ಭಾನುವಾರ, ಜುಲೈ 25, 2021
25 °C

ಆನೆಯನ್ನು ಬೆನ್ನಟ್ಟಿದ ಸೀಳು ನಾಯಿಗಳು: ಹಳೆ ವಿಡಿಯೊ- ಹೊಸ ವೈರಲ್

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಚಾಮರಾಜನಗರ: ಆನೆಯ ಮೇಲೆ ಸೀಳು ನಾಯಿಗಳ ಗುಂಪು ದಾಳಿ ಮಾಡಲು ಯತ್ನಿಸುತ್ತಿರುವ, ವೈರಲ್‌ ಆಗಿರುವ ವಿಡಿಯೊ ತುಣುಕು ಹಳೆಯ ವಿಡಿಯೊವಾಗಿದ್ದು, ಬಿಆರ್‌ಟಿ ಅರಣ್ಯದ್ದಲ್ಲ, ನಾಗರಹೊಳೆಯದ್ದು ಎಂಬುದು ಗೊತ್ತಾಗಿದೆ.

ವನ್ಯಜೀವಿ ಛಾಯಾಗ್ರಾಹಕರಾದ ಮಿಥುನ್‌ ಹುನಗುಂದ ಅವರು ಈ ವಿಡಿಯೊವನ್ನು ಚಿತ್ರೀಕರಿಸಿದ್ದು, 2016ರ ಜುಲೈ 6ರಂದು ತಮ್ಮ ಫೇಸ್‌ಬುಕ್‌ ಪುಟದಲ್ಲಿ ‘ಸೈಜ್‌ ವರ್ಸಸ್‌ ನಂಬರ್ಸ್‌’ ಎಂಬ ತಲೆಬರಹದ ಅಡಿಯಲ್ಲಿ ಪ್ರಕಟಿಸಿದ್ದರು.

ಈ ವಿಡಿಯೊ ತುಣುಕು 59 ಸೆಕೆಂಡ್‌ಗಳಷ್ಟು ಇದೆ. ಈಗ ಇದೇ ವಿಡಿಯೊವನ್ನು ಕತ್ತರಿಸಿ ಬಿಆರ್‌ಟಿ ಅರಣ್ಯ ಪ್ರದೇಶದಲ್ಲಿ ನಡೆದಿರುವುದು ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಡಲಾಗಿದೆ. ಈಗ ವೈರಲ್ ಆಗಿರುವ ವಿಡಿಯೊ 29 ಸೆಕೆಂಡ್‌ಗಳಿಷ್ಟಿದೆ.

ವಿಡಿಯೊದ ಬಗ್ಗೆ ಪ್ರತಿಕ್ರಿಯೆ ಪಡೆಯಲು ಮಿಥುನ್‌ ಹುನಗುಂದ ಅವರನ್ನು ‘ಪ್ರಜಾವಾಣಿ’ ಸಂಪರ್ಕಿಸಿದಾಗ, ‘2016ರಲ್ಲಿ ಕಬಿನಿ ಪ್ರದೇಶದಲ್ಲಿ ವಿಡಿಯೊ ಚಿತ್ರೀಕರಿಸಿದ್ದೆ’ ಎಂದು ಸ್ಪಷ್ಟಪಡಿಸಿದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು