ಈ ಸಂಸ್ಥೆಯನ್ನು ಚೆನ್ನೈಯ ಡಾ. ಎಂಜಿಆರ್‌ ಶೈಕ್ಷಣಿಕ ಮತ್ತು ಸಂಶೋಧನಾ ಸಂಸ್ಥೆಯ ವ್ಯಾಪ್ತಿಗೆ ಒಳಪಡಿಸಿ ಕೇಂದ್ರ ಸರ್ಕಾರ 2019ರ ಫೆಬ್ರುವರಿಯಲ್ಲಿ ಹೊರಡಿಸಿದ್ದ ಆದೇಶವನ್ನು ಏಕಸದಸ್ಯ ಪೀಠ 2020ರ ನವೆಂಬರ್ 3ರಂದು ರದ್ದುಗೊಳಿಸಿತ್ತು. ಕರ್ನಾಟಕ ಸರ್ಕಾರದ ಆಕ್ಷೇಪ ಪರಿಗಣಿಸದೆ ವರ್ಗಾವಣೆ ಶಿಫಾರಸನ್ನು ಯುಜಿಸಿ ಮಾಡಲಾಗದು ಎಂದು ಏಕ ಸದಸ್ಯ ಪೀಠ ಹೇಳಿತ್ತು. ವೈದ್ಯಕೀಯ ಕಾಲೇಜನ್ನು ರಾಜೀವ್ ಗಾಂಧಿ ಆರೋಗ್ಯ ವಿಜ್ಞಾನ ವಿಶ್ವವಿದ್ಯಾಲಯದ (ಆರ್‌ಜಿಯುಎಚ್‌ಎಸ್) ವ್ಯಾಪ್ತಿಯಲ್ಲೇ ಉಳಿಸಲು ನಿರ್ದೇಶನ ನೀಡಿತ್ತು.
