ಯುನೈಟೆಡ್ ವೇ ಆಫ್ ಬೆಂಗಳೂರು ಹಾಗೂ ಬಾಷ್ ಕಂಪನಿಯು ಕಾರ್ಪೊರೇಟ್‌ ಕಂಪನಿಗಳ ಸಾಮಾಜಿಕ ಹೊಣೆಗಾರಿಕೆ ನಿಧಿಯಡಿ (ಸಿಎಸ್‌ಆರ್‌) ಲಾಲ್‌ ಬಾಗ್‌ನಲ್ಲಿ ನಿರ್ಮಿಸಿರುವ 124 ಇಂಗು ಗುಂಡಿಗಳನ್ನು ಪರಿಶೀಲಿಸಿ, ಮಾತನಾಡಿದರು. ‘240 ಎಕರೆ ಪ್ರದೇಶಕ್ಕೆ ವಿಸ್ತರಿಸಿಕೊಂಡಿರುವ ಲಾಲ್‌ ಬಾಗ್, ವಿವಿಧ ಸಸ್ಯ ಪ್ರಭೇದಗಳಿಂದ ಕೂಡಿದೆ. ಭೌಗೋಳಿಕವಾಗಿ ದಕ್ಷಿಣ ಪ್ರದೇಶವು ಎತ್ತರದಿಂದ ಹಾಗೂ ಉತ್ತರ ಪ್ರದೇಶವು ಇಳಿಜಾರು ಪ್ರದೇಶದಿಂದ ಕೂಡಿದೆ. ಮಳೆ ಬಂದ ಸಂದರ್ಭದಲ್ಲಿ ನೀರು ಕಾಲುವೆಗಳ ಮೂಲಕ ಹಾದುಹೋಗಿ, ಪೋಲಾಗುತ್ತಿತ್ತು. ಇದನ್ನು ತಡೆಯಲು ಇಂಗು ಗುಂಡಿಗಳು ಸಹಕಾರಿಯಾಗಿವೆ’ ಎಂದರು.
