ಬುದ್ಧನ ಅಷ್ಟಾಂಗ ಮಾರ್ಗ ಪಾಲಿಸಿ: ಪಿಯಾ ಭಂತೇಜಿ

ಬಿಕ್ಕು ಬೋಧಿ ಪಿಯಾ ಭಂತೇಜಿ ಪ್ರವಚನ ನೀಡಿ, ಗೌತಮ ಬುದ್ಧರು ಹುಟ್ಟಿದ, ಜ್ಞಾನೋದಯ ಹಾಗೂ ಪರಿನಿಬ್ಬಾಣ ಹೊಂದಿದ ಪವಿತ್ರ ದಿನ ಇದಾಗಿದೆ. ರಾಜನಾಗಿದ್ದರೂ ಅರಮನೆ ಬಿಟ್ಟು ಸತ್ಯವನ್ನು ಹುಡುಕಿ ಹೊರಟು ದುಃಖಕ್ಕೆ ಮೂಲವನ್ನು ಹುಡುಕಿ ಜನರಿಗೆ ಬೋಧಿಸಿದರು. ದುಃಖ ನಿವಾರಣೆಗಾಗಿ ಅಷ್ಟಾಂಗ ಮಾರ್ಗವನ್ನು ತೋರಿಸಿದ್ದಾರೆ. ಉತ್ತಮ ಆಲೋಚನೆ ಹಾಗೂ ಪರಿಶುದ್ಧ ಜೀವನದೊಂದಿಗೆ ಗೌತಮ ಬುದ್ಧರ ತತ್ವಗಳನ್ನು ಪಾಲಿಸಬೇಕು ಎಂದರು.

ನಾಡಿನಲ್ಲಿ ಶಾಂತಿ ನೆಲೆಸಲು ಬುದ್ಧರ ಚಿಂತನೆಗಳನ್ನು ಅಳವಡಿಸಿಕೊಳ್ಳಬೇಕು. ಜತೆಗೆ ಬೌದ್ಧ ಅನುಯಾಯಿಗಳು ಹೆಚ್ಚಾಗಬೇಕು ಎಂದು ತಿಳಿಸಿದರು. ಅನ್ನದಾನ, ಆಹಾರದ ಕಿಟ್ ಹಾಗೂ ವಿದ್ಯಾರ್ಥಿಗಳಿಗೆ ಪುಸ್ತಕಗಳನ್ನು ವಿತರಿಸಲಾಯಿತು.

ಹೆಗ್ಗವಾಡಿ, ಯಲಕ್ಕೂರು, ಕಮರವಾಡಿ ಹಾಗೂ ಉಮ್ಮತ್ತೂರು ಗ್ರಾಮಗಳ ಉಪಾಸಕರು ಹಾಜರಿದ್ದರು.