ಔರಾದ್: ರೈತರಲ್ಲಿ ಮಂದಹಾಸ ತಂದ ಮಳೆ

ಔರಾದ್ ಹೋಬಳಿಯಲ್ಲಿ 34.4 ಮಿ.ಮೀ., ಚಿಂತಾಕಿ 12.4 ಮಿ.ಮೀ., ಸಂತಪುರ 10.6 ಮಿ.ಮೀ., ದಾಬಕಾ 4.4 ಮಿ.ಮೀ., ಠಾಣಾಕುಶನೂರ 3.10 ಮಿ.ಮೀ ಮಳೆಯಾಗಿದೆ. ಇದರಿಂದ ಬಿತ್ತನೆ ಸಿದ್ಧತೆಯಲ್ಲಿರುವ ರೈತರಲ್ಲಿ ಆಶಾಭಾವ ಮೂಡಿದೆ.

ರೈತರಿಗೆ ಸಲಹೆ: ಸೋಯಾ ಬಿತ್ತನೆ ಮಾಡುವ ರೈತರು ಬಹಳ ಕಾಳಜಿ ವಹಿಸಬೇಕಾಗಿದೆ. 70ರಿಂದ 80 ಮಿ.ಮೀ. ಮಳೆಯಾದರೆ ಮಾತ್ರ ಸೋಯಾ ಬಿತ್ತನೆ ಮಾಡಬೇಕು. 4ರಿಂದ 5 ಸೆಂಟಿ ಮೀಟರ್ ಆಳದಲ್ಲಿ ಸೋಯಾ ಬೀಜ ಬಿತ್ತಬೇಕು. ಖರೀದಿ ಮಾಡಿದ ಸೋಯಾ ಬೀಜದ ಚೀಲ ಬೇಕಾಬಿಟ್ಟಿ ಬೀಸಾಡುವುದು ಮಾಡಬಾರದು. ಸೋಯಾಗೆ ಡಿಎಪಿ ಬದಲು ಕಾಂಪ್ಲೆಕ್ಸ್ ಗೊಬ್ಬರ ಬಳಸುವುದರಿಂದ ಉತ್ತಮ ಇಳುವರಿ ಬರುತ್ತದೆ ಎಂದು ಸಹಾಯಕ ಕೃಷಿ ನಿರ್ದೇಶಕ ಧುಳಪ್ಪ ತಿಳಿಸಿದ್ದಾರೆ.