ಪ್ಲಾಸ್ಟಿಕ್ ಸ್ಟಿಕ್ಕರ್ ನುಂಗಿದ್ದ ಮಗುವಿಗೆ ಕೆಲ ಸಮಯದ ನಂತರ ಕೆಮ್ಮು ಕಾಣಿಸಿಕೊಂಡಿತ್ತು. ಉಸಿರಾಡುವಾಗ ಜೋರಾಗಿ ಸದ್ದು ಕೇಳಿಸುತ್ತಿತ್ತು. ಪಾಲಕರು ಮಗುವನ್ನು ಶಿಶುಕಾ ಆಸ್ಪತ್ರೆಯ ಮಕ್ಕಳ ತಜ್ಞ ಡಾ.ಕೆ.ಆರ್. ಭರತ್ ರೆಡ್ಡಿ ಬಳಿ ಕರೆದೊಯ್ದು, ತಪಾಸಣೆಗೆ ಒಳಪಡಿಸಿದರು. ವೈದ್ಯರು ಮಗುವಿಗೆ ಬ್ರಾಂಕೋಸ್ಕೋಪಿ ನಡೆಸಿದಾಗ ಶ್ವಾಸಕೋಶದ ಭಾಗದಲ್ಲಿ ಹಸಿರು ಮತ್ತು ಹಳದಿ ಬಣ್ಣದ ವಸ್ತು ಅಂಟಿಕೊಂಡಿರುವುದು ಕಾಣಿಸಿಕೊಂಡಿತು. ರಿಜಿಡ್ ಬ್ರಾಂಕೋಸ್ಕೋಪಿ ನಡೆಸಲು ಅ‌ಲ್ಲಿನ ವೈದ್ಯರು ಮಗುವನ್ನು ರೈನ್ ಬೋ ಮಕ್ಕಳ ಆಸ್ಪತ್ರೆಗೆ ಶಿಫಾರಸು ಮಾಡಿದರು.
