ನಗರದಲ್ಲಿ 11,569 ಕುಡಿಯುವ ನೀರಿನ ಸ್ಥಾವರಗಳಿದ್ದು, ಅವುಗಳ ತಿಂಗಳ ವಿದ್ಯುತ್ ಶುಲ್ಕಕ್ಕೆ ಸಂಬಂಧಿಸಿ ₹402.36 ಕೋಟಿ ಅಸಲು ಮತ್ತು ₹91.08 ಕೋಟಿ ಬಡ್ಡಿ ಸೇರಿ ₹ 493.44 ಕೋಟಿ ವಿದ್ಯುತ್ ಶುಲ್ಕ ಬಾಕಿ ಇದೆ. ಇದರಲ್ಲಿ ಬಿಬಿಎಂಪಿಯಿಂದ ಜಲಮಂಡಳಿಗೆ ಜಲವಿದ್ಯುತ್‌ ಸ್ಥಾವರಗಳನ್ನು ವರ್ಗಾಯಿಸುವುದಕ್ಕೂ ಮುನ್ನ ₹204.59 ಕೋಟಿ ವಿದ್ಯುತ್ ಶುಲ್ಕ ಬಾಕಿ ಉಳಿಸಿಕೊಂಡಿತ್ತು. ಈ ಮೊತ್ತವನ್ನೂ ಬಿಬಿಎಂಪಿಯೇ ಪಾವತಿಸಬೇಕು ಎಂದು ಮುಖ್ಯ ಕಾರ್ಯದರ್ಶಿಯವರು 2020ರ ಜು17ರಂದು ನಡೆದಿದ್ದ ಸಭೆಯಲ್ಲಿ ಸೂಚಿಸಿದ್ದರು. 21,112 ಬೀದಿ ದೀಪ ಸ್ಥಾವರಗಳ ₹21.72 ಕೋಟಿ ಬಾಕಿ ಸೇರಿ ಒಟ್ಟು ₹ 515.16 ಕೋಟಿ ಶುಲ್ಕವನ್ನು ಬಿಬಿಎಂಪಿ ಬಾಕಿ ಉಳಿಸಿಕೊಂಡಿದೆ ಎಂದು ನಗರಾಭಿವೃದ್ಧಿ ಇಲಾಖೆ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿ ಅವರು ಬಿಬಿಎಂಪು ಮುಖ್ಯ ಆಯುಕ್ತರಿಗೆ ಬರೆದ ಪತ್ರದಲ್ಲಿ ವಿವರಿಸಿದ್ದಾರೆ
