ಗುರುವಾರ , ಏಪ್ರಿಲ್ 22, 2021
30 °C

ಆಕಾಶವಾಣಿ: ಕವಿ–ಕಾವ್ಯ ಸರಣಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಕನ್ನಡ ಕಾಯಕ ವರ್ಷದ ಅಂಗವಾಗಿ ಬೆಂಗಳೂರು ಆಕಾಶವಾಣಿ ಕೇಂದ್ರವು ‘ಕುಕಿಲ್ವ ಕೋಗಿಲೆಯೇ ಪಾಡುವ ತುಂಬಿಯೇ’ ಎಂಬ ಶೀರ್ಷಿಕೆಯಡಿ ಕನ್ನಡ ಕವಿ–ಕಾವ್ಯ ಪರಂಪರಾ ಸರಣಿ ಆರಂಭಿಸಲಿದೆ.

ಕನ್ನಡ ಕಾವ್ಯದ ವಿವಿಧ ಕಾಲ ಘಟ್ಟಗಳನ್ನು ನಾಡಿನ ಕೇಳುಗರಿಗೆ ಪರಿಚಯಿಸುವ ಈ ವಿಶೇಷ ಕಾರ್ಯಕ್ರಮ ಇದೇ 17ರಿಂದ ಜೂನ್ 9ರವರೆಗೆ ಪ್ರತಿ ಬುಧವಾರ ಬೆಳಿಗ್ಗೆ 9.05ಕ್ಕೆ ರಾಜ್ಯದ ಎಲ್ಲ ಬಾನುಲಿ ಕೇಂದ್ರಗಳಿಂದ ಪ್ರಸಾರವಾಗಲಿದೆ ಎಂದು ಆಕಾಶವಾಣಿ ಬೆಂಗಳೂರು ಕೇಂದ್ರದ ನಿರ್ದೇಶಕಿ ನಿರ್ಮಲಾ ಸಿ.ಎಲಿಗಾರ ತಿಳಿಸಿದ್ದಾರೆ.

ಶ್ರೀವಿಜಯ, ಪಂಪ, ರನ್ನ, ಕುಮಾರವ್ಯಾಸ, ಕುವೆಂಪು, ಬೇಂದ್ರೆ ಜತೆಗೆ ಇತ್ತೀಚಿನವರಾದ ಎಂ. ರಾಘವೇಂದ್ರರಾವ್, ಆರ್. ಶಂಕರನಾರಾಯಣ ಅವರ ವರೆಗಿನ ಹಲವು ಆಯ್ದ ಕವಿಗಳು ಹಾಗೂ ಅವರ ಪ್ರಮುಖ ಕಾವ್ಯಗಳ ಪರಿಚಯ ಈ ಸರಣಿಯ ಉದ್ದೇಶ. ಹಿರಿಯ ವಿದ್ವಾಂಸರು, ವಿಮರ್ಶಕರು ಕವಿ-ಕಾವ್ಯಗಳ ವಿವರವನ್ನು ಸಂಕ್ಷಿಪ್ತವಾಗಿ ಕೇಳುಗರಿಗೆ ಕಟ್ಟಿ ಕೊಡಲಿದ್ದಾರೆ.

ಒಟ್ಟಾರೆ 13 ಕಾರ್ಯಕ್ರಮಗಳ ಈ ಸರಣಿಯ ಪ್ರಾಯೋಜನೆಯನ್ನು ಬೆಂಗಳೂರಿನ ಗಮಕ-ಶಂಕರ ಸಂಸ್ಥೆ ಹೊತ್ತು ಕೊಂಡಿದೆ. ನಿಲಯದ ಕಾರ್ಯಕ್ರಮ ನಿರ್ವಾಹಕ ಶರಣಬಸವ ಚೋಳಿನ ಈ ಸರಣಿಯ ನಿರ್ಮಾಣ ಜವಾಬ್ದಾರಿ ನಿರ್ವಹಿಸಲಿದ್ದಾರೆ. 

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು