ಬೆಳಗಾವಿಯಲ್ಲಿ ಬೆನಕನ ‘ಬೆಳಕು’: ಮೂರ್ತಿಗಳ ಅಂದ ನೋಡಲು ತಂಡೋಪತಂಡವಾಗಿ ಬಂದ ಜನ

ನಗರವೂ ಸೇರಿದಂತೆ ಜಿಲ್ಲೆಯ ಎಲ್ಲ ಕಡೆ ಮನೆ–ಮನೆಗಳಲ್ಲಿ ವಿಘ್ನ ನಿವಾರಕನ ಮೂರ್ತಿ ಪ್ರತಿಷ್ಠಾಪನೆ ಮಾಡಲಾಗಿದೆ. ಆಗಸ್ಟ್‌ 27ರಂದು ಪ್ರತಿಷ್ಠಾಪನೆ ಮಾಡಿದ ಮೂರ್ತಿಗಳನ್ನು ಐದು ದಿನಗಳ ಬಳಿಕ ಅಂದರೆ; ಆ.31ರಂದು ವಿಸರ್ಜನೆ ಮಾಡಲಾಯಿತು. ಮನೆಯ ಸದಸ್ಯರೆಲ್ಲ ವಾದ್ಯಮೇಳಗಳ ಸಮೇತ ಹೊಂಡಗಳ ಬಳಿ ಬಂದು ಮೂರ್ತಿ ವಿಸರ್ಜನೆ ಮಾಡಿದರು. ಹಳ್ಳಿಗಳ ಜನ ಕೆರೆ ಬಾವಿಗಳಲ್ಲಿ ಹಾಕಿದರು. ಮತ್ತೆ ಕೆಲವು ಕಡೆ ತಾತ್ಕಾಲಿಕ ಹೊಂಡಗಳನ್ನು ಮಾಡಿದ್ದು ಅದರಲ್ಲಿಯೇ ವಿಸರ್ಜನೆ ಮಾಡಲು ಅನುಕೂಲ ಮಾಡಿ ಕೊಡಲಾಯಿತು. ಎಲ್ಲೆಡೆ ಪಟಾಕಿಗಳ ಸದ್ದು ನಿರಂತರವಾಗಿತ್ತು.