<p><strong>ಬೆಂಗಳೂರು</strong>: ಉದ್ಯಾನನಗರಿಯಲ್ಲಿ ಈ ವರ್ಷದ ‘ಬೆಂಗಳೂರು ಬೇಸಿಗೆ ರೇಸ್’ಗಳು ಶನಿವಾರದಿಂದ ಆರಂಭವಾಗಲಿವೆ. ಈ ಬಾರಿ ಒಟ್ಟು 24 ರೇಸ್ ದಿನಗಳನ್ನು ನಿಗದಿಪಡಿಸಲಾಗಿದೆ. ಈ ಋತುವು ಆಗಸ್ಟ್ 1ರಂದು ಮುಕ್ತಾಯಗೊಳ್ಳಲಿದೆ.</p>.<p>ಗುರುವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಬೆಂಗಳೂರು ಟರ್ಫ್ ಕ್ಲಬ್ ಅಧ್ಯಕ್ಷ ಹಾಗೂ ಹಿರಿಯ ಸ್ಟೀವರ್ಡ್ ಆರ್.ಮಂಜುನಾಥ್ ರಮೇಶ್, ‘ಟ್ರೋಫಿಗಳು ಸೇರಿದಂತೆ ಒಟ್ಟು ಬಹುಮಾನದ ಮೊತ್ತಕ್ಕೆ ಸುಮಾರು ₹18 ಕೋಟಿ ವಿನಿಯೋಗವಾಗಲಿದೆ’ ಎಂದರು. </p>.<p>‘ಪ್ರತಿಷ್ಠಿತ ಎಚ್.ಪಿ.ಎಸ್.ಎಲ್ ಬೆಂಗಳೂರು ಬೇಸಿಗೆ ಡರ್ಬಿ ರೇಸ್ ಜುಲೈ 13ರಂದು ನಡೆಯಲಿದೆ. ಎಚ್.ಪಿ.ಎಸ್.ಎಲ್ ಸಂಸ್ಥೆಯ ಸುರೇಶ್ ಪಾಲಡುಗು ಅವರು ಡರ್ಬಿಯನ್ನು ಪ್ರಾಯೋಜಿಸುತ್ತಿದ್ದಾರೆ. ಡರ್ಬಿಯ ಒಟ್ಟು ಬಹುಮಾನದ ಮೊತ್ತ ಸುಮಾರು ₹2 ಕೋಟಿ ಇದ್ದು, ಬಿಟಿಸಿ ಮತ್ತು ಎಚ್.ಪಿ.ಎಸ್.ಎಲ್ ಸಂಸ್ಥೆಯು ತಲಾ ₹1 ಕೋಟಿ ನೀಡಲಿವೆ’ ಎಂದು ಅವರು ತಿಳಿಸಿದರು.</p>.<p>‘ಇತರೆ ಪ್ರಮುಖ ರೇಸ್ಗಳನ್ನು ಪ್ರಾಯೋಜಿಸಲು ಕೆಲವು ಸಂಸ್ಥೆಗಳು ಹಾಗೂ ವ್ಯಕ್ತಿಗಳು ಆಸಕ್ತಿ ತೋರಿವೆ. ಅವುಗಳಲ್ಲಿ ಡಾರಿಯಸ್ ಬೈರಾಮ್ಜಿ, ಹೂವ್ಸ್ ಓ ಸ್ಟೀಲ್ ಮಿಲಿಯನ್, ಕೊರೊಮಂಡಲ್ ಗ್ರೊಮೊರ್ ಮತ್ತು ಫೈವ್ ಸ್ಟಾರ್ ಶಿಪ್ಪಿಂಗ್ ಕಂಪನಿ ಪ್ರಮುಖರಾಗಿದ್ದಾರೆ’ ಎಂದರು.</p>.<p>ಈ ಅವಧಿಯಲ್ಲಿ ಸುಮಾರು 168 ರೇಸ್ಗಳು ನಡೆಯಲಿವೆ ಎಂದು ಅಂದಾಜಿಸಲಾಗಿದೆ. ಇತರೆ ರೇಸ್ ಕೇಂದ್ರಗಳಿಂದ ಬಂದಿರುವ ಸುಮಾರು 30 ಟ್ರೈನರ್ಗಳ ತರಬೇತಿಯಲ್ಲಿರುವ ಹೊರಪ್ರದೇಶದ 202 ಕುದುರೆಗಳು ಸೇರಿದಂತೆ ಒಟ್ಟು 799 ಅಶ್ವಗಳು ಸ್ಫರ್ಧಿಸಬಹುದು ಎಂದು ನಿರೀಕ್ಷಿಸಲಾಗಿದೆ.</p>.<p>ಇದೇ ಮೊದಲ ಬಾರಿಗೆ 1300 ಮತ್ತು 1500 ಮೀಟರ್ಸ್ ರೇಸ್ಗಳನ್ನು ಪ್ರಾಯೋಗಿಕವಾಗಿ ನಡೆಸಲಾಗುತ್ತಿದೆ ಎಂದು ಆರ್.ಮಂಜುನಾಥ್ ರಮೇಶ್ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ಉದ್ಯಾನನಗರಿಯಲ್ಲಿ ಈ ವರ್ಷದ ‘ಬೆಂಗಳೂರು ಬೇಸಿಗೆ ರೇಸ್’ಗಳು ಶನಿವಾರದಿಂದ ಆರಂಭವಾಗಲಿವೆ. ಈ ಬಾರಿ ಒಟ್ಟು 24 ರೇಸ್ ದಿನಗಳನ್ನು ನಿಗದಿಪಡಿಸಲಾಗಿದೆ. ಈ ಋತುವು ಆಗಸ್ಟ್ 1ರಂದು ಮುಕ್ತಾಯಗೊಳ್ಳಲಿದೆ.</p>.<p>ಗುರುವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಬೆಂಗಳೂರು ಟರ್ಫ್ ಕ್ಲಬ್ ಅಧ್ಯಕ್ಷ ಹಾಗೂ ಹಿರಿಯ ಸ್ಟೀವರ್ಡ್ ಆರ್.ಮಂಜುನಾಥ್ ರಮೇಶ್, ‘ಟ್ರೋಫಿಗಳು ಸೇರಿದಂತೆ ಒಟ್ಟು ಬಹುಮಾನದ ಮೊತ್ತಕ್ಕೆ ಸುಮಾರು ₹18 ಕೋಟಿ ವಿನಿಯೋಗವಾಗಲಿದೆ’ ಎಂದರು. </p>.<p>‘ಪ್ರತಿಷ್ಠಿತ ಎಚ್.ಪಿ.ಎಸ್.ಎಲ್ ಬೆಂಗಳೂರು ಬೇಸಿಗೆ ಡರ್ಬಿ ರೇಸ್ ಜುಲೈ 13ರಂದು ನಡೆಯಲಿದೆ. ಎಚ್.ಪಿ.ಎಸ್.ಎಲ್ ಸಂಸ್ಥೆಯ ಸುರೇಶ್ ಪಾಲಡುಗು ಅವರು ಡರ್ಬಿಯನ್ನು ಪ್ರಾಯೋಜಿಸುತ್ತಿದ್ದಾರೆ. ಡರ್ಬಿಯ ಒಟ್ಟು ಬಹುಮಾನದ ಮೊತ್ತ ಸುಮಾರು ₹2 ಕೋಟಿ ಇದ್ದು, ಬಿಟಿಸಿ ಮತ್ತು ಎಚ್.ಪಿ.ಎಸ್.ಎಲ್ ಸಂಸ್ಥೆಯು ತಲಾ ₹1 ಕೋಟಿ ನೀಡಲಿವೆ’ ಎಂದು ಅವರು ತಿಳಿಸಿದರು.</p>.<p>‘ಇತರೆ ಪ್ರಮುಖ ರೇಸ್ಗಳನ್ನು ಪ್ರಾಯೋಜಿಸಲು ಕೆಲವು ಸಂಸ್ಥೆಗಳು ಹಾಗೂ ವ್ಯಕ್ತಿಗಳು ಆಸಕ್ತಿ ತೋರಿವೆ. ಅವುಗಳಲ್ಲಿ ಡಾರಿಯಸ್ ಬೈರಾಮ್ಜಿ, ಹೂವ್ಸ್ ಓ ಸ್ಟೀಲ್ ಮಿಲಿಯನ್, ಕೊರೊಮಂಡಲ್ ಗ್ರೊಮೊರ್ ಮತ್ತು ಫೈವ್ ಸ್ಟಾರ್ ಶಿಪ್ಪಿಂಗ್ ಕಂಪನಿ ಪ್ರಮುಖರಾಗಿದ್ದಾರೆ’ ಎಂದರು.</p>.<p>ಈ ಅವಧಿಯಲ್ಲಿ ಸುಮಾರು 168 ರೇಸ್ಗಳು ನಡೆಯಲಿವೆ ಎಂದು ಅಂದಾಜಿಸಲಾಗಿದೆ. ಇತರೆ ರೇಸ್ ಕೇಂದ್ರಗಳಿಂದ ಬಂದಿರುವ ಸುಮಾರು 30 ಟ್ರೈನರ್ಗಳ ತರಬೇತಿಯಲ್ಲಿರುವ ಹೊರಪ್ರದೇಶದ 202 ಕುದುರೆಗಳು ಸೇರಿದಂತೆ ಒಟ್ಟು 799 ಅಶ್ವಗಳು ಸ್ಫರ್ಧಿಸಬಹುದು ಎಂದು ನಿರೀಕ್ಷಿಸಲಾಗಿದೆ.</p>.<p>ಇದೇ ಮೊದಲ ಬಾರಿಗೆ 1300 ಮತ್ತು 1500 ಮೀಟರ್ಸ್ ರೇಸ್ಗಳನ್ನು ಪ್ರಾಯೋಗಿಕವಾಗಿ ನಡೆಸಲಾಗುತ್ತಿದೆ ಎಂದು ಆರ್.ಮಂಜುನಾಥ್ ರಮೇಶ್ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
