<p><strong>ಬೆಂಗಳೂರು: </strong>ಬ್ಯಾಂಕಿನಿಂದ ಸಾಲ ಕೊಡಿಸುವುದಾಗಿ ಮಹಿಳೆಯೊಬ್ಬರಿಗೆ ಮೊಬೈಲ್ನಲ್ಲಿ ಸಂದೇಶ ಕಳುಹಿಸಿ ಪರಿಚಯಿಸಿಕೊಂಡ ವಂಚಕರು, ₹3 ಲಕ್ಷ ಪಡೆದು ವಂಚಿಸಿದ ಪ್ರಕರಣ ಬಯಲಿಗೆ ಬಂದಿದೆ.</p>.<p>ಕೇರಳದ ತಿರುವನಂತಪುರದ ಸುಮಾ ವಂಚನೆಗೆ ಒಳಗಾದ ಮಹಿಳೆ. ಈ ಸಂಬಂಧ ಅವರು, ಅರವಿಂದ್ ಎಂಬಾತ ಸೇರಿ ಐದು ಮಂದಿಯ ವಿರುದ್ಧ ಕಬ್ಬನ್ ಪಾರ್ಕ್ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.</p>.<p>ಮಹಿಳೆಯ ಸ್ನೇಹಿತೆಯ ಮೊಬೈಲ್ಗೆ, ‘ಬ್ಯಾಂಕ್ನಿಂದ ಸಾಲ ಕೊಡಿಸುತ್ತೇವೆ’ ಎಂಬ ಸಂದೇಶ ಎರಡು ತಿಂಗಳ ಹಿಂದೆ ಬಂದಿತ್ತು. ಸ್ನೇಹಿತೆಯಿಂದ ನಂಬರ್ ಪಡೆದು ಸಂದೇಶ ಕಳುಹಿಸಿದ್ದ ವ್ಯಕ್ತಿಯನ್ನು ಸುಮಾ ಸಂಪರ್ಕಿಸಿದ್ದರು. ಈ ವೇಳೆ ಮಾತನಾಡಿದ್ದ ವ್ಯಕ್ತಿಯೊಬ್ಬ, ಅರವಿಂದ್ ಎಂಬುವನ ನಂಬರ್ ಕೊಟ್ಟು ಆತನನ್ನು ವಿಚಾರಿಸುವಂತೆ ತಿಳಿಸಿದ್ದ.</p>.<p>ಅರವಿಂದ್ಗೆ ಕರೆ ಮಾಡಿ ಸಾಲದ ಬಗ್ಗೆ ವಿಚಾರಿಸಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿದ್ದ ಅರವಿಂದ್, ‘ಬ್ಯಾಂಕಿನಿಂದ ₹ 25 ಲಕ್ಷ ಸಾಲ ಕೊಡಿಸುತ್ತೇನೆ. ಇದಕ್ಕೆ ಕಮಿಷನ್ ಸೇರಿ ಒಟ್ಟು ₹1.87 ಲಕ್ಷ ಖರ್ಚಾಗುತ್ತದೆ’ ಎಂದಿದ್ದ. ಆತನ ಮಾತಿಗೆ ಒಪ್ಪಿದ ಸುಮಾ, ತಮಗೆ ಮತ್ತು ಸಂಬಂಧಿಕರೊಬ್ಬರಿಗೆ ತಲಾ ₹ 25 ಲಕ್ಷ ಕೊಡಿಸುವಂತೆ’ ಹೇಳಿದ್ದರು. ಕೆಲವು ದಾಖಲೆಗಳನ್ನು ಪಡೆದುಕೊಂಡ ಬಳಿಕ ಸುಮಾ ಅವರಿಗೆ ಕರೆ ಮಾಡಿದ್ದ ಅರವಿಂದ್, ‘ನಿಮಗೆ ಸಾಲ ಮಂಜೂರಾಗಿದೆ. ಬೆಂಗಳೂರಿಗೆ ಬನ್ನಿ’ ಎಂದು ಹೇಳಿದ್ದ.</p>.<p>ಆತನ ಮಾತು ನಂಬಿ ಸುಮಾ, ಎಂ.ಜಿ. ರಸ್ತೆಯಲ್ಲಿರುವ ಕಾಫಿ ಡೇ ಗೆ ಇತ್ತೀಚೆಗೆ ಬಂದಿದ್ದರು. ಅಲ್ಲಿಗೆ ಬಂದಿದ್ದ ಅರವಿಂದ್ ಕೆಲಹೊತ್ತು ಸುಮಾ ಮತ್ತು ಆಕೆಯ ಸಂಬಂಧಿಕರೊಬ್ಬರ ಜತೆ ವ್ಯವಹಾರದ ಬಗ್ಗೆ ಮಾತನಾಡಿದ್ದ. ಸಾಲ ಮಂಜೂರಾಗಿರುವುದಕ್ಕೆ ₹3 ಲಕ್ಷ ಕಮಿಷನ್ ಪಡೆದುಕೊಂಡು ಹೋಗಿದ್ದಾನೆ. ಆದರೆ, ನಂತರ ಸಂಪರ್ಕಕ್ಕೆ ಸಿಕ್ಕಿಲ್ಲ. ಹೀಗಾಗಿ, ಸುಮಾ ಠಾಣೆಗೆ ದೂರು ನೀಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>ಬ್ಯಾಂಕಿನಿಂದ ಸಾಲ ಕೊಡಿಸುವುದಾಗಿ ಮಹಿಳೆಯೊಬ್ಬರಿಗೆ ಮೊಬೈಲ್ನಲ್ಲಿ ಸಂದೇಶ ಕಳುಹಿಸಿ ಪರಿಚಯಿಸಿಕೊಂಡ ವಂಚಕರು, ₹3 ಲಕ್ಷ ಪಡೆದು ವಂಚಿಸಿದ ಪ್ರಕರಣ ಬಯಲಿಗೆ ಬಂದಿದೆ.</p>.<p>ಕೇರಳದ ತಿರುವನಂತಪುರದ ಸುಮಾ ವಂಚನೆಗೆ ಒಳಗಾದ ಮಹಿಳೆ. ಈ ಸಂಬಂಧ ಅವರು, ಅರವಿಂದ್ ಎಂಬಾತ ಸೇರಿ ಐದು ಮಂದಿಯ ವಿರುದ್ಧ ಕಬ್ಬನ್ ಪಾರ್ಕ್ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.</p>.<p>ಮಹಿಳೆಯ ಸ್ನೇಹಿತೆಯ ಮೊಬೈಲ್ಗೆ, ‘ಬ್ಯಾಂಕ್ನಿಂದ ಸಾಲ ಕೊಡಿಸುತ್ತೇವೆ’ ಎಂಬ ಸಂದೇಶ ಎರಡು ತಿಂಗಳ ಹಿಂದೆ ಬಂದಿತ್ತು. ಸ್ನೇಹಿತೆಯಿಂದ ನಂಬರ್ ಪಡೆದು ಸಂದೇಶ ಕಳುಹಿಸಿದ್ದ ವ್ಯಕ್ತಿಯನ್ನು ಸುಮಾ ಸಂಪರ್ಕಿಸಿದ್ದರು. ಈ ವೇಳೆ ಮಾತನಾಡಿದ್ದ ವ್ಯಕ್ತಿಯೊಬ್ಬ, ಅರವಿಂದ್ ಎಂಬುವನ ನಂಬರ್ ಕೊಟ್ಟು ಆತನನ್ನು ವಿಚಾರಿಸುವಂತೆ ತಿಳಿಸಿದ್ದ.</p>.<p>ಅರವಿಂದ್ಗೆ ಕರೆ ಮಾಡಿ ಸಾಲದ ಬಗ್ಗೆ ವಿಚಾರಿಸಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿದ್ದ ಅರವಿಂದ್, ‘ಬ್ಯಾಂಕಿನಿಂದ ₹ 25 ಲಕ್ಷ ಸಾಲ ಕೊಡಿಸುತ್ತೇನೆ. ಇದಕ್ಕೆ ಕಮಿಷನ್ ಸೇರಿ ಒಟ್ಟು ₹1.87 ಲಕ್ಷ ಖರ್ಚಾಗುತ್ತದೆ’ ಎಂದಿದ್ದ. ಆತನ ಮಾತಿಗೆ ಒಪ್ಪಿದ ಸುಮಾ, ತಮಗೆ ಮತ್ತು ಸಂಬಂಧಿಕರೊಬ್ಬರಿಗೆ ತಲಾ ₹ 25 ಲಕ್ಷ ಕೊಡಿಸುವಂತೆ’ ಹೇಳಿದ್ದರು. ಕೆಲವು ದಾಖಲೆಗಳನ್ನು ಪಡೆದುಕೊಂಡ ಬಳಿಕ ಸುಮಾ ಅವರಿಗೆ ಕರೆ ಮಾಡಿದ್ದ ಅರವಿಂದ್, ‘ನಿಮಗೆ ಸಾಲ ಮಂಜೂರಾಗಿದೆ. ಬೆಂಗಳೂರಿಗೆ ಬನ್ನಿ’ ಎಂದು ಹೇಳಿದ್ದ.</p>.<p>ಆತನ ಮಾತು ನಂಬಿ ಸುಮಾ, ಎಂ.ಜಿ. ರಸ್ತೆಯಲ್ಲಿರುವ ಕಾಫಿ ಡೇ ಗೆ ಇತ್ತೀಚೆಗೆ ಬಂದಿದ್ದರು. ಅಲ್ಲಿಗೆ ಬಂದಿದ್ದ ಅರವಿಂದ್ ಕೆಲಹೊತ್ತು ಸುಮಾ ಮತ್ತು ಆಕೆಯ ಸಂಬಂಧಿಕರೊಬ್ಬರ ಜತೆ ವ್ಯವಹಾರದ ಬಗ್ಗೆ ಮಾತನಾಡಿದ್ದ. ಸಾಲ ಮಂಜೂರಾಗಿರುವುದಕ್ಕೆ ₹3 ಲಕ್ಷ ಕಮಿಷನ್ ಪಡೆದುಕೊಂಡು ಹೋಗಿದ್ದಾನೆ. ಆದರೆ, ನಂತರ ಸಂಪರ್ಕಕ್ಕೆ ಸಿಕ್ಕಿಲ್ಲ. ಹೀಗಾಗಿ, ಸುಮಾ ಠಾಣೆಗೆ ದೂರು ನೀಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
