ಬೆಂಗಳೂರು: ಸಂಚಾರ ಪೂರ್ವ ವಿಭಾಗದಲ್ಲಿ ವ್ಹೀಲೆ ನಡೆಸಿ, ಸಂಚಾರ ನಿಯಮ ಉಲ್ಲಂಘಿಸಿದ್ದ ಎಂಟು ಬೈಕ್‌ ಮಾಲೀಕರ ನೋಂದಣಿ ಪ್ರಮಾಣಪತ್ರಗಳನ್ನು ಅಮಾನತು ಮಾಡಲಾಗಿದೆ.
30 ನೋಂದಣಿ ಪ್ರಮಾಣಪತ್ರಗಳನ್ನು ಅಮಾನತು ಮಾಡಲು ಪ್ರಾದೇಶಿಕ ಸಾರಿಗೆ ಇಲಾಖೆಗೆ ಕಳುಹಿಸಲಾಗಿತ್ತು.ಈ ಪೈಕಿ ಎಂಟು ಪ್ರಮಾಣಪತ್ರಗಳನ್ನು ಮೂರು ತಿಂಗಳ ಅವಧಿಗೆ ಅಮಾನತು ಮಾಡಲಾಗಿದೆ. ಉಳಿದಂತೆ, 16 ನೋಂದಣಿ ಪತ್ರಗಳನ್ನು ಅಮಾನತು ಮಾಡುವಂತೆ ಆರ್‌ಟಿಒ ಕಚೇರಿ ಜೊತೆಗೆ ಪತ್ರ ವ್ಯವಹಾರ ನಡೆಸಲಾಗುತ್ತಿದೆ. 46 ವ್ಹೀಲೆ ಪ್ರಕರಣಗಳನ್ನು ದಾಖಲು ಮಾಡಲಾಗಿದ್ದು, ಆ ಪೈಕಿ 34 ಮಂದಿ ವಯಸ್ಕರರು ಹಾಗೂ 12 ಮಂದಿ ಬಾಲಕರು ಎಂದು ಪೊಲೀಸರು ಹೇಳಿದರು.
