿನ ಬಂಡೆಗಳನ್ನು ತುಂಬಿಕೊಂಡು ಹೋಗುತ್ತಿದ್ದ ಲಾರಿಯ ಟೈರ್ ಸಿಡಿದು ಹೋಗಿದ್ದರಿಂದ ರಸ್ತೆಯಲ್ಲಿಯೇ ನಿಲ್ಲುವಂತಾಗಿತ್ತು.

ಈ ಸ್ಥಳದಲ್ಲಿ ರಸ್ತೆ ಅತ್ಯಂತ ಕಿರಿದಾಗಿದೆ. ಇದು ಸಹ ಸಂಚಾರ ದಟ್ಟಣೆ ಹೆಚ್ಚಾಗಲು ಕಾರಣವಾಗಿತ್ತು. ಪೊಲೀಸರು ಸಂಚಾರ ದಟ್ಟಣೆ ನಿಯಂತ್ರಿಸಲು ಹರಸಾಹಸಪಟ್ಟರು.

ಈ ಮಾರ್ಗವಾಗಿ ವಿವಿಧೆಡೆಗೆ ತೆರಳಲು ವಾಹನಗಳಲ್ಲಿ ಹೊರಟಿದ್ದರು ತೊಂದರೆ ಅನುಭವಿಸಿದರು. ಲಾರಿಗೆ ಹಿಡಿಶಾಪ
ಹಾಕಿದರು.