ವಿಶ್ವ ಕಾಫಿ ಸಮ್ಮೇಳನ: ಪುಡಿ ತ್ಯಾಜ್ಯದಿಂದ ತೈಲೋತ್ಪಾದನೆ

ಬೆಂಗಳೂರು: ಕಾಫಿ ಪುಡಿಯಿಂದ ಡಿಕಾಕ್ಷನ್ ತಯಾರಿಸಿದ ಮೇಲೆ ಉಳಿಯುವ ತ್ಯಾಜ್ಯ(ಚರಟ)ವನ್ನು ಹೋಟೆಲ್, ರೆಸ್ಟೋರೆಂಟ್ಗಳು, ಮನೆಗಳಲ್ಲಿ ಸಹಜವಾಗಿ ಹೊರಕ್ಕೆ ಎಸೆಯಲಾಗುತ್ತದೆ. ಇಲ್ಲವೇ ತೋಟದಲ್ಲಿರುವ ಗಿಡಗಳಿಗೆ ಗೊಬ್ಬರವಾಗಿ ಬಳಸುತ್ತಾರೆ. ಆದರೆ, ಕೋಲ್ಕತ್ತದ ಮಿತ್ರಾ ಎಂಬುವರು ಆ ತ್ಯಾಜ್ಯವನ್ನೇ ಬಳಸಿ ಕಾಫಿ ತೈಲ(ಎಣ್ಣೆ) ಸಂಶೋಧಿಸಿ ಮಾರುಕಟ್ಟೆಗೆ ಪರಿಚಯಿಸಿದ್ದಾರೆ.

. ಈ ತೈಲವನ್ನು ಚರ್ಮಕ್ಕೆ ಲೇಪಿಸುವುದರಿಂದ ಕಾಂತಿ ವೃದ್ಧಿಸಲಿದೆ. ಜತೆಗೆ, ತಲೆಗೆ ಹಚ್ಚುವುದರಿಂದ ಕೂದಲು ಸೊಂಪಾಗಿ ಬೆಳೆಯಲು ಸಹಕಾರಿಯಾಗಲಿದೆ. ವಿಟಮಿನ್–ಇ ಹೆಚ್ಚಲಿದೆ ಎಂದು ಹೇಳುತ್ತಾರೆ ಮಿತ್ರಾ. ಅವರು ‘ಕಫಾ ಕುವಾ ಕಂಪನಿ’ ಸ್ಥಾಪಿಸಿ, ಈ ಕಾಫಿ ಪುಡಿಯ ತ್ಯಾಜ್ಯವನ್ನು ಮೌಲ್ಯವರ್ಧನೆ ಮಾಡಿ ಮಾರಾಟ ಮಾಡುತ್ತಿದ್ದಾರೆ.

. ನಗರದ ಅರಮನೆ ಆವರಣದಲ್ಲಿ ಆರಂಭವಾಗಿರುವ 5ನೇ ವಿಶ್ವ ಕಾಫಿ ಸಮ್ಮೇಳನದ ವಸ್ತು ಪ್ರದರ್ಶನದ ನವೋದ್ಯಮ ವಿಭಾಗದಲ್ಲಿ ಈ ತೈಲ ಗಮನ ಸೆಳೆಯುತ್ತಿದೆ. ಈ ಉತ್ಪನ್ನಕ್ಕೆ ಅರೇಬಿಕಾ ಅಬ್ಸಲ್ಯೂಟ್ ಎಂಬ ಹೆಸರಿನಲ್ಲಿ ಮಾರುಕಟ್ಟೆಗೆ ಪರಿಚಯಿಸಲಾಗಿದೆ.

. ‘ಕಾಫಿ ಪುಡಿಯನ್ನು ಬಳಸಿದ ಮೇಲೆ ಸಹಜವಾಗಿ ಅದು ನಿಷ್ಪ್ರಯೋಜಕ ಎಂದು ಎಸೆಯುತ್ತೇವೆ. ಅದನ್ನು ಸಂಗ್ರಹಿಸಿ, ಅದರಲ್ಲಿನ ನೀರಿನ ಅಂಶವನ್ನು ಹೊರಹಾಕಿ ಎಣ್ಣೆ ತೆಗೆಯಲಾಗುತ್ತಿದೆ. 10 ಕೆ.ಜಿ ತ್ಯಾಜ್ಯ ಬೇಯಿಸಿದರೆ 300ರಿಂದ 500 ಎಂ.ಎಲ್ನಷ್ಟು ತೈಲ ಬರುತ್ತದೆ. ಕೆಲವು ಬಾರಿ ವ್ಯತ್ಯಾಸ ಆಗಲಿದೆ. ಅದನ್ನು ಸಣ್ಣ ಬಾಟಲ್ಗಳಿಗೆ ತುಂಬಿ ಮಾರಾಟ ಮಾಡುತ್ತಿದ್ದೇವೆ’ ಎಂದು ಮಿತ್ರಾ ಹೇಳುತ್ತಾರೆ.

. ‘ಈ ತೈಲವನ್ನು ಬಳಸುವುದರಿಂದ ದೇಹಕ್ಕೆ ಹಾನಿ ಇಲ್ಲ. ತಲೆಯ ಕೂದಲ ಕಾಂತಿ ಹೆಚ್ಚಲಿದೆ. ಕೂದಲು ಉದುರುವಿಕೆ ಕಡಿಮೆಯಾಗಲಿದೆ. ಬಿಸಿಲಿನ ತಾಪವನ್ನು ತಡೆದುಕೊಳ್ಳುವ ಶಕ್ತಿಯೂ ಬರಲಿದೆ. ಇದು ಶುದ್ಧ ನೈಸರ್ಗಿಕ ಎಣ್ಣೆ’ ಎಂದು ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.

. ‘ಚರಟವನ್ನೇ ಸಂಸ್ಕರಿಸಿ ರೋಲ್ ಆನ್ ಅಬ್ಸಲ್ಯೂಟ್ ಎಂಬ ಉತ್ಪನ್ನ ಸಹ ತಯಾರಿಸಲಾಗಿದೆ. ಈ ಎಣ್ಣೆಯನ್ನು ಕಾಲಿನ ಹಿಮ್ಮಡಿ ಭಾಗದಲ್ಲಿ ಉಂಟಾಗುವ ಬಿರುಕುಗಳಿಗೆ ಬಳಸಬಹುದು. ಇದು ಹಿಮ್ಮಡಿ ನೋವಿಗೆ ರಾಮಬಾಣ’ ಎಂದು ಹೇಳಿದರು.

. ‘ವಿವಿಧ ಅಳತೆಯ ಬಾಟಲಿಗಳಿಗೆ ₹ 432ರಿಂದ ₹ 550ರ ವರೆಗೆ ದರವಿದೆ. ಎರಡೂ ಉತ್ಪನ್ನಕ್ಕೆ ಪೇಟೆಂಟ್ ಲಭಿಸಿದೆ. ಬೇಡಿಕೆ ಹೆಚ್ಚಿದರೆ ಮಾರುಕಟ್ಟೆ ವಿಸ್ತರಿಸುವ ಆಲೋಚನೆಯಿದೆ. ಎಲ್ಲವೂ ಪರಿಸರ ಸ್ನೇಹಿ ಉತ್ಪನ್ನಗಳು. ತೈಲ ತೆಗೆದ ಮೇಲೆ ಉಳಿಯುವ ಪದಾರ್ಥವನ್ನು ಉರುವಲಾಗಿ ಬಳಸುತ್ತಿದ್ದೇವೆ. ಅದನ್ನೂ ಪ್ಯಾಕೆಟ್ ಮಾಡಿ ಮಾರಾಟ ಮಾಡುತ್ತಿದ್ದೇವೆ’ ಎಂದು ಹೇಳಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಶ್ವ ಕಾಫಿ ಸಮ್ಮೇಳನ: ಪುಡಿ ತ್ಯಾಜ್ಯದಿಂದ ತೈಲೋತ್ಪಾದನೆ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಗಳಿಗೆ ಸಮಾನ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’