ಬೆಂಗಳೂರು: ಬೆಂಗಳೂರು ಲಿಟೇರಚರ್ ಫೆಸ್ಟ್(ಬಿಎಲ್ಎಫ್) ಸಮಿತಿ ಆಯೋಜಿಸುವ ಬೆಂಗಳೂರು ಸಾಹಿತ್ಯೋತ್ಸವದ 12ನೇ ಆವೃತ್ತಿ ಶನಿವಾರದಿಂದ ಆರಂಭವಾಗಲಿದೆ.
ನಗರದ ಹೋಟೆಲ್ ಲಲಿತ್ ಅಶೋಕ್ನಲ್ಲಿ ಎರಡು (ಡಿ.2 ಮತ್ತು 3) ದಿನ ನಡೆಯಲಿರುವ ಸಾಹಿತ್ಯ ಉತ್ಸವದಲ್ಲಿ ಇತಿಹಾಸ, ಪುರಾಣಗಳಿಂದ ಹಿಡಿದು ಕಲೆ, ಸಂಗೀತ, ಸ್ತ್ರೀವಾದ, ಸಿನಿಮಾ, ತಂತ್ರಜ್ಞಾನ, ಆಹಾರ ಮತ್ತು ಕ್ರೀಡಾ ವಿಷಯಗಳು, ಕಥೆ, ಕವಿತೆ, ಸಮಕಾಲೀನ ವಿಚಾರಗಳ ಕುರಿತು, ವಿಚಾರ ಮಂಡನೆ, ಚರ್ಚೆ, ಸಂವಾದಗಳು ನಡೆಯಲಿವೆ. ಹಿಂದಿನ ಆವೃತ್ತಿಗಳಲ್ಲಿದ್ದಂತೆ ಅನುವಾದ, ಭಾರತೀಯ ಭಾಷೆಗಳು ಮತ್ತು ಕವಿತೆಗಳಿಗೆ ಒತ್ತು ನೀಡಲಾಗಿದೆ. ಪ್ರಕಾಶನ ಉದ್ಯಮ, ಮಾಧ್ಯಮ ಮತ್ತು ಆರ್ಥಿಕತೆಯ ಬಗ್ಗೆಯೂ ಚರ್ಚೆಗಳು ನಡೆಯಲಿವೆ.