ಬೆಂಗಳೂರು: ‘ನೆರಳು ರಹಿತ ದಿನ’ಕ್ಕೆ ಸಾಕ್ಷಿಯಾದ ವಿದ್ಯಾರ್ಥಿಗಳು

ಈ ವರ್ಷದ 2ನೇ ‘ನೆರಳು ರಹಿತ ದಿನ’ ಇದಾಗಿತ್ತು. ಏಪ್ರಿಲ್ 24 ಹಾಗೂ 25ರಲ್ಲಿಯೂ ಈ ಘಟನೆ ಸಂಭವಿಸಿತ್ತು.

ಶನಿವಾರ ಮಧ್ಯಾಹ್ನ 12.24ಕ್ಕೆ ತಮ್ಮ ನೆರಳೇ ತಮಗೆ ಕಾಣದಂತಾಗುವ ರೋಮಾಂಚಕ ದೃಶ್ಯಗಳನ್ನು ನೋಡಿ ವಿದ್ಯಾರ್ಥಿಗಳು ಸಂಭ್ರಮಪಟ್ಟರು. ವಿಜ್ಞಾನ ಶಿಕ್ಷಕರ ಮಾರ್ಗದರ್ಶನದಲ್ಲಿ ಶಾಲಾ ಆವರಣದಲ್ಲಿ ವಿವಿಧ ವಿನ್ಯಾಸ ರೂಪಿಸಲಾಗಿತ್ತು.

ಸಂಸ್ಥೆಯ ಅಧ್ಯಕ್ಷ ಟಿ. ಬಾಲಕೃಷ್ಣ, ಉಪಾಧ್ಯಕ್ಷ ಬಿ. ವೆಂಕಟೇಶ್, ನಿರ್ದೇಶಕ ಬಿ. ಶೇಖರ್, ಪ್ರಾಂಶುಪಾಲರಾದ ಸುಲೋಚನಾ ಬಾಲಕೃಷ್ಣ, ಉಪ ಪ್ರಾಂಶುಪಾಲರಾದ ಶ್ರೀಮತಿ ಅಲಂಕೃತ, ಸುಭಿಕ್ಷ ಇದ್ದರು.