ಕೋಡಿ ಹರಿದ ಕನ್ನಮಂಗಲ ಕೆರೆ: ಪುನರುಜ್ಜೀವನಗೊಂಡು ವರ್ಷದೊಳಗೆ ತುಂಬಿದ ಜಲಕಾಯ

ಬೆಂಗಳೂರು: ಕನ್ನಮಂಗಲ ಕೆರೆಯಅಭಿವೃದ್ಧಿ ಕಾಮಗಾರಿಗಳು ಪೂರ್ಣಗೊಂಡ ವರ್ಷದೊಳಗೆ ಈ ಕೆರೆಯು ಕೋಡಿ ಹರಿದಿದೆ. ತುಂಬಿ ಹರಿಯುತ್ತಿರುವ ಈ ಕೆರೆಗೆ ಬಾಗಿನ ಅರ್ಪಿಸುವ ಮೂಲಕ ಸಂಭ್ರಮ ಆಚರಿಸಲು ಗ್ರಾಮಸ್ಥರು ಸಜ್ಜಾಗಿದ್ದಾರೆ.

. ಮಹದೇವಪುರ ಕ್ಷೇತ್ರದ ಬಿದರಹಳ್ಳಿ ಹೋಬಳಿಯ ಕನ್ನಮಂಗಲ ಗ್ರಾಮಪಂಚಾಯಿತಿ ವ್ಯಾಪ್ತಿಯ ಈ ಕೆರೆ ಒತ್ತುವರಿಯಾಗಿತ್ತು. ಸಮರ್ಪಕ ನಿರ್ವಹಣೆ ಇಲ್ಲದೇ ಈ ಕೆರೆ ಕಸ ತುಂಬುವ ತಾಣವಾಗಿ ಮಾರ್ಪಟ್ಟಿತ್ತು. ಕೊಳಚೆ ನೀರು ಕೂಡ ಇದರ ಒಡಲು ಸೇರುತ್ತಿತ್ತು. ಸಂಪೂರ್ಣ ಹದಗೆಟ್ಟಿದ್ದ ಈ ಕೆರೆಯನ್ನು ಸ್ಥಳೀಯ ನಿವಾಸಿಗಳ ಸ್ವಯಂಸೇವಕರ ಗುಂಪು ’ಫೋರ್ಸ್ ಜಿಡಬ್ಲ್ಯು’ ಹಾಗೂ ಮಹದೇವಪುರ ಪರಿಸರ ಕಾರ್ಯಪಡೆ ನೇತೃತ್ವದಲ್ಲಿ ಪುನರುಜ್ಜೀವನಗೊಳಿಸಿತ್ತು.

. 2019ರಲ್ಲಿ ಆರಂಭಗೊಂಡ ಪುನರುಜ್ಜೀವನ ಕಾರ್ಯ 2020ರಲ್ಲಿ ಪೂರ್ಣಗೊಂಡಿತ್ತು. ಶಾಸಕರ ನಿಧಿ, ದಾನಿಗಳು ಹಾಗೂ ಸ್ವಯಂಸೇವಕರು ನೀಡಿದ ದೇಣಿಗೆಯ ಮೂಲಕ ಪುನರುಜ್ಜೀವನ ಕಾರ್ಯದ ವೆಚ್ಚವನ್ನು ಭರಿಸಲಾಗಿತ್ತು.

. ‘ಒತ್ತುವರಿಯಾಗಿದ್ದ ಈ ಕೆರೆಯಲ್ಲಿ ಮೂರು ಎಕರೆಯಲ್ಲಷ್ಟೇ ನೀರು ನಿಲ್ಲುತ್ತಿತ್ತು. ಇದರಲ್ಲಿ ತುಂಬಿದ್ದ 400 ಟನ್ಗಳಷ್ಟು ಕಸವನ್ನು ಹೊರಗೆ ತೆಗೆಸಿ ಎಂಎಸ್ಜಿಪಿಎಲ್ ಕಸ ಸಂಸ್ಕರಣಾ ಘಟಕಕ್ಕೆ ಸಾಗಿಸಿದ್ದೇವೆ. ಕೆರೆ ಪುನರುಜ್ಜೀವನದ ಬಳಿಕ 10 ಎಕರೆ ಪ್ರದೇಶದಲ್ಲಿ ನೀರು ನಿಲ್ಲುತ್ತಿದೆ. ಜಲಕಾಯದ ಸುತ್ತ ಸುಮಾರು 2 ಕಿ.ಮೀ ಉದ್ದದ ನಡಿಗೆ ಪಥ ನಿರ್ಮಿಸಲಾಗಿದೆ. ಎರಡು ಕಡೆ ಸ್ಥಳೀಯ ಪ್ರಭೇದದ ಗಿಡಗಳಿರುವ ಮಿಯಾವಾಕಿ ಕಾಡನ್ನು ಬೆಳೆಸಲಾಗಿದೆ. ಮಕ್ಕಳು ಆಡಲು ಆಟಿಕೆಗಳನ್ನು ಅಳವಡಿಸಲಾಗಿದೆ. ಬಯಲು ವ್ಯಾಯಾಮ ಶಾಲೆ ನಿರ್ಮಿಸಲಾಗಿದೆ’ ಎಂದು ಗ್ರಾಮ ಪಂಚಾಯಿತಿ ಸದಸ್ಯ ಲಿಂಗರಾಜು ಅರಸ್ ‘ಪ್ರಜಾವಾಣಿ’ಗೆ ತಿಳಿಸಿದರು.

. ಬಾಗಿನ ಅರ್ಪಣೆ: ‘25 ವರ್ಷಗಳಲ್ಲಿ ಈ ಕೆರೆ ಕೋಡಿ ಹರಿದಿದ್ದನ್ನು ನೋಡಿಲ್ಲ. ಒಂದು ವಾರದಿಂದ ಈಚೆಗೆ ಬಂದ ಮಳೆಯಿಂದಾಗಿ ಕೆರೆ ಭರ್ತಿಯಾಗಿ ಕೋಡಿ ಹರಿದಿರುವುದು ಸ್ಥಳೀಯರ ಸಡಗರಕ್ಕೆ ಕಾರಣವಾಗಿದೆ. ಇದೇ 20ರಂದು ಕೆರೆಗೆ ಬಾಗಿನ ಅರ್ಪಿಸಲು ಸಿದ್ಧತೆ ನಡೆಸಿದ್ದೇವೆ’ ಎಂದು ಅವರು ಮಾಹಿತಿ ನೀಡಿದರು.

. ‘ನೈಸರ್ಗಿಕ ಸೋಸುವಿಕೆ’

. ‘ಈ ಕೆರೆಗೆ ಶುದ್ಧೀಕರಣಗೊಂಡ ಕೊಳಚೆ ನೀರು ಸೇರ್ಪಡೆಯಾಗುತ್ತದೆ. ನೀರು ಶುದ್ಧೀಕರಣಕ್ಕೆ ನೀರು 48 ಗಂಟೆ ಕಾಲ ನಿಂತು, ಜೌಗು ಪ್ರದೇಶದ ಮೂಲಕ ಹಾದು ಹೋಗುವ ನೈಸರ್ಗಿಕ ಸೋಸುವಿಕೆ ವಿಧಾನವನ್ನು ಅನುಸರಿಸಲಾಗುತ್ತಿದೆ’ ಎಂದುಲಿಂಗರಾಜು ಅರಸ್ ತಿಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೋಡಿ ಹರಿದ ಕನ್ನಮಂಗಲ ಕೆರೆ: ಪುನರುಜ್ಜೀವನಗೊಂಡು ವರ್ಷದೊಳಗೆ ತುಂಬಿದ ಜಲಕಾಯ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಲಂಚ: ಕ್ರಿಮ್ಸ್ ವೈದ್ಯಕೀಯ ಅಧೀಕ್ಷಕ ಡಾ.ಶಿವಾನಂದ ಕುಡ್ತಲಕರ್ ಲೋಕಾಯುಕ್ತ ಬಲೆಗೆ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಲಂಚ: ಕ್ರಿಮ್ಸ್ ವೈದ್ಯಕೀಯ ಅಧೀಕ್ಷಕ ಡಾ.ಶಿವಾನಂದ ಕುಡ್ತಲಕರ್ ಲೋಕಾಯುಕ್ತ ಬಲೆಗೆ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ